ಲೇಟ್ ಆದರೂ ಎಂಟ್ರಿ 'ಭರ್ಜರಿ'ಯಾಗಿದೆ: ಪರಭಾಷಾ ಚಿತ್ರಗಳು ಸೈಡಿಗ್ಹೋಗ್ಬೇಕ್ ಅಷ್ಟೆ.!

ರೆಕ್ಸ್ ಥಿಯೇಟರ್ ನಲ್ಲಿ 'ಭರ್ಜರಿ' ಹವಾ

ವರ್ಷಗಳಿಂದಲೂ ಪರಭಾಷೆಯ ಚಿತ್ರಗಳೇ ಪ್ರದರ್ಶನ ಕಾಣುತ್ತಿದ್ದ ಬೆಂಗಳೂರಿನ ಎಂ.ಜಿ.ರೋಡ್ ನಲ್ಲಿರುವ ರೆಕ್ಸ್ ಥಿಯೇಟರ್ ನಲ್ಲಿ 'ಭರ್ಜರಿ' ಸಿನಿಮಾ ಈ ವಾರ ಬಿಡುಗಡೆ ಆಗಲಿದೆ. ದಶಕಗಳ ನಂತರ ರೆಕ್ಸ್ ಚಿತ್ರಮಂದಿರದಲ್ಲಿ ಕನ್ನಡ ಕಲರವ ಕೇಳಿಬರುವುದು 'ಭರ್ಜರಿ' ಮೂಲಕ ಅನ್ನೋದು ಖುಷಿಯ ವಿಚಾರ.

ಕಾವೇರಿ ಥಿಯೇಟರ್ ನಲ್ಲೂ 'ಭರ್ಜರಿ' ಸೌಂಡು

ಪರಭಾಷೆಯ ಚಿತ್ರಗಳಿಗೆ ಫೇಮಸ್ ಆಗಿರುವ ಕಾವೇರಿ ಚಿತ್ರಮಂದಿರದಲ್ಲಿಯೂ ಈ ವಾರದಿಂದ 'ಭರ್ಜರಿ' ಸೌಂಡು ಕೇಳಿ ಬರಲಿದೆ.

'ಊರ್ವಶಿ'ಯಲ್ಲೂ 'ಭರ್ಜರಿ'

ರೆಕ್ಸ್ ಹಾಗೂ ಕಾವೇರಿ ಜೊತೆಗೆ ಊರ್ವಶಿ ಚಿತ್ರಮಂದಿರದಲ್ಲಿಯೂ 'ಭರ್ಜರಿ' ಬಿಡುಗಡೆ ಆಗಲಿದೆ ಎನ್ನಲಾಗಿದೆ.

ಇದಪ್ಪಾ, ಕನ್ನಡ ಚಿತ್ರಗಳ ಹವಾ ಅಂದ್ರೆ...

ಪರಭಾಷೆಯ ಸಿನಿಮಾಗಳು ಬಿಡುಗಡೆ ಆಗುತ್ತವೆ ಅಂದ್ರೆ, ಸಣ್ಣ ಪುಟ್ಟ ಥಿಯೇಟರ್ ಗಳಲ್ಲಿ ಇದ್ದ ಕನ್ನಡ ಚಿತ್ರಗಳಿಗೂ ಗೇಟ್ ಪಾಸ್ ನೀಡಲಾಗುತ್ತಿತ್ತು. ಆದ್ರೀಗ, ಬೆಂಗಳೂರಿನ ಪ್ರತಿಷ್ಟಿತ ಸಿಂಗಲ್ ಸ್ಕ್ರೀನ್ ಥಿಯೇಟರ್ ಗಳಲ್ಲಿ ಪರಭಾಷೆಯ ಚಿತ್ರಗಳನ್ನ ಬಿಟ್ಟು ಕನ್ನಡ ಚಿತ್ರಕ್ಕೆ ಜಾಗ ಮಾಡಿಕೊಡ್ತಿದ್ದಾರೆ ಅಂದ್ರೆ 'ಭರ್ಜರಿ' ಹವಾ ಹೇಗಿರ್ಬಹುದು ಅಂತ ನೀವೇ ಊಹಿಸಿ...

'ಭರ್ಜರಿ' ಕುರಿತು....

ಧ್ರುವ ಸರ್ಜಾ, ರಚಿತಾ ರಾಮ್, ಹರಿಪ್ರಿಯಾ, ವೈಶಾಲಿ ದೀಪಕ್ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ 'ಭರ್ಜರಿ' ಚಿತ್ರಕ್ಕೆ ಚೇತನ್ ಆಕ್ಷನ್ ಕಟ್ ಹೇಳಿದ್ದಾರೆ. 'ಭರ್ಜರಿ' ಇದೇ ಶುಕ್ರವಾರ ನಿಮ್ಮ ಮುಂದೆ ಬರಲಿದೆ. ನೋಡಲು ನೀವು ರೆಡಿನಾ.?