Don't Miss!
- Lifestyle ಎಲೆಕೋಸಿಗೆ ಕೆಮಿಕಲ್ ಮಿಶ್ರಣ ಮಾಡ್ತಾರೆ ಹುಷಾರ್..! ವಿಡಿಯೋ ವೈರಲ್..!
- News ಉಚಿತ ಉಪಹಾರದಿಂದ ಉಚಿತ ದಂತ ತಪಾಸಣೆವರೆಗೆ; ಮತದಾನ ಮಾಡಿದವರಿಗೆ ಭರ್ಜರಿ ಆಫರ್ ಕೊಟ್ಟ ಮೈಸೂರು ವ್ಯಾಪಾರಸ್ಥರು
- Automobiles HSRP ನಂಬರ್ ಪ್ಲೇಟ್ನಲ್ಲಿ ನಡೆಯುತ್ತಿದೆ ಭಾರೀ ಮೋಸ: ಬುಕ್ ಮಾಡದವರು ಇದನ್ನು ಗಮನಿಸಿ!
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಲಂಡನ್ ನಲ್ಲಿ ಪ್ರಕಾಶ್ ರೈ 'ರಾಮಾಯಣ'
ಸ್ಯಾಂಡಲ್ ವುಡ್ ನಲ್ಲಿ ಯಶಸ್ವಿಯಾದ 'ಇದೊಳ್ಳೆ ರಾಮಾಯಣ, ಈಗ ಲಂಡನ್ ನಲ್ಲಿ ಪ್ರದರ್ಶನ ಕಾಣಲು ಸಜ್ಜಾಗಿದೆ. ಯಾವಾಗ ಅಂತ ಇಲ್ಲಿದೆ ನೋಡಿ....
ಪ್ರಕಾಶ್ ರೈ ಮುಖ್ಯ ಭೂಮಿಕೆಯಲ್ಲಿ ಅಭಿನಯಿಸಿದ್ದ 'ಇದೊಳ್ಳೆ ರಾಮಾಯಣ' ಚಿತ್ರಕ್ಕೆ ಸ್ಯಾಂಡಲ್ ವುಡ್ ಪ್ರೇಕ್ಷಕರಿಂದ ಒಳ್ಳೆ 'ಸದಭಿರುಚಿಯ ಚಿತ್ರ' ಎಂಬ ಪ್ರಶಂಸೆ ಸಿಕ್ಕಿತ್ತು. ಕೇವಲ ಪ್ರೇಕ್ಷಕರು ಮಾತ್ರವಲ್ಲ ವಿಮರ್ಶಕರು ಕೂಡ ಈ ಕ್ಲಾಸಿಕ್ ರಾಮಾಯಣಕ್ಕೆ ಮನಸೋತ್ತಿದ್ದರು.
ಕನ್ನಡ ಹಾಗೂ ತೆಲುಗಿನಲ್ಲಿ ತಯಾರಾಗಿದ್ದ 'ಇದೊಳ್ಳೆ ರಾಮಾಯಣ' ಅಕ್ಟೋಬರ್ 7 ರಂದು ಏಕಕಾಲದಲ್ಲಿ ಬಿಡುಗಡೆಯಾಗಿತ್ತು. ಹೀಗೆ, ಕರ್ನಾಟಕದಲ್ಲಿ ಮೋಡಿ ಮಾಡಿದ್ದ 'ರೈ ರಾಮಾಯಣ', ಈಗ ಲಂಡನ್ ಗೆ ಲಗ್ಗೆಯಿಟ್ಟಿದೆ.['ಇದೊಳ್ಳೆ ರಾಮಾಯಣ' ಅಂತ ತಲೆ ಚಚ್ಚಿಕೊಂಡ್ರಾ ವಿಮರ್ಶಕರು?]
ಪ್ರಕಾಶ್ ರೈ, ಪ್ರಿಯಾಮಣಿ, ಅಚ್ಯುತ್ ಕುಮಾರ್, ರಂಗಾಯಣ ರಘು ಸೇರಿದಂತೆ ಹಲವರು ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದರು. ಈ ಚಿತ್ರವನ್ನ ಪ್ರಕಾಶ್ ರೈ ನಿರ್ದೇಶನದ ಜೊತೆಗೆ ತಮ್ಮ ಬ್ಯಾನರ್ ನಲ್ಲಿ ನಿರ್ಮಾಣ ಕೂಡ ಮಾಡಿದ್ದರು.
ದಸಾರ ಹಬ್ಬದ ಪ್ರಯುಕ್ತ ಕನ್ನಡಿಗರ ಮುಂದೆ ಬಂದಿದ್ದ ಈ ಸಿನಿಮಾ, ಈಗ ದೀಪಾವಳಿ ಪ್ರಯುಕ್ತ ಲಂಡನ್ ಪ್ರೇಕ್ಷಕರ ಮುಂದೆ ಬರ್ತಿದೆ. ಹೌದು, ಇದೇ ಅಕ್ಟೋಬರ್ 29 ಹಾಗೂ 30 ರಂದು ಲಂಡನ್ ಚಿತ್ರಮಂದಿರದಲ್ಲಿ 'ಇದೊಳ್ಳೆ ರಾಮಾಯಣ' ಪ್ರದರ್ಶನವಾಗುತ್ತಿದೆ.
'ಯುರೋಪ್' ಹಾಗೂ 'ಯು.ಕೆ' ದೇಶಗಳಲ್ಲಿ ಪ್ರಕಾಶ್ ರೈ ಅವರ 'ಇದೊಳ್ಳೆ ರಾಮಾಯಣ' ಪ್ರೀಮಿಯರ್ ಶೋ ಆಗ್ತಿದೆ. ವಿಶೇಷ ಅಂದ್ರೆ ಅಕ್ಟೋಬರ್ 30 ರಂದು ಸ್ವತಃ ಪ್ರಕಾಶ್ ರೈ ಅವರು, ತಮ್ಮ ಕುಟುಂಬ ಸಮೇತ ಲಂಡನ್ ಗೆ ಭೇಟಿ ನೀಡಲಿದ್ದಾರೆ ಎಂದು ಅಲ್ಲಿನ ಅಯೋಜಕರು ಸ್ವಷ್ಟಪಡಿಸಿದ್ದಾರೆ.['ರೈ' ರಾಮಾಯಣಕ್ಕೆ ಒನ್ ಇಂಡಿಯಾ ಓದುಗರಿಂದ ಪರ-ವಿರೋಧ ಕಾಮೆಂಟ್]
'ಸ್ಯಾಂಡಲ್ ವುಡ್ ಎಂಟರ್ ಟೈನ್ ಮೆಂಟ್ ಯು.ಕೆ' ಹಾಗೂ 'ಜಾಲಿ ಹಿಟ್ಸ್ ಇಂಟರ್ ನ್ಯಾಷನಲ್' ಅವರ ಸಹಯೋಗದಲ್ಲಿ ಈ ಕಾರ್ಯಕ್ರಮ ನಡೆಯುತ್ತಿದೆ. ಇನ್ನು ಅಕ್ಟೋಬರ್ 30 ರಂದು ಮದ್ಯಾಹ್ನ 'ಲಂಡನ್ ಬೊಲಿನ್ ಸಿನಿಮಾ' ಹಾಲ್ ನಲ್ಲಿ 'ಮೀಟ್ ಅಂಡ್ ಗ್ರೀಟ್ ಪ್ರಕಾಶ್ ರಾಜು' ಎಂಬ ಶೀರ್ಷಿಕೆ ಅಡಿಯಲ್ಲಿ ಪ್ರಕಾಶ್ ರೈ ಅವರು ಲಂಡನ್ ಆಡಿಯೆನ್ಸ್ ಜೊತೆ ಸಂವಾದ ಕೂಡ ನಡೆಸಲಿದ್ದಾರೆ.