»   » '6ನೇ ಮೈಲಿ' ಚಿತ್ರಕ್ಕಿದೆ '6'ರ ನಂಟು: ಹೀಗೂ ಉಂಟು.!

'6ನೇ ಮೈಲಿ' ಚಿತ್ರಕ್ಕಿದೆ '6'ರ ನಂಟು: ಹೀಗೂ ಉಂಟು.!

By Harshitha
Subscribe to Filmibeat Kannada
For Quick Alerts
ALLOW NOTIFICATIONS
For Daily Alerts

    ಗಾಂಧಿನಗರದ ಮೂಲೆ ಮೂಲೆಯಲ್ಲೂ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿರುವ '6ನೇ ಮೈಲಿ' ಸಿನಿಮಾ ಜುಲೈ 6 ರಂದು ಬಿಡುಗಡೆ ಆಗಲಿದೆ. ಕಳೆದ ವಾರವಷ್ಟೇ ಬಿಡುಗಡೆ ಆದ '6ನೇ ಮೈಲಿ' ಸಿನಿಮಾದ ಟ್ರೈಲರ್ ವ್ಯೂಸ್ ಸದ್ಯ 6 ಲಕ್ಷ ಗಡಿಯನ್ನು ದಾಟಿದೆ.

    ಸೂಕ್ಷ್ಮವಾಗಿ ಗಮನಿಸಿದ್ರೆ, ಎಲ್ಲೆಲ್ಲೂ ಆರೇ ಕಾಣ್ತಿದೆ ಅಲ್ವಾ.? ಇದು ಕಾಕತಾಳೀಯ ಅಂತ ನೀವು ಭಾವಿಸಬಹುದು. ಆದ್ರೆ, '6ನೇ ಮೈಲಿ' ಸಿನಿಮಾ ಸೆಟ್ಟೇರಿದಾಗಿನಿಂದಲೂ ಚಿತ್ರತಂಡಕ್ಕೆ ಆರರ ನಂಟು ಉಂಟು.!

    ಏನಿದು ಆರರ ನಂಟು ಅಂತ ತಲೆಗೆ ಹುಳ ಬಿಟ್ಟುಕೊಳ್ಳುವ ಮುನ್ನ ಫೋಟೋ ಸ್ಲೈಡ್ ಗಳಲ್ಲಿ ಸಂಪೂರ್ಣ ಮಾಹಿತಿ ಇದೆ, ಓದಿರಿ...

    ಮುಹೂರ್ತ ಮತ್ತು ಆರು.!

    ನಾಗಬ್ರಹ್ಮ ಕ್ರಿಯೇಷನ್ಸ್ ರವರ ಚೊಚ್ಚಲ ಸಿನಿಮಾ '6ನೇ ಮೈಲಿ' ಮುಹೂರ್ತ ನಡೆದದ್ದು ಫೆಬ್ರವರಿ 15 (1+5 = 6) ರ೦ದು. ಚಿತ್ರತಂಡ ಹಾಗೂ ಆರರ ನಡುವಿನ ನಂಟು ಶುರುವಾಗಿದ್ದು ಇಲ್ಲಿಂದಲೇ.!

    ಆರು ಕಿಲೋಮೀಟರ್ ಅಂತರ.!

    '6ನೇ ಮೈಲಿ' ಸಿನಿಮಾದ ಚಿತ್ರೀಕರಣಕ್ಕೂ ಮೊದಲು ಪೂಜೆಗೆಂದು ರಾಜನಹಳ್ಳಿಯಲ್ಲಿನ ನಾಗಬ್ರಹ್ಮ ದೇಗುಲಕ್ಕೆ ಭೇಟಿ ನೀಡಲು ಚಿತ್ರತಂಡ ಪ್ಲಾನ್ ಮಾಡಿತ್ತು. ಅಸಲಿಗೆ, ನಾಗಬ್ರಹ್ಮ ದೇಗುಲ ನಿರ್ಮಿಸಿದ್ದು, '6ನೇ ಮೈಲಿ' ಸಿನಿಮಾದ ನಿರ್ಮಾಪಕ ಹಾಗೂ ನಾಗಬ್ರಹ್ಮ ಕ್ರಿಯೇಷನ್ಸ್ ನ ಮಾಲೀಕರಾದ ಡಾ. ಶೈಲೇಶ್ ಕುಮಾರ್. ಇಲ್ಲಿ ಆಶ್ಚರ್ಯ ಏನಂದ್ರೆ, ಚಿತ್ರತ೦ಡ ಉಳಿದಿದ್ದ ರಾಜನಹಳ್ಳಿಯ ಜಾಗದಿಂದ ನಾಗಬ್ರಹ್ಮ ದೇಗುಲಕ್ಕೆ ಸರಿಯಾಗಿ 6 ಕಿಲೋಮಿಟರ್ ಅ೦ತರ.!

    ಟ್ರೆಕ್ಕಿಂಗ್ ಮೂಲಕ '6ನೇ ಮೈಲಿ' ಚಿತ್ರತಂಡ ವಿನೂತನ ಪ್ರಚಾರ

    '6ನೇ ಮೈಲಿ'ಗಲ್ಲು

    ಮೊದಲ ದಿನದ ಚಿತ್ರೀಕರಣ ಮುಗಿಸಿ ಬೆ೦ಗಳೂರಿಗೆ ವಾಪಸ್ ಬರುವಾಗ, ನಿರ್ಮಾಪಕರು ಇದ್ದಕ್ಕಿದ್ದ೦ತೆಯೇ ಗಾಡಿ ನಿಲ್ಲಿಸಿ, ತಮ್ಮ ಜಮೀನು ತೋರಿಸುತ್ತಾ.. ಮಲ್ಟಿ-ಸ್ಪೆಷಾಲಿಟಿ ಆಸ್ಪತ್ರೆಯ ನಿರ್ಮಾಣದ ಬಗ್ಗೆ ಮಾತನಾಡುತ್ತಿದ್ದರಂತೆ. ಆಗ ಅಲ್ಲೇ ನಿರ್ದೇಶಕ ಸೀನಿ ಕಣ್ಣಿಗೆ ಬಿದ್ದದ್ದು '6ನೇ ಮೈಲಿ'ಗಲ್ಲು.! ತಕ್ಷಣವೇ, ಕ್ಯಾಮರಾಮ್ಯಾನ್ ಗೆ ಹೇಳಿ ಫೋಟೋ ಕ್ಲಿಕ್ ಮಾಡಿಸಿಕೊಂಡು ಸಿನಿಮಾದ ಪೋಸ್ಟರ್ ನಲ್ಲಿ ಅದೇ ಮೈಲಿಗಲ್ಲನ್ನು ಬಳಸಿಕೊಂಡಿದ್ದಾರೆ ನಿರ್ದೇಶಕ ಸೀನಿ.

    'ಡೆತ್ ಮೆಟಲ್ ಪ್ಯಾಟ್ರನ್'ನ ಮೊದಲ ಬಾರಿಗೆ ಕನ್ನಡಕ್ಕೆ ತಂದ ಚಿತ್ರ '6ನೇ ಮೈಲಿ'

    ತಿರುಪತಿ ಬೆಟ್ಟದಲ್ಲಿ '6ನೇ ಮೈಲಿ'ಗಲ್ಲು

    ನಿರ್ದೇಶಕ ಸೀನಿ ಸಿನಿಮಾದ ಟೀಸರ್ ಬಿಡುಗಡೆ ಮಾಡುವ ಮೊದಲು, ತಿರುಪತಿಗೆ ಹೋಗಿದ್ದರು. ತಿರುಪತಿಯಲ್ಲಿ ಬೆಟ್ಟ ಹತ್ತುವಾಗ, ಅಲ್ಲೂ ಅವರಿಗೆ '6ನೇ ಮೈಲಿ'ಗಲ್ಲು ಕಂಡುಬಂತಂತೆ.

    ಕುತೂಹಲ ಕೆರಳಿಸುವ '6ನೇ ಮೈಲಿ' ಚಿತ್ರದ ಟ್ರೈಲರ್ ನೋಡಿದ್ರಾ.?

    ಆರು ಗಂಟೆಗೆ ದರ್ಶನ.!

    ನಿರ್ದೇಶಕ ಸೀನಿ ಬೆಟ್ಟ ಹತ್ತಿ ತಿರುಪತಿ ತಿಮ್ಮಪ್ಪನ ದರ್ಶನ ಪಡೆಯುವಷ್ಟರಲ್ಲಿ ಸಂಜೆ ಆರು ಗಂಟೆ ಆಗಿತ್ತಂತೆ.!

    ಟೀಸರ್ ಬಿಡುಗಡೆ ಮಾಡಿದ್ದೂ ಆರು ಗಂಟೆಗೆ.!

    ಕಾಕತಾಳೀಯ ಅಂದ್ರೆ, '6ನೇ ಮೈಲಿ' ಸಿನಿಮಾದ ಮೊದಲ ಟೀಸರ್ ಬಿಡುಗಡೆ ಆಗಿದ್ದು ಮಂಗಳೂರಿನ ಮಾಲ್ ನಲ್ಲಿ ಸಂಜೆ ಆರು ಗಂಟೆಗೆ.!

    ಮತ್ತೊಂದು 'ಆರು'

    ಅಷ್ಟಕ್ಕೂ, ನಿರ್ದೇಶಕ ಸೀನಿ ನಿರ್ಮಾಪಕ ಡಾ.ಶೈಲೇಶ್ ಕುಮಾರ್ ರವರಿಗೆ ಚಿತ್ರಕಥೆ ನಿರೂಪಣೆ ಮಾಡಿದ್ದು ಡಿಸೆ೦ಬರ್ 6 ರಂದು!

    ಟ್ರೈಲರ್ ಬಿಡುಗಡೆ ಕಥೆ

    ಇನ್ನು ಟ್ರೈಲರ್ ಬಿಡುಗಡೆಗೆ೦ದು ಎಷ್ಟೇ ಗುದ್ದಾಡಿದರೂ, ಕೊನೆಗೆ ನೆರೆವೇರಿಸಲಿಕ್ಕಾಗಿದ್ದು ಫೆಬ್ರವರಿಯ 24 (2+4=6) ರಂದು, ಕುವೆ೦ಪು ಕಲಾಕ್ಷೇತ್ರದಲ್ಲಿ ಸ೦ಜೆ 6 ಗ೦ಟೆಗೆ. ಅಷ್ಟೇ ಅಲ್ಲ, ಚೆನ್ನೈನಲ್ಲಿ ಸೌ೦ಡ್ ಎಫೆಕ್ಟ್ ನಡೆದದ್ದು 6ನೇ ನ೦ಬರಿನ ಸ್ಟುಡಿಯೋದಲ್ಲಿ!

    ಬಿಡುಗಡೆ ಆಗುತ್ತಿರುವುದು ಆರನೇ ತಾರೀಖು.!

    '6ನೇ ಮೈಲಿ' ಬಿಡುಗಡೆ ದಿನಾ೦ಕ ಜೂನ್ 28ಕ್ಕೆ ಎಂದು ಪ್ಲಾನ್ ಇತ್ತು. ಆದ್ರೆ, ಅನಿವಾರ್ಯ ಕಾರಣಗಳಿಂದ ಜುಲೈ 6ಕ್ಕೆ ನಿಗದಿಯಾಯ್ತು. ಇದಕ್ಕೆ ಕಾಕತಾಳೀಯ ಅಂತೀರೋ ಅಥವಾ ಚಿತ್ರತಂಡಕ್ಕೂ ಆರಕ್ಕೂ ಏನೋ ನಂಟಿದೆ ಅಂತೀರೋ.?

    English summary
    Read the article to know Kannada Movie '6ne Maili' and its connection with number 6.

    Kannada Photos

    Go to : More Photos

    ಮನರಂಜನಾ ಜಗತ್ತಿನ ಎಲ್ಲ ತಾಜಾ ರೋಚಕ ಸುದ್ದಿಗಳನ್ನು ಪಡೆಯಿರಿ - Filmibeat Kannada

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more