ಗಣೇಶ ಹಬ್ಬ ಬಂತಂದ್ರೆ ನಮಗೆ ಈ ಹಾಡುಗಳು ನೆನಪಾಗುತ್ತೆ, ನಿಮಗೆ.?

ಜೈ ಗಣೇಶ.....

ರಿಯಲ್ ಸ್ಟಾರ್ ಉಪೇಂದ್ರ ಅಭಿನಯದ ಕುಟುಂಬ ಸಿನಿಮಾದಲ್ಲಿ ಗಣೇಶನ ಬಗ್ಗೆ ಹಾಡೊಂದಿದೆ. ಗಣೇಶ ಹಬ್ಬಕ್ಕೆ ಥಟ್ ಅಂತ ನೆನಪಾಗೋದೇ ಈ ಹಾಡು. ''ಕಾಡಿನಲ್ಲಿ ಮೀಸೆಯಿಟ್ಟೆ, ಮೀಸೆಯಲ್ಲಿ ದ್ವೇಷವಿಟ್ಟೆ...ನಾಡಿನಲ್ಲಿ ರೋಷವಿಟ್ಟೆ ಕಿಲಾಡಿ...ಜೈ ಗಣೇಶ.....'' ಎಂಬ ಹಾಡು ಪದೇ ಪದೇ ಕೇಳಬೇಕು ಎನಿಸುತ್ತೆ.

ಗಣ ಗಣ ಗಣೇಶ....

ರಮ್ಯಾಕೃಷ್ಣ, ಅನುಪ್ರಭಾಕರ್ ಅಭಿನಯದ 'ಶ್ರೀಕಾಳಿಕಾಂಬ' ಚಿತ್ರದಲ್ಲೂ ಕೂಡ ಗಣೇಶನ ಬಗ್ಗೆ ವಿಶೇಷವಾದ ಹಾಡಿದೆ. ''ಗಣೆ ಗಣೆ ಗಣೆ ಗಣೇಶ.....ಹೊಟ್ಟೆ, ಗಣೇಶ....ಹೀರೋ, ಗಣೇಶ....ಲವೆಲ್, ಗಣೇಶ...ನಮ್ಮ ಅಣ್ಣಾವ್ರಂತೆ ನಡೆಯುವ ಗಣೇಶ....ನಿಮಗೆ ಡಾಕ್ಟರೇಟ್ ಕೊಡಿಸಬೇಕು ಗಣೇಶ....'' ಎಂದು ಮೂಷಿಕವಾಹನನ ಬಗ್ಗೆ ಹಾಡು ಕೇಳಿರಬಹುದು. ಈ ಹಾಡು ನೆನಪಾಗುತ್ತೆ.

ನೀ ನಮ್ಮ ಗೆಲುವಾಗಿ ಬಾ...

'ಶಬರಿಮಲೈ ಸ್ವಾಮಿ ಅಯ್ಯಪ್ಪ' ಚಿತ್ರದಲ್ಲಿ ಗಣೇಶನ ಬಗ್ಗೆ ಒಂದು ಭಕ್ತಿಗೀತೆ ಇದೆ. ಗಣೇಶನ ಬಗ್ಗೆ ಹಾಡುಗಳು ಅಂದ್ರೆ ಈ ಹಾಡು ಕೂಡ ಥಟ್ ಅಂತ ನೆನಪಾಗುತ್ತೆ. ''ನೀ ನಮ್ಮ ಗೆಲುವಾಗಿ ಬಾ...ಗಜಮುಖನೇ....ನೀ ನಮ್ಮ ಗೆಲುವಾಗಿ ಬಾ'' ಎಂಬ ಹಾಡು ಕೇಳಲು ಬಹಳ ಇಂಪಾಗಿದೆ.

ಗಣಪತಿ ಬಪ್ಪಾ ಮೋರಿಯಾ

ಡಾ ವಿಷ್ಣುವರ್ಧನ್, ರಮೇಶ್ ಅರವಿಂದ್, ಪ್ರೇಮಾ ಅಭಿನಯದ 'ಏಕದಂತ' ಸಿನಿಮಾದಲ್ಲಿ ಗಣೇಶ ಮಹಿಮೆಯನ್ನ ಹೇಳುವ ಹಾಡಿದೆ. 'ನಗುವ ನಮ್ಮೇಜಮಾನ, ನಗಿಸೋ ನಮ್ಮ ಜನನಾ....ಕಾಪಾಡೋ ಕಾಪಾಡೋ...ಗಣಪತಿ ಬಪ್ಪಾ ಮೋರಿಯಾ, ಹರಿಸೋ ನಮ್ಮ ಏರಿಯಾನ...''ಎಂದು ಹಾಡು ಕೇಳಿರಬಹುದು.