Don't Miss!
- News PSI Re-Exam: ಪಿಎಸ್ಐ ಮರುಪರೀಕ್ಷೆ ಅಂತಿಮ ಅಂಕಪಟ್ಟಿ ಪ್ರಕಟ: CET ಅರ್ಜಿ ಸಲ್ಲಿಕೆ ದಿನಾಂಕ ವಿಸ್ತರಣೆ
- Lifestyle ಏಪ್ರಿಲ್ 1ರಿಂದ 800 ಔಷಧಗಳು ದುಬಾರಿ..! ಎಷ್ಟು ಬೆಲೆ ಹೆಚ್ಚಳ.?
- Automobiles ಭಾರತದಲ್ಲಿ ಬಿಡುಗಡೆಗೆ ಸಜ್ಜಾದ ಬಹುನಿರೀಕ್ಷಿತ ಹೊಸ ಸ್ಕೋಡಾ ಸೂಪರ್ಬ್ ಕಾರು
- Sports IPL 2024: ಆರ್ಸಿಬಿ vs ಕೆಕೆಆರ್ ಪಂದ್ಯಕ್ಕೂ ಮುನ್ನ ಗಂಭೀರ್ನತ್ತ ಐಸ್-ಕೋಲ್ಡ್ ಲುಕ್ ನೀಡಿದ ಕೊಹ್ಲಿ
- Technology WhatsApp: ವಾಟ್ಸಾಪ್ನಲ್ಲಿ ಈ ಕರೆಗಳನ್ನು ಸ್ವೀಕರಿಸದಂತೆ ಕೇಂದ್ರದಿಂದ ಎಚ್ಚರಿಕೆ! ಯಾಕೆ ಗೊತ್ತಾ?
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಬ್ಬರದಿಂದ ತೆರೆಗೆ ಬಂತು ಕೆ.ಜಿ.ಎಫ್: ಯಶ್ ಚಿತ್ರಕ್ಕೆ ಭರ್ಜರಿ ಓಪನಿಂಗ್.!
Recommended Video
ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಬಹು ನಿರೀಕ್ಷಿತ ಚಿತ್ರ 'ಕೆ.ಜಿ.ಎಫ್' ತೆರೆಗೆ ಬಂದಿದೆ. ಅಡಿ-ತಡೆ, ಅಡ್ಡಿ-ಆತಂಕ ಇದ್ದರೂ.. 'ಕೆ.ಜಿ.ಎಫ್' ಸರಾಗವಾಗಿ ಬಿಡುಗಡೆ ಆಗಿದೆ. ವಿಶ್ವದಾದ್ಯಂತ 2000 ಸ್ಕ್ರೀನ್ ಗಳಲ್ಲಿ 'ಕೆ.ಜಿ.ಎಫ್' ತೆರೆಗೆ ಅಪ್ಪಳಿಸಿದೆ.
'ಕೆ.ಜಿ.ಎಫ್' ಚಿತ್ರದ ರಿಲೀಸ್ ಗೆ ನಿನ್ನೆ ಸಂಜೆ ಬೆಂಗಳೂರು ಸಿಟಿ ಸಿವಿಲ್ ಕೋರ್ಟ್ ಮಧ್ಯಂತರ ತಡೆ ನೀಡಿತ್ತು. ಆದ್ರೆ, ನಿರ್ಮಾಪಕರ ಕೈಗೆ ಕೋರ್ಟ್ ನಿಂದ ತಡೆಯಾಜ್ಞೆಯ ಆದೇಶ ತಲುಪಿಲ್ಲ. ಹೀಗಾಗಿ, 'ಕೆ.ಜಿ.ಎಫ್' ಪ್ರದರ್ಶನ ಕಂಡಿದೆ.
ಮಧ್ಯರಾತ್ರಿಯಿಂದಲೇ 'ಕೆ.ಜಿ.ಎಫ್' ಪ್ರದರ್ಶನ ಆರಂಭಗೊಂಡಿದ್ದು, ಚಿತ್ರವನ್ನು ಕಣ್ತುಂಬಿಕೊಂಡ 'ಅಣ್ತಮ್ಮ' ಯಶ್ ಅಭಿಮಾನಿಗಳ ಸಂಭ್ರಮ ಮುಗಿಲು ಮುಟ್ಟಿದೆ. ರಾಜ್ಯದ ಮೂಲೆ ಮೂಲೆಯಲ್ಲೂ 'ಕೆ.ಜಿ.ಎಫ್' ಚಿತ್ರಕ್ಕೆ ಭರ್ಜರಿ ಓಪನಿಂಗ್ ಸಿಕ್ಕಿದೆ. ಮುಂದೆ ಓದಿರಿ...
ಮೈಸೂರಿನಲ್ಲಿ ಮಧ್ಯರಾತ್ರಿ ಆರಂಭಗೊಂಡ ಶೋ
ಮೈಸೂರಿನ ಡಿ.ಆರ್.ಸಿ ಚಿತ್ರಮಂದಿರದಲ್ಲಿ ಮಧ್ಯರಾತ್ರಿ ಒಂದು ಗಂಟೆಗೆ 'ಕೆ.ಜಿ.ಎಫ್' ಪ್ರದರ್ಶನ ಆರಂಭಗೊಂಡಿತ್ತು. ತೆರೆಮೇಲೆ 'ರಾಕಿ ಭಾಯ್'ನ ಆರ್ಭಟ ನೋಡಿದ ಅಭಿಮಾನಿಗಳು ಹರ್ಷಗೊಂಡಿದ್ದಾರೆ.
ಫಸ್ಟ್ ಶೋ ರೆಸ್ಪಾನ್ಸ್ ಸೂಪರ್ ಗುರು.!
ಮೈಸೂರಿನಲ್ಲಿ ಮಧ್ಯರಾತ್ರಿ ಒಂದು ಗಂಟೆಗೆ 'ಕೆ.ಜಿ.ಎಫ್' ಮೊದಲ ಪ್ರದರ್ಶನ ಶುರುವಾಯ್ತು. ಸುಮಾರು ನಾಲ್ಕು ಗಂಟೆ ಹೊತ್ತಿಗೆ 'ಕೆ.ಜಿ.ಎಫ್' ಫಸ್ಟ್ ಶೋ ರೆಸ್ಪಾನ್ಸ್ ಹೊರಬಿತ್ತು. ಚಿತ್ರ ನೋಡಿ ಹೊರಬಂದ ಅಭಿಮಾನಿಗಳು ಫುಲ್ ಖುಷ್ ಆಗಿದ್ದಾರೆ. ''ಕೆ.ಜಿ.ಎಫ್' ಸಿನಿಮಾ ಸೂಪರ್ ಆಗಿದೆ, ಛಾಯಾಗ್ರಹಣ ಚೆನ್ನಾಗಿದೆ, ಸಖತ್ತಾಗಿದೆ'' ಅಂತೆಲ್ಲಾ ಅಭಿಮಾನಿಗಳು ಪ್ರತಿಕ್ರಿಯೆ ಕೊಟ್ಟಿದ್ದಾರೆ.
|
ಬೆಂಗಳೂರಿನಲ್ಲಿ ನಾಲ್ಕು ಗಂಟೆಗೆ ಪ್ರದರ್ಶನ
ಬೆಂಗಳೂರಿನ ಲಾಲ್ ಭಾಗ್ ಬಳಿಯಿರುವ ಊರ್ವಶಿ, ವಿದ್ಯಾಪೀಠ ಸರ್ಕಲ್ ನಲ್ಲಿ ಇರುವ ಚಂದ್ರೋದಯ ಚಿತ್ರಮಂದಿರ, ಮಾರತ್ ಹಳ್ಳಿಯ ತುಳಸಿ ಥಿಯೇಟರ್ ಮತ್ತು ವೈನಿಧಿ ಥಿಯೇಟರ್ ಗಳಲ್ಲಿ ಇಂದು ಬೆಳಗ್ಗೆ ನಾಲ್ಕು ಗಂಟೆಗೆ 'ಕೆ.ಜಿ.ಎಫ್' ಭರ್ಜರಿಯಾಗಿ ಓಪನಿಂಗ್ ಕಂಡಿದೆ.
|
ಎಲ್ಲೆಲ್ಲೂ ಹೌಸ್ ಫುಲ್ ಪ್ರದರ್ಶನ
ಬೆಳಗ್ಗೆ ಆರು ಗಂಟೆಯಿಂದ ಈಶ್ವರಿ, ಕಾಮಾಕ್ಯ, ನವರಂಗ್, ವೈಷ್ಣವಿ ಸೇರಿದಂತೆ ಹಲವು ಚಿತ್ರಮಂದಿರಗಳಲ್ಲಿ 'ಕೆ.ಜಿ.ಎಫ್' ಶೋ ಶುರುವಾಗಿದೆ. ಎಲ್ಲೆಲ್ಲೂ 'ಕೆ.ಜಿ.ಎಫ್' ಚಿತ್ರ ಹೌಸ್ ಫುಲ್ ಪ್ರದರ್ಶನ ಕಾಣುತ್ತಿದೆ.
ಕೋಲಾರದಲ್ಲೂ 'ಕೆ.ಜಿ.ಎಫ್'
ಕೋಲಾರದಲ್ಲೂ 'ಕೆ.ಜಿ.ಎಫ್' ಫೀವರ್ ಜೋರಾಗಿದೆ. ಐದು ಗಂಟೆಯಿಂದಲೇ ಕೋಲಾರದಲ್ಲಿ 'ಕೆ.ಜಿ.ಎಫ್' ಪ್ರದರ್ಶನ ಆರಂಭಗೊಂಡಿದೆ. ಪಟಾಕಿ ಸಿಡಿಸಿ ರಾಕಿ ಭಾಯ್ ಗೆ ಸಲಾಂ ಎಂದಿದ್ದಾರೆ ಕೋಲಾರದ ಜನತೆ.