ಪರಭಾಷೆಯ ಎಲ್ಲ ಸಿನಿಮಾಗಳನ್ನು ಹಿಂದೆ ಹಾಕಿವೆ ಕನ್ನಡದ ಈ 2 ಚಿತ್ರಗಳು!

ನಂಬರ್ ಒನ್ ಸ್ಥಾನದಲ್ಲಿ ಸಮೀರ

ಕನ್ನಡದಲ್ಲಿ ಬಂದ ಅಪರೂಪದ ಮತ್ತು ಅದ್ಭುತ ಸಿನಿಮಾ 'ಒಂದಲ್ಲಾ ಎರಡಲ್ಲಾ'. ಈ ಚಿತ್ರದ 91% ರೇಟಿಂಗ್ ಹೊಂದಿದ್ದು, ಮೊದಲ ಸ್ಥಾನದಲ್ಲಿ ಇದೆ. ಈ ಸಿನಿಮಾಗೆ ಯೂಸರ್ ರೇಟಿಂಗ್ ಜೊತೆಗೆ ಕ್ರಿಟಿಕ್ಸ್ ರೇಟಿಂಗ್ ಸಹ ಸೇರಿಸಲಾಗಿದೆ. ಈ ಕಾರಣ ಸಿನಿಮಾದ ರೇಟಿಂಗ್ ಕೊಂಚ ಕಡಿಮೆ ಆಗಿದೆ ಎಂದು ಚಿತ್ರತಂಡ ಆರೋಪ ಮಾಡಿದೆ.

ಎರಡನೇ ಸ್ಥಾನದಲ್ಲಿ ಶಾಲೆ ಮಕ್ಕಳು

'ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಾಸರಗೋಡು' ಸಿನಿಮಾ ಬುಕ್ ಮೈ ಶೋ ರೇಟಿಂಗ್ ನಲ್ಲಿ ಎರಡನೇ ಸ್ಥಾನದಲ್ಲಿ ಇದೆ. ಚಿತ್ರದ ಯೂಸರ್ ರೇಟಿಂಗ್ 90% ಇದೆ. ಕಳೆದ ಶುಕ್ರವಾರ ಬಿಡುಗಡೆಯಾದ ಈ ಅಪ್ಪಟ್ಟ ಕನ್ನಡ ಸಿನಿಮಾ ಎಲ್ಲ ಕಡೆ ಹೌಸ್ ಫುಲ್ ಪ್ರದರ್ಶನ ಕಾಣುತ್ತಿದೆ.

'ಗೋಲ್ಡ್', 'ಗೀತಾ ಗೋವಿಂದಂ' ರೇಟಿಂಗ್ ಕಡಿಮೆ

ಕನ್ನಡದ ಈ ಸಿನಿಮಾಗಳಿಗೆ ಹೋಲಿಸಿದರೆ ಹಿಂದಿಯ 'ಗೋಲ್ಡ್' ಹಾಗೂ ತೆಲುಗಿನ 'ಗೀತಾ ಗೋವಿಂದಂ' ಸಿನಿಮಾಗೆ ಇರುವ ರೇಟಿಂಗ್ ಕಡಿಮೆ. ಗೀತಾ ಗೋವಿಂದಂ' 87% ಹಾಗೂ 81% ರೇಟಿಂಗ್ ಅನ್ನು ಗೋಲ್ಡ್ ಹೊಂದಿದೆ. ಕನ್ನಡ ಚಿತ್ರಗಳ ರೇಟಿಂಗ್ ಈ ಎರಡು ಚಿತ್ರಗಳಿಗಿಂತ ಹೆಚ್ಚಿದೆ.

ರೇಟಿಂಗ್ ಕಡಿಮೆ ಇದ್ದರೂ ಹೆಚ್ಚು ಚಿತ್ರಮಂದಿರ

ಸಿನಿಮಾ ನೋಡಿದ ಜನರು ನೀಡಿದ ರೇಟಿಂಗ್ ಅನ್ನು ತೆಗೆದುಕೊಂಡರೆ ಅಲ್ಲಿ 'ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಾಸರಗೋಡು' ಹಾಗೂ 'ಒಂದಲ್ಲಾ ಎರಡಲ್ಲಾ' ಚಿತ್ರಕ್ಕೆ ರೇಟಿಂಗ್ ಹೆಚ್ಚಿದೆ. ಹೀಗಿದ್ದರೂ 'ಗೀತಾ ಗೋವಿಂದಂ' ಸಿನಿಮಾಗೆ ಬೆಂಗಳೂರಿನಲ್ಲಿ ಕನ್ನಡದ ಈ ಎರಡು ಚಿತ್ರಗಳಿಗಿಂತ ಹೆಚ್ಚು ಸ್ಕ್ರೀನ್ ಗಳನ್ನು ನೀಡಲಾಗಿದೆ.

ಗೆಲ್ಲಬೇಕು ವಿಭಿನ್ನ ಕಥೆಯ ಈ ಎರಡು ಚಿತ್ರಗಳು

ಕನ್ನಡದಲ್ಲಿ ಸದ್ಯ ಬಂದಿರುವ 'ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಾಸರಗೋಡು' ಹಾಗೂ 'ಒಂದಲ್ಲಾ ಎರಡಲ್ಲಾ' ಎರಡೂ ಸಿನಿಮಾಗಳು ಕೂಡ ಹೊಸ ರೀತಿಯ ಸಿನಿಮಾಗಳು. ಮನರಂಜನೆಯನ್ನು ಮೀರಿದ ಇಂತಹ ರೀತಿಯ ಸಿನಿಮಾಗಳು ಮತ್ತೆ ಮತ್ತೆ ಬರಬೇಕು... ಮತ್ತೆ ಮತ್ತೆ ಗೆಲ್ಲಬೇಕು.