Don't Miss!
- Sports ಟಿ20 ವಿಶ್ವಕಪ್ ಬಗ್ಗೆ ಸ್ಪಷ್ಟನೆ ಕೇಳಿದ ವಿರಾಟ್ ಕೊಹ್ಲಿ; ಕಹಾನಿ ಮೇ ಟ್ವಿಸ್ಟ್ ನೀಡಿದ ಬಿಸಿಸಿಐ
- Automobiles ವಂದೇ ಭಾರತ್ ಸ್ಲೀಪರ್, ಸೂಪರ್ ಆಪ್.. ರೈಲ್ವೆಯಿಂದ ಬಿಗ್ ಪ್ಲ್ಯಾನ್: ನೀವು ತಿಳಿಯಬೇಕಾದ ವಿಚಾರಗಳಿವು!
- News Siddaramaiah campaign: ಬಾಗೇಪಲ್ಲಿಯಲ್ಲಿಂದು ಸಿಎಂ ಸಿದ್ದರಾಮಯ್ಯ ಪ್ರಚಾರ ಸಭೆ, ಡಿಕೆಶಿ ಭಾಗಿ
- Finance Real Estate: ಬೆಂಗಳೂರಿನ ಕೋರಮಂಗಲದಲ್ಲಿ ದುಬಾರಿ ಬೆಲೆಗೆ ಆಸ್ತಿ ಖರೀದಿಸಿದ ಅಜಿತ್ ಐಸಾಕ್
- Technology Infinix: ಭಾರತದಲ್ಲಿಂದು ಇನ್ಫಿನಿಕ್ಸ್ ನೋಟ್ 40 ಪ್ರೊ 5G ಮೊದಲ ಸೇಲ್: ಬೆಲೆ, ಫೀಚರ್ಸ್ ಪರಿಶೀಲಿಸಿ
- Lifestyle ಎಳ ನೀರು ಹಾಕಿ ಮಾಡುವ 2 ದೋಸೆ ರೆಸಿಪಿ: ರುಚಿ ಸೂಪರ್, ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸ್ಯಾಟಲೈಟ್ ಹಕ್ಕಿನಲ್ಲೂ ದಾಖಲೆ ಮಾಡಿದ 'ಜಿಗರ್ ಥಂಡ'
ಇತ್ತೀಚಿನ ಸುಮಾರು 150 ಕನ್ನಡ ಸಿನಿಮಾಗಳ ಸ್ಯಾಟಲೈಟ್ ಹಕ್ಕನ್ನು ಯಾವುದೇ ಟಿವಿ ಚಾನೆಲ್ ಗಳು ಖರೀದಿ ಮಾಡಿಲ್ಲ. ಇದರಲ್ಲಿ ಖ್ಯಾತ ನಟರ ಸಿನಿಮಾಗಳು ಒಳಗೊಂಡಿವೆ. ಅದರಲ್ಲೂ ಕೆಲವು ಸಿನಿಮಾಗಳ ಸ್ಯಾಟಲೈಟ್ ಹಕ್ಕು ಸೋಲ್ಡ್ ಔಟ್ ಆದ್ರೂ, ಚಿತ್ರ ನಿರ್ಮಾಪಕರು ಅಂದುಕೊಂಡಷ್ಟು ಬೆಲೆಗೆ ಸಿನಿಮಾ ಮಾರಾಟ ಆಗಿಲ್ಲ.
ಇದಕ್ಕೆ ಉತ್ತಮ ನಿದರ್ಶನ ಅಂದ್ರೆ ದುನಿಯಾ ಸೂರಿ ಅವರ ನಿರ್ದೇಶನದ 'ಕೆಂಡಸಂಪಿಗೆ' ಸಿನಿಮಾ. ನಟಿ ಮಾನ್ವಿತಾ ಹರೀಶ್ ಮತ್ತು ಸಂತೋಷ್ ರೇವಾ ಕಾಣಿಸಿಕೊಂಡಿದ್ದ ಈ ಸಿನಿಮಾ ಬಾಕ್ಸಾಫೀಸ್ ನಲ್ಲಿ ಸೂಪರ್ ಡೂಪರ್ ಹಿಟ್ ಆಗಿತ್ತು. ಆದರೆ ಟಿವಿಗೆ 45 ಲಕ್ಷ ರೂಪಾಯಿಗೆ ಸೋಲ್ಡ್ ಔಟ್ ಆಗಿತ್ತು.['ಜಿಗರ್ ಥಂಡ' ರಿಯಲ್ ಹೀರೋ ಆರ್ಮುಗಂ ರವಿಶಂಕರ್ ಸಂದರ್ಶನ]
ಆದರೆ ಇದಕ್ಕೆಲ್ಲಾ ತದ್ವಿರುದ್ದ ಎನ್ನುವಂತೆ ನಟ ರಾಹುಲ್ ಗೆ ಬ್ರೇಕ್ ಕೊಟ್ಟ 'ಜಿಗರ್ ಥಂಡ' ಸಿನಿಮಾ ಮಾತ್ರ ಭರ್ಜರಿ ರೇಟ್ ಗೆ ಸೇಲ್ ಆಗಿದೆ. ರವಿಶಂಕರ್-ರಾಹುಲ್ ಕಾಂಬಿನೇಷನ್ ನ ಈ ಸಿನಿಮಾದ ಸ್ಯಾಟಲೈಟ್ ಹಕ್ಕು ಬರೋಬ್ಬರಿ 1 ಕೋಟಿ ಪ್ಲಸ್ ಗೆ ಮಾರಾಟಗೊಂಡಿದೆ.['ಜಿಗರ್ ಥಂಡ' ವಿಮರ್ಶೆ: ಆರ್ಮುಗಂಗೇ 'ಆಪ್' ಇಟ್ಟ ರಾಹುಲ್]
ಕಿಚ್ಚ ಕ್ರಿಯೇಷನ್ಸ್ ಅಡಿಯಲ್ಲಿ ಮೂಡಿಬಂದಿದ್ದ 'ಜಿಗರ್ ಥಂಡ' ಬಾಕ್ಸಾಫೀಸ್ ನಲ್ಲಿ ಕೊಂಚ ಮಟ್ಟಿಗೆ ಯಶಸ್ವಿಯಾಗಿತ್ತು. ಆದರೆ ಸಕಲಕಲಾವಲ್ಲಭ ರವಿಶಂಕರ್ ಮತ್ತು ನಟ ರಾಹುಲ್ ಮೋಡಿಗೆ ಮೆಚ್ಚಿದ ಪ್ರೇಕ್ಷಕರು ಶಿಳ್ಳೆ ಹಾಕಿದ್ದರು.[ಸಮಾಜ ಬದಲಾಗಲು ಕೊಬ್ರಿ ಮಂಜು ಸಿನಿಮಾ ಮಾಡಲ್ವಂತೆ.!]
ಇದೀಗ ಕಲರ್ಸ್ ಕನ್ನಡ ಚಾನೆಲ್ ಗೆ 1 ಕೋಟಿ ಪ್ಲಸ್ ಗೆ 'ಜಿಗರ್ ಥಂಡ' ಸ್ಯಾಟಲೈಟ್ ಹಕ್ಕು ಸೇಲ್ ಆಗಿದ್ದು, ಚಿತ್ರತಂಡಕ್ಕೆ ಖುಷಿ ತಂದಿದೆ. ಅಂತೂ ಥಿಯೇಟರ್ ನಲ್ಲಿ ಸಿನಿಮಾ ನೋಡದವರು ಸದ್ಯದಲ್ಲೇ ಕಲರ್ಸ್ ಕನ್ನಡದಲ್ಲಿ ಮನೆಯಲ್ಲೇ ಆರಾಮಾಗಿ ಕುಳಿತು 'ಆರ್ಮುಗಂ' ರವಿಶಂಕರ್ ಆರ್ಭಟವನ್ನು ನೋಡಬಹುದು.[ಕಿಚ್ಚನ ಕೋಟೆಯಿಂದ ಹೊರ ಬರ್ತಿದೆ ಜಿಲ್ ಜಿಲ್ 'ಜಿಗರ್ ಥಂಡ']
ಶಿವ ಗಣೇಶ್ ಆಕ್ಷನ್-ಕಟ್ ಹೇಳಿದ್ದ 'ಜಿಗರ್ ಥಂಡ' ಚಿತ್ರದಲ್ಲಿ ನಟ ರಾಹುಲ್ ಗೆ ನಾಯಕಿಯಾಗಿ ನಟಿ ಸಂಯುಕ್ತಾ ಹೊರನಾಡ್ ಕಾಣಿಸಿಕೊಂಡಿದ್ದರು. ಸ್ವಲ್ಪ ಲವ್, ಖಡಕ್ ಫೈಟ್ ಮತ್ತು ಪಕ್ಕಾ ಕಾಮಿಡಿ ಸಿನಿಮಾ ಆದ 'ಜಿಗರ್ ಥಂಡ' ರವಿಶಂಕರ್ ಅವರಿಗೆ 50ನೇ ಸಿನಿಮಾ ಅನ್ನೋದು ವಿಶೇಷ.
ಒಟ್ನಲ್ಲಿ 'ಕಲರ್ಸ್ ಕನ್ನಡ' ಚಾನೆಲ್ ನಲ್ಲಿ ರವಿಶಂಕರ್-ರಾಹುಲ್ ಜುಗಲ್ ಬಂದಿಯ ಥಂಡಾ ಥಂಡಾ 'ಜಿಗರ್ ಥಂಡ' ಸದ್ಯದಲ್ಲೇ ಪ್ರಸಾರವಾಗಲಿದೆ.