''ಪೈಲ್ವಾನ್' ಸುದೀಪ್ ಗೆ ಅವಮಾನ ಮಾಡೋ ಸಿನಿಮಾ'' - ಸಂಗೀತ ನಿರ್ದೇಶಕ ಹೇಳಿಕೆ

ಕಿರಣ್ ತೋಟಂಬೈಲ್ ಹೇಳಿದ್ದು ಏನು?

'ಪೈಲ್ವಾನ್' ಸಿನಿಮಾ ನೋಡಿದ ಕಿರಣ್ ತೋಟಂಬೈಲ್ ಫೇಸ್ ಬುಕ್ ನಲ್ಲಿ ಬೈದಿದ್ದಾರೆ. ''ಪೈಲ್ವಾನ್ ನೋಡಿ ಶಾಕ್ ಆಗಿದ್ದೀವಿ. ಕೃಷ್ಣ ಅವರೇ ಯಾಕೆ ಇಂತಹ ಸಿನಿಮಾ ಮಾಡಿ ಸುದೀಪ್ ನ ಅವಮಾನ ಮಾಡಿತ್ತೀರಿ'' ಎಂದು ನಿರ್ದೇಶಕ ಕೃಷ್ಣ ವಿರುದ್ಧ ತಮ್ಮ ಅಸಮಾಧಾನ ಹೊರ ಹಾಕಿದ್ದಾರೆ.

ತನ್ನ ಸಿನಿಮಾಗೆ ತಾನೇ ಬೈದ ಕಿರಣ್

ಉಪೇಂದ್ರ ನಟನೆಯ, ಆರ್ ಚಂದ್ರು ನಿರ್ದೇಶನದ 'ಐ ಲವ್ ಯೂ' ಸಿನಿಮಾ ಕೆಲ ತಿಂಗಳಗಳ ಹಿಂದೆ ಬಿಡುಗಡೆಯಾಗಿತ್ತು. ಈ ಸಿನಿಮಾಗೆ ಕಿರಣ್ ತೋಟಂಬೈಲ್ ಸಂಗೀತ ನೀಡಿದ್ದರು. 'ಪೈಲ್ವಾನ್' ಗೆ ತೆಗಳುವುದರ ಜೊತೆಗೆ ತನ್ನ ಸಿನಿಮಾಗೆ ತಾವೇ ಡಬ್ಬಾ ಸಿನಿಮಾ ಎಂದು ಕಿರಣ್ ಹೇಳಿದ್ದಾರೆ. 'ಐ ಲವ್ ಯೂ' ವೈಯಕ್ತಿಕವಾಗಿ ನನಗೆ ಇಷ್ಟ ಇಲ್ಲ ಎಂದಿದ್ದಾರೆ.

ಕ್ಲಾಸ್ ತೆಗೆದುಕೊಂಡ ಸುದೀಪ್ ಅಭಿಮಾನಿ

'ಪೈಲ್ವಾನ್' ಬಗ್ಗೆ ಕಿರಣ್ ಹಾಕಿದ್ದ ಸ್ಟೇಟಸ್ ಗೆ ಸುದೀಪ್ ಅಭಿಮಾನಿಯೊಬ್ಬ ಕಮೆಂಟ್ ಮಾಡಿದ್ದಾರೆ. ನಿಮ್ಮ 'ಐ ಲವ್ ಯೂ' ಕೆಟ್ಟ ಸಿನಿಮಾ. 'ಪೈಲ್ವಾನ್' ಸಿನಿಮಾ ಬಗ್ಗೆ ಮಾತಾಡೋಕ್ಕೆ ಯೋಗ್ಯತೆ ಬೇಕು. 'ಐ ಲವ್ ಯೂ' ಹಾಡುಗಳು ಕೂಡ ಉಪ್ಪಿ ಅವರ ರೇಂಜ್ ಗೆ ಇರಲಿಲ್ಲ. ಎಲ್ಲ ಫ್ಲಾಪ್ ಸಾಂಗ್ಸ್.'' ಎಂದು ತಿರುಗೇಟು ನೀಡಿದ್ದಾನೆ.

ಬಾಯಿ ಮುಚ್ಚಿಕೊಂಡ ಕಿರಣ್

ವಾದ ವಿವಾದದ ನಂತರ ಕಿರಣ್ ತೋಟಂಬೈಲ್ ತನ್ನ ಫೇಸ್ ಬುಕ್ ಖಾತೆಯಲ್ಲಿ ಹಾಕಿದ್ದ 'ಪೈಲ್ವಾನ್' ಸ್ಟೇಟಸ್ ಅನ್ನು ಡಿಲೀಟ್ ಮಾಡಿದ್ದಾರೆ. ಚಿತ್ರದ ಬಗ್ಗೆ ಮಾತನಾಡದೆ ಬಾಯಿ ಮುಚ್ಚಿಕೊಂಡಿದ್ದಾರೆ. ಕಿರಣ್ ಒಂದೇ ಒಂದು ಸಿನಿಮಾಗೆ ಸಂಗೀತ ನೀಡಿದ್ದಾರೆ. ಆ ಚಿತ್ರದ ಒಂದು ಹಾಡು ಮಾತ್ರ ಜನರಿಗೆ ತಲುಪಿದೆ. ಹೀಗಿರುವಾಗ, 'ಪೈಲ್ವಾನ್' ಅಂತ ದೊಡ್ಡ ಪ್ರಯತ್ನದ ಬಗ್ಗೆ ಕಿರಣ್ ಮಾತನಾಡುವುದು ಸರಿಯೇ. ತನ್ನನ್ನು ತಾನು ಸಾಬೀತು ಮಾಡಿಕೊಳ್ಳದೆ ಇರುವ ಒಬ್ಬ ತಂತ್ರಜ್ಞ ಒಬ್ಬ ನಿರ್ದೇಶಕನ ಬಗ್ಗೆ ದೂರುವುದು ತರವೇ.