ಮುಖಪುಟ

ಸಿನಿ ಸಮಾಚಾರ

ಟೈಟಲ್ ಹಾಗೂ ಟ್ರೈಲರ್ ಮೂಲಕ ಕುತೂಹಲ ಮೂಡಿಸಿರುವ 'ಉದ್ದಿಶ್ಯ' ನಾಳೆ (ಆಗಸ್ಟ್‌ 31) ರಾಜ್ಯಾದ್ಯಂತ ತೆರೆಗೆ ಬರ್ತಿದೆ. ಸಸ್ಪೆನ್ಸ್-ಥ್ರಿಲ್ಲರ್ ಕಥಾ ಹಂದರವನ್ನ ಹೊಂದಿರುವ ಈ ಸಿನಿಮಾ ಕನ್ನಡ ಪ್ರೇಕ್ಷಕರಿಗೆ ಒಂದೊಳ್ಳೆ ಮನರಂಜನೆ ನೀಡುವ ಉದ್ದೇಶದಿಂದ ಥಿಯೇಟರ್ ಗೆ ಪ್ರವೇಶ ಮಾಡ್ತಿದೆ.

ಶೀರ್ಷಿಕೆಯಿಂದ ವಿಭಿನ್ನವೆನಿಸಿಕೊಂಡಿರುವ ಈ ಚಿತ್ರ ಸಂಪೂರ್ಣವಾಗಿ ಹೊಸಬರೇ ತಯಾರಿಸಿರುವುದು. ಹಾಲಿವುಡ್ ಬರಹಗಾರ ಬರೆದಿರುವ ಕಥೆಯನ್ನ ಇಟ್ಟುಕೊಂಡು ಕನ್ನಡದ ಸಂಸ್ಕ್ರತಿಗೆ ತಕ್ಕಂತೆ ಸಿನಿಮಾ ಮಾಡಿದ್ದಾರೆ.

ಹಾಲಿವುಡ್ ಶೈಲಿಯ 'ಉದ್ದಿಶ್ಯ' ಚಿತ್ರ ಇದೇ ವಾರ ರಿಲೀಸ್

ಈ ಸಿನಿಮಾವನ್ನ ಯಾಕೆ ನೋಡಬೇಕು ಎಂದು ನಿರ್ದೇಶಕರನ್ನ ಕೇಳಿದಾಗ, ''ಚಿತ್ರ ಆರಂಭದಿಂದ ಕೊನೆಯವರೆಗೂ ನಿಮಗೆ ಮನರಂಜನೆ ನೀಡುತ್ತೆ, ಎಂಜಾಯ್ ಮಾಡ್ತೀರಾ, ಸಿನಿಮಾ ಮುಗಿದ್ಮೇಲೆ ಅದರ ಬಗ್ಗೆ ಯೋಚನೆ ಮಾಡ್ತೀರಾ'' ಅಂತಾರೆ. ಒಂದು ಸಿನಿಮಾ ನೋಡೋಕೆ ಇದಕ್ಕಿಂತ ಮತ್ತೇನ್ ಬೇಕು. ಚಿತ್ರದ ಬಗ್ಗೆ ನಟ-ನಿರ್ದೇಶಕ-ನಿರ್ಮಾಪಕ ಹೇಮಂತ್ ಹಾಗೂ ಇಚ್ಚ ಡಾಲ್ ಮಾತನಾಡಿರುವ ಸಂದರ್ಶನದ ವಿಡಿಯೋ ಇಲ್ಲಿದೆ.

ಹಾಲಿವುಡ್ ಶೈಲಿಯ 'ಉದ್ದಿಶ್ಯ' ಚಿತ್ರ ಇದೇ ವಾರ ರಿಲೀಸ್

ಹೇಮಂತ್‌ ಕೃಷ್ಣಪ್ಪ ಈ ಚಿತ್ರವನ್ನ ನಿರ್ದೇಶಿಸಿ, ನಿರ್ಮಿಸಿ, ಜೊತೆಗೆ ನಾಯಕರಾಗಿಯೂ ನಟಿಸಿದ್ದಾರೆ. ಇವರ ಜೊತೆ ಅರ್ಚನಾ ಗಾಯಕ್ವಾಡ್, ಅಕ್ಷತಾ, ಇಚ್ಚ ಡಾಲ್, ಅನಂತವೇಲು, ಅಶ್ವತ್ ನಾರಾಯಣ್, ವಿಜಯ್ ಕೌಂಡಿನ್ಯ, ಮುಂತಾದವರು ಸಾಥ್ ನೀಡಿದ್ದಾರೆ.

ನಾಳೆ ದೊಡ್ಡ ಮಟ್ಟದಲ್ಲಿ ತೆರೆಕಾಣುತ್ತಿದೆ ಡಬ್ಬಿಂಗ್ ಸಿನಿಮಾ 'ಕಮಾಂಡೊ'

ಇನ್ನುಳಿದಂತೆ ಸಹ ನಿರ್ಮಾಪಕರು - ಗ್ಯಾರಿ ಗ್ರಿಫಿನ್ & ಕಾರ್ಲಸ್ ಹೆಜಿನ್, ಛಾಯಾಗ್ರಹಣ - ಚೇತನ್ ರಘುರಾಮ್, ಮೂಲ ಕಥೆ - ರಾಬರ್ಟ್ ಗ್ರಿಫಿನ್, ಸಂಕಲನ-ವೆಂಕಟೇಶ್ ಯು.ಡಿ.ವಿ, ಸಿಂಕ್ ಸೌಂಡ್- ಅದಮ್ಯ ಚೇತನ್, ಸಂಗೀತ - ಶದ್ರಚ್ ಸಾಲೊಮನ್ ಒದಗಿಸಿದ್ದಾರೆ.