ಸ್ಯಾಂಡಲ್ ವುಡ್ ನ 'ಚೌಚೌ ಬಾತ್' ಸುದ್ದಿಗಳು

ಸಿಂಪಲ್ ಸುನಿಯ 'ಬಜಾರ್'

'ಚಮಕ್' ಚಿತ್ರದ ನಂತರ ಸಿಂಪಲ್ ಸುನಿ ನಿರ್ದೇಶನ ಮಾಡುತ್ತಿರುವ ಹೊಸ ಸಿನಿಮಾ 'ಬಜಾರ್'. 'ಬಜಾರ್' ಚಿತ್ರದಲ್ಲಿ ಹೊಸ ನಾಯಕನ ಪರಿಚಯ ಮಾಡುತ್ತಿರುವ ಸುನಿ, ಮೊದಲ ಟೀಸರ್ ನಲ್ಲೇ ಅಬ್ಬರ ಶುರು ಮಾಡಿದ್ದಾರೆ. ಈ ಚಿತ್ರಕ್ಕೆ ಧನ್ವೀರ್ ನಾಯಕ ಹಾಗೂ ಅಧಿತಿ ಪ್ರಭುದೇವ ನಾಯಕಿಯಾಗಿದ್ದಾರೆ.

ಜಯತೀರ್ಥರ 'ವೆನ್ನಿಲ್ಲಾ'

'ಬ್ಯೂಟಿಫುಲ್ ಮನಸುಗಳು' ಚಿತ್ರದ ನಂತರ ಜಯತೀರ್ಥ ನಿರ್ದೇಶನ ಮಾಡುತ್ತಿರುವ ಸಿನಿಮಾ 'ವೆನ್ನಿಲ್ಲಾ'. ಇತ್ತೀಗಷ್ಟೇ ಚಿತ್ರದ ಟ್ರೈಲರ್ ಮತ್ತು ಹಾಡುಗಳನ್ನ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ರಿಲೀಸ್ ಮಾಡಿದ್ದರು. ಇದೊಂದು ಸಸ್ಪೆನ್ಸ್ ಕಮ್ ಲವ್ ಸ್ಟೋರಿಯಾಗಿದ್ದು, ಚಿತ್ರದ ಮೇಲೆ ಭರವಸೆ ಮೂಡಿದೆ. ಅವಿನಾಶ್, ಸ್ವಾತಿ ಕೊಂಡೆ ನಾಯಕ ನಾಯಕಿಯಾಗಿದ್ದು, ರವಿಶಂಕರ್ ಗೌಡ, ಪವನ್ ಸೇರಿದಂತೆ ಹಲವರು ಅಭಿನಯಿಸಿದ್ದಾರೆ.

ವೆನಿಲ್ಲಾ ಚಿತ್ರಕ್ಕೆ ದರ್ಶನ್ ಬೆಂಬಲ ನೀಡಿರುವ ಹಿಂದಿದೆ ಬಿಗ್ ಸೀಕ್ರೆಟ್

'ಗುಲ್ಟು' ಟೀಸರ್ 2

ನಟಿ ಸೋನು ಗೌಡ, ಅವಿನಾಶ್, ರಂಗಾಯಣ ರಘು ಅಭಿನಯದ 'ಗುಲ್ಟು' ಚಿತ್ರದ ಎರಡನೇ ಟೀಸರ್ ರಿಲೀಸ್ ಆಗಿದೆ. ಈಗಾಗಲೇ ಮೊದಲ ಟೀಸರ್ ನಿಂದ ಎಲ್ಲರ ಗಮನ ಸೆಳೆದಿದ್ದ ಗುಲ್ಟು, ಹೊಸ ಟೀಸರ್ ನಲ್ಲೂ ಮೋಡಿ ಮಾಡಿದೆ. ಜನಾರ್ಧನ್ ಚಿಕ್ಕಣ್ಣ ಈ ಚಿತ್ರವನ್ನ ನಿರ್ದೇಶನ ಮಾಡುತ್ತಿದ್ದಾರೆ.

'ಟಗರು' ಬಲಮ

ಶಿವರಾಜ್ ಕುಮಾರ್ ಅಭಿನಯದ 'ಟಗರು' ಚಿತ್ರದ ಐದನೇ ಹಾಡು ಬಿಡುಗಡೆಯಾಗಿದೆ. 'ಬಲಮ ಬಲಮ' ಹಾಡಿನ ಲಿರಿಕಲ್ ವಿಡಿಯೋ ತೆರೆಕಂಡಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಟ್ರೆಂಡ್ ಹುಟ್ಟಿಹಾಕಿದೆ. ಜಯಂತ್ ಕಾಯ್ಕಿಣಿ ಈ ಹಾಡಿಗೆ ಸಾಹಿತ್ಯ ಬರೆದಿದ್ದು, ಚರಣ್ ರಾಜ್ ಸಂಗೀತವಿದೆ. ದುನಿಯಾ ಸೂರಿ ನಿರ್ದೇಶನ ಮಾಡಿರುವ ಈ ಚಿತ್ರದಲ್ಲಿ ಧನಂಜಯ್ ಮತ್ತು ವಸಿಷ್ಠ ಸಿಂಹ ಖಳನಾಯಕರಾಗಿ ಅಭಿನಯಿಸಿದ್ದಾರೆ.

ಅಯ್ಯೋ ರಾಮ

ಆರ್.ವಿನೋದ್ ಕುಮಾರ್ ನಿರ್ದೇಶನ ಹಾಗೂ ತ್ರಿವಿಕ್ರಮ ರಘು ನಿರ್ಮಾಣ ಮಾಡಿರುವ ವಿಭಿನ್ನ ಸಿನಿಮಾ 'ಅಯ್ಯೋ ರಾಮ'. ಈ ಚಿತ್ರದ ಟ್ರೈಲರ್ ಈಗ ಬಿಡುಗಡೆಯಾಗಿದೆ. ಟೈಟಲ್ ಅಷ್ಟೇ ಡಿಫರೆಂಟ್ ಆಗಿ ಸಿನಿಮಾ ಕೂಡ ಇರಹಬುದು ಎಂಬ ಕುತೂಹಲವನ್ನ ಟ್ರೈಲರ್ ನಲ್ಲಿ ಗಮನಿಸಬಹುದು. ಸಂದೇಶ್ ಪದ್ಮಾನಾಭನ್, ಪ್ರಿಯಾಂಕಾ ಚಿತ್ರದ ಮುಖ್ಯ ಭೂಮಿಕೆಯಲ್ಲಿ ಅಭಿನಯಿಸಿದ್ದಾರೆ. ವಿವೇಕ್ ಚಕ್ರವರ್ತಿ ಸಂಗೀತ ಚಿತ್ರಕ್ಕಿದೆ.