ಮುಖಪುಟ

ಸಿನಿ ಸಮಾಚಾರ

ಫೆಬ್ರವರಿ 11... ನಿನ್ನೆ ಗೋಲ್ಡನ್ ಸ್ಟಾರ್ ಗಣೇಶ್ ಪಾಲಿಗೆ ಅತ್ಯಂತ ವಿಶೇಷ ದಿನ. ಯಾಕಂದ್ರೆ, ಹತ್ತು ವರ್ಷಗಳ ಹಿಂದೆ ಗಣೇಶ್-ಶಿಲ್ಪಾ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದು ಇದೇ ದಿನ.

ಹತ್ತನೇ ವಿವಾಹ ವಾರ್ಷಿಕೋತ್ಸವದ ಸಂಭ್ರಮದಲ್ಲಿ ಇದ್ದ ಗಣೇಶ್-ಶಿಲ್ಪಾ ದಂಪತಿಗೆ ನಿನ್ನೆ ಮತ್ತೊಂದು ಸರ್ಪ್ರೈಸ್ ಕಾದಿತ್ತು. ಅದು 'ಆರೆಂಜ್' ಚಿತ್ರತಂಡದಿಂದ.

ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯಿಸುತ್ತಿರುವ ಮುಂದಿನ ಚಿತ್ರವೇ 'ಆರೆಂಜ್'. ಈ 'ಆರೆಂಜ್' ಚಿತ್ರದ ಮುಹೂರ್ತ ಸಮಾರಂಭ ನಿನ್ನೆ ಗಣೇಶ್-ಶಿಲ್ಪಾ ಅವರ ಹತ್ತನೇ ವಿವಾಹ ವಾರ್ಷಿಕೋತ್ಸವದಂದೇ ನೆರವೇರಿತು. ಬೆಂಗಳೂರಿನ ರಾಜರಾಜೇಶ್ವರಿ ನಗರದ ದೇವಸ್ಥಾನದಲ್ಲಿ 'ಆರೆಂಜ್' ಮುಹೂರ್ತ ನಡೆಯಿತು.

ಈ ವರ್ಷದ ಗಣೇಶ್ ವಿವಾಹ ವಾರ್ಷಿಕೋತ್ಸವ ತುಂಬ ಸ್ಪೆಷಲ್

'ಆರೆಂಜ್' ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿರುವವರು ಪ್ರಶಾಂತ್ ರಾಜ್. ಹಾಗ್ನೋಡಿದ್ರೆ, ಪ್ರಶಾಂತ್ ರಾಜ್ ಹಾಗೂ ಗಣೇಶ್ ಕಾಂಬಿನೇಶನ್ ನಲ್ಲಿ ಮೂಡಿ ಬರುತ್ತಿರುವ ಎರಡನೇ ಸಿನಿಮಾ ಇದು.

ಈ ಹಿಂದೆ ಪ್ರಶಾಂತ್ ರಾಜ್ ಹಾಗೂ ಗಣೇಶ್ ಕಾಂಬಿನೇಶನ್ ನಲ್ಲಿ 'ಜೂಮ್' ಚಿತ್ರ ತೆರೆಕಂಡಿತ್ತು. 'ಜೂಮ್' ಸಕ್ಸಸ್ ಆದ್ದರಿಂದ ಈಗ ಈ ಜೋಡಿ 'ಆರೆಂಜ್' ಮೂಲಕ ಒಂದಾಗಿದೆ. 'ನಿಮ್ಮ ಸಿನಿಮಾಸ್' ಬ್ಯಾನರ್ ನಡಿ 'ಆರೆಂಜ್' ನಿರ್ಮಾಣ ಆಗಲಿದೆ.