ಫಸ್ಟ್ ಶೋ ಮುಗೀತು, ಫಸ್ಟ್ ರಿವ್ಯೂ ಹೊರಬಿತ್ತು: ರಾಕಿ ಭಾಯ್ ಗೆ ಪ್ರೇಕ್ಷಕರ ಸಲಾಂ.!

ಮೊದಲ ವಿಮರ್ಶೆ ಇಲ್ಲಿದೆ ನೋಡಿ...

'ಕೆ.ಜಿ.ಎಫ್' ಚಿತ್ರವನ್ನ ನೋಡಿದ ವೀಕ್ಷಕರೊಬ್ಬರು ನೀಡಿರುವ ಮೊದಲ ವಿಮರ್ಶೆ ಇಲ್ಲಿದೆ ನೋಡಿ.. ''ಕೆ.ಜಿ.ಎಫ್ ಸಿನಿಮಾ ಭಾರತೀಯ ಚಿತ್ರರಂಗದಲ್ಲಿ ಹೊಸ ಇತಿಹಾಸ ನಿರ್ಮಿಸೋದು ಪಕ್ಕ ಆಯ್ತು'' ಅಂತ ಹೆಮ್ಮೆಯಿಂದ ಹೇಳುತ್ತಿದ್ದಾರೆ ವೀಕ್ಷಕರು.

ಫಸ್ಟ್ ಹಾಫ್ ಹೇಗಿದೆ.?

''ಕೆ.ಜಿ.ಎಫ್' ಚಿತ್ರದ ಮೊದಲಾರ್ಧ ಮೈನವಿರೇಳಿಸುವಂತಿದೆ. ಮಾಸ್ ಡೈಲಾಗ್ ಗಳಂತೂ ಸೂಪರ್. ಯಶ್ ಪರ್ಫಾಮೆನ್ಸ್ ಬೊಂಬಾಟ್ ಆಗಿದೆ. ಶ್ರೀನಿಧಿ ಶೆಟ್ಟಿ ಚೆನ್ನಾಗಿ ಕಾಣ್ತಾರೆ'' ಅಂತಿದ್ದಾರೆ ಅಭಿಮಾನಿಗಳು.

ಅಭಿಮಾನಿಗಳು ಫುಲ್ ಖುಷ್

'ಕೆ.ಜಿ.ಎಫ್' ಚಿತ್ರವನ್ನ ಪೂರ್ತಿ ನೋಡಿದ್ಮೇಲೆ, ವೀಕ್ಷಕರು ಹೇಳಿರುವ ಮಾತಿದು. ಅಲ್ಲಿಗೆ, 'ಕೆ.ಜಿ.ಎಫ್' ಚೆನ್ನಾಗಿದೆ ಅಂತ ತಾನೇ ಅರ್ಥ.!

ಸಲಾಂ ರಾಕಿ ಭಾಯ್

'ಕೆ.ಜಿ.ಎಫ್ ಚಿತ್ರವನ್ನ ನೋಡಿದ ಪ್ರೇಕ್ಷಕರು. ಐದಕ್ಕೆ 4.5 ಸ್ಟಾರ್ಸ್ ಕೊಟ್ಟಿದ್ದಾರೆ. ರವಿ ಬಸ್ರೂರ್ ರವರ ಬ್ಯಾಕ್ ಗ್ರೌಂಡ್ ನ ವೀಕ್ಷಕರು ಕೊಂಡಾಡುತ್ತಿದ್ದಾರೆ.

ಕೂಡಲೇ ವೀಕ್ಷಿಸಿ..

''ಫಸ್ಟ್ ಹಾಫ್ ತುಂಬಾ ಚೆನ್ನಾಗಿದೆ. ಛಾಯಾಗ್ರಹಣ ಬೊಂಬಾಟ್ ಆಗಿದೆ. ಪೊಲೀಸ್ ಸ್ಟೇಷನ್ ನಲ್ಲಿ ರಾಕಿ ಸೀನ್, ಮೈನಿಂಗ್ ಫೈಟ್, ಕ್ಲೈಮ್ಯಾಕ್ಸ್ ಸೂಪರ್ ಆಗಿದೆ'' ಅಂತಿದ್ದಾರೆ ಅಭಿಮಾನಿಗಳು.

ಸದಾ ಕೋಪವೇಕೆ.?

''ಕೆ.ಜಿ.ಎಫ್' ಚಿತ್ರದ ಆಕ್ಷನ್ ಸೀಕ್ವೆನ್ಸ್ ಸೂಪರ್ ಆಗಿದೆ. ಆದ್ರೆ, ಹಾಡು, ರೋಮ್ಯಾನ್ಸ್, ಐಟಂ ಸಾಂಗ್.. ಎಲ್ಲದರಲ್ಲೂ ಯಶ್ ಆಂಗ್ರಿ ಎಕ್ಸ್ ಪ್ರೆಶನ್ ಕ್ಯಾರಿ ಆಗಿರೋದು ಯಾಕೆ.?'' ಅನ್ನೋದು ವೀಕ್ಷಕರ ಪ್ರಶ್ನೆ.

ಆಂಗ್ರಿ ಯಂಗ್ ಮ್ಯಾನ್

''ರಾಕಿಂಗ್ ಸ್ಟಾರ್ ಯಶ್ ನ ನಿರ್ದೇಶಕ ಪ್ರಶಾಂತ್ ನೀಲ್ ಆಂಗ್ರಿ ಯಂಗ್ ಮ್ಯಾನ್ ಆಗಿ ಪರಿಚಯ ಮಾಡಿದ್ದಾರೆ. ಚಿತ್ರಕಥೆ, ಛಾಯಾಗ್ರಹಣ ಮತ್ತು ಬ್ಯಾಕ್ ಗ್ರೌಂಡ್ ಸ್ಕೋರ್ ಚೆನ್ನಾಗಿದೆ'' - ಸಿನಿಲೋಕ.

ಬೆಂಕಿ ಕಣ್ಲಾ...

''ಕೆ.ಜಿ.ಎಫ್' ಚಿತ್ರಕಥೆ ಎಲ್ಲರನ್ನು ಹಿಡಿದು ಕೂರಿಸುತ್ತದೆ. ರಾಕಿಂಗ್ ಸ್ಟಾರ್ ರಾಕ್ ಮಾಡಿದ್ದಾರೆ. ಬೆಂಕಿ'' - ಶಶಾಂಕ್ ಗೌಡ

ಬಾಹುಬಲಿ ಬಿಟ್ಟರೆ ಇದೇ.!

''ಬಾಹುಬಲಿ' ಬಳಿಕ ಬಂದಿರುವ ಉತ್ತಮ ಚಿತ್ರ ಅಂದ್ರೆ ಇದೇ. ಕೆ.ಜಿ.ಎಫ್ ಅಂದ್ರೆ ಕನ್ನಡ ಗೋಲ್ಡ್ ಫಿಲ್ಮ್. ಇಡೀ ಕುಟುಂಬದ ಜೊತೆ ಕೂತು ಚಿತ್ರ ವೀಕ್ಷಿಸಿದ್ವಿ'' - ನಿತಿನ್

ಪ್ರತಿ ಸೀನ್ ನಲ್ಲೂ ರೋಮಾಂಚನ

''ಕೆ.ಜಿ.ಎಫ್' ಚಿತ್ರದ ಪ್ರತಿ ಸೀನ್ ನಲ್ಲೂ ರೋಮಾಂಚನ ಆಗುತ್ತದೆ'' ಎನ್ನುತ್ತಿದ್ದಾರೆ ವೀಕ್ಷಕರು. ಒಟ್ನಲ್ಲಿ 'ಕೆ.ಜಿ.ಎಫ್' ಚಿತ್ರಕ್ಕೆ ಎಲ್ಲೆಡೆ ಪಾಸಿಟೀವ್ ಪ್ರತಿಕ್ರಿಯೆ ವ್ಯಕ್ತವಾಗಿದೆ.