ಜುಲೈ 31ಕ್ಕೆ ಕೋಮಲ್ 'ಲೊಡ್ಡೆ' ಭರ್ಜರಿ ಓಪನಿಂಗ್

ಬಾಲಿವುಡ್ ನಲ್ಲಿ ಸೂಪರ್ ಹಿಟ್ ಆಗಿದ್ದ 'ಸೌದಾಗರ್' ಸಿನಿಮಾದ ಸ್ಪೂರ್ತಿಯಲ್ಲಿ ಕೋಮಲ್ ಲೀಡ್ ರೋಲ್ ನಲ್ಲಿ ಕಾಣಿಸಿಕೊಂಡಿರುವ 'ಲೊಡ್ಡೆ' ಚಿತ್ರ ಈಗಾಗಲೇ ಸೆನ್ಸಾರ್ ನಿಂದ ಕ್ಲೀನ್ ಚಿಟ್ ಪಡೆದುಕೊಂಡಿದೆ ಅಂತ ಫಿಲ್ಮಿ ಬೀಟಲ್ಲಿ ನಾವೇ ನಿಮಗೆ ಹೇಳಿದ್ವಿ ತಾನೇ.

ಭಾರಿ ಬಜೆಟ್ ನ ಸೆಟ್ ಹಾಕಿ 'ಲೊಡ್ಡೆ' ಚಿತ್ರದ ಹಾಡೊಂದನ್ನು ಕನ್ನಡ ಚಿತ್ರರಂಗದ ಮೇರು ನಟ ಡಾ.ವಿಷ್ಣುವರ್ಧನ್ ಅವರಿಗೆ ಅರ್ಪಿಸಲಾಗಿದೆ. 'ಸೌದಾಗರ್' ಚಿತ್ರದ ಎಳೆ ನಮ್ಮ ಚಿತ್ರಕ್ಕೆ ಸ್ಪೂರ್ತಿ. ಅಂತ ಚಿತ್ರತಂಡ ಅಭಿಪ್ರಾಯಪಟ್ಟಿದೆ. [ಸೆನ್ಸಾರ್ ನಿಂದ ಕ್ಲೀನ್ ಚಿಟ್ ಪಡೆದ ಕೋಮಲ್ 'ಲೊಡ್ಡೆ']

ಹಾಗಂತ ಈ ಸಿನೆಮಾ 'ಸೌದಾಗರ್' ರಿಮೇಕ್ ಅಲ್ಲಾ. ಎರಡು ಹಿರಿಯ ಕುಟುಂಬಗಳ ನಡುವೆ ಮನೆ ಮಾಡಿರುವ ದ್ವೇಷವನ್ನು ಮರೆಸುವ ನಾಯಕನ ಕಥೆಯೇ ಕೋಮಲ್ 'ಲೊಡ್ಡೆ' ಎಂಬುದು ನಿರ್ದೇಶಕರ ಅಂಬೋಣ.

ಇದೀಗ ಜುಲೈ 31 ರಂದು ಕೋಮಲ್ ಆಕಾಂಕ್ಷ ಪುರಿ ಲೀಡ್ ರೋಲ್ ನಲ್ಲಿ ಕಾಣಿಸಿಕೊಂಡಿರುವ 'ಲೊಡ್ಡೆ' ಎಲ್ಲೆಡೆ ಭರ್ಜರಿಯಾಗಿ ತೆರೆ ಕಾಣುತ್ತಿದೆ. ನಿರ್ದೇಶಕ ಎಸ್.ವಿ ಸುರೇಶ್ ಚಿತ್ರಕ್ಕೆ ಆಕ್ಷನ್-ಕಟ್ ಹೇಳಿದ್ದು, ಜಯಂತ್ ಕಾಯ್ಕಿಣಿ ಸಾಹಿತ್ಯಕ್ಕೆ ಚಿನ್ನಿ ಚರಣ್ ಮ್ಯೂಸಿಕ್ ಕಂಪೋಸ್ ಮಾಡಿದ್ದಾರೆ. ಅವಿನಾಶ್, ಸಯಾಜಿ ಶಿಂಧೆ ಮುಂತಾದವರ ತಾರಾಗಣ ಚಿತ್ರದಲ್ಲಿದೆ.