Don't Miss!
- Lifestyle ದುಬೈ ಪ್ರವಾಹದ ವೈರಲ್ ವೀಡಿಯೋಗಳು: ಒಂದೊಂದು ದೃಶ್ಯವೂ ಬದುಕಿನ ಪಾಠ ಹೇಳುತ್ತೆ
- News ರಾಜ್ಯದಲ್ಲಿ ಮೊದಲ ಬಾರಿಗೆ ಲೈಂಗಿಕ ದೌರ್ಜನ್ಯಕ್ಕೊಳಗಾದ ಬಾಲಕನಿಗೆ ₹1 ಲಕ್ಷ ಪರಿಹಾರ-ಯಾವ ಜಿಲ್ಲೆಯಲ್ಲಿ?
- Finance Binance: ಫೈನ್ ಕಟ್ಟಿ ಭಾರತಕ್ಕೆ ಮರಳಿ ಬರಲಿದೆ ಕ್ರಿಫ್ಟೋಕರೆನ್ಸಿ ವಿನಿಮಯ ಕೇಂದ್ರ!
- Automobiles Tata: ಮಧ್ಯಮ ವರ್ಗದವರಿಗೆ ಸಿಹಿಸುದ್ದಿ.. ಮುಂಬರಲಿರುವ ಟಾಟಾ ಕಾರುಗಳಿವು, ಒಂದಕ್ಕಿಂತ ಒಂದು ಭರ್ಜರಿಯಾಗಿವೆ!
- Technology Realme: ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಫೀಚರ್ಸ್ ಲೀಕ್! 6.67″ 120Hz ಡಿಸ್ಪ್ಲೆ...
- Sports ಟಿ20 ವಿಶ್ವಕಪ್ ಬಗ್ಗೆ ಸ್ಪಷ್ಟನೆ ಕೇಳಿದ ವಿರಾಟ್ ಕೊಹ್ಲಿ; ಕಹಾನಿ ಮೇ ಟ್ವಿಸ್ಟ್ ನೀಡಿದ ಬಿಸಿಸಿಐ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಮೆಜಾನ್ ಪ್ರೈಮ್ ಗೆ ಲಗ್ಗೆ ಸೋನುಗೌಡ ನಟನೆಯ ಕಿರುಚಿತ್ರ ಕೊರು
'ಕೊರು' ಎಂಬ ಹೊಸ ಕನ್ನಡ ಕಿರುಚಿತ್ರವನ್ನು ವಿ ಮೂವ್ ಟಾಕೀಸ್ ಮತ್ತು ಋತ ಸ್ಟುಡಿಯೋಸ್ ಅಡಿಯಲ್ಲಿ ನಿರ್ಮಾಣ ಮಾಡಿದ್ದು, ಈ ಕಿರುಚಿತ್ರ ಇನ್ನು ಕೆಲವೇ ದಿನಗಳಲ್ಲಿ ಉತ್ತರ ಅಮೇರಿಕ(USA) ಹಾಗು ಯುನೈಟೆಡ್ ಕಿಂಗ್.ಡಮ್(UK) ವಲಯದ ಅಮೆಜಾನ್ ಪ್ರೈಮ್ ವಿಡಿಯೋ ಜಾಲತಾಣದಲ್ಲಿ ವೀಕ್ಷಿಸಲು ಲಭ್ಯವಾಗಲಿದೆ. ಈ ಕಿರುಚಿತ್ರವು ಈಗಾಗಲೇ ಹಲವಾರು ಚಿತ್ರೋತ್ಸವಗಳಲ್ಲಿ ಪ್ರದರ್ಶನಗೊಳ್ಳುತ್ತಿದೆ.
ಈ ಮೂಲಕ ಭಾರತದಲ್ಲಿ ತಯಾರಾಗಿ ಅಮೆಜಾನ್ ಪ್ರೈಮ್ ನಲ್ಲಿ ಲಭ್ಯವಿರುವ ಕೆಲವೇ ಕೆಲವು ಕಿರುಚಿತ್ರಗಳ ಸಾಲಿಗೆ 'ಕೊರು' ಸೇರ್ಪಡೆಯಾಗಲಿದೆ.
'ಕೊರು' ಪದವನ್ನು ನ್ಯೂಜ಼ಿಲ್ಯಾಂಡಿನ ಮಾವೊರಿ ಬುಡಕಟ್ಟು ಜನರ ಭಾಷೆಯಿಂದ ಎರವಲು ಪಡೆಯಲಾಗಿದ್ದು, ಇದಕ್ಕೆ ಅಭಿವೃದ್ದಿ, ನವಜೀವನ, ಬಲ ಎಂಬೆಲ್ಲಾ ಅರ್ಥಗಳಿವೆ.
'ಕೊರು' 2000ನೇ ಇಸವಿಯ ಆಸುಪಾಸಿನಲ್ಲಿ ನಡೆಯುವ ಕಥೆಯಾಗಿದ್ದು, ಈ ಕಿರುಚಿತ್ರವು ವಿವಿಧ ಸಂಬಂಧಗಳು, ಅವುಗಳಿಂದುಂಟಾಗುವ ಕಗ್ಗಂಟುಗಳಿಂದ ಹೊರಬಂದು ನಮ್ಮೊಳಗಿನ ತುಮುಲಗಳು ಮತ್ತು ಹೊರಗಿನ ನಿರೀಕ್ಷೆಗಳ ನಡುವೆ ಸೆಣೆಸಾಡುವ ಕಥಾಹಂದರ ಹೊಂದಿದೆ.
ಕಿರುಚಿತ್ರದ ಕೆಲವು ಭಾಗಗಳನ್ನು ನೀರಿನೊಳಗೆ ಚಿತ್ರಿಸಿದ್ದು, ಅಂಡರ್ ವಾಟರ್ ನಲ್ಲಿ ಚಿತ್ರೀಕರಣಗೊಂಡ ಬೆರಳೆಣಿಕೆಯ ಕನ್ನಡ ಕಿರುಚಿತ್ರಗಳಲ್ಲಿ ಇದೂ ಒಂದಾಗಿದೆ. ಖ್ಯಾತ ನಟಿ ಸೋನು ಗೌಡ ಹಾಗು ರಂಗಭೂಮಿ ಕಲಾವಿದ ಸೂರಜ್ ಕಿರಣ್ ಈ ಕಿರುಚಿತ್ರದಲ್ಲಿ ಮುಖ್ಯಭೂಮಿಕೆಯನ್ನು ನಿಭಾಯಿಸಿದ್ದಾರೆ.
ನಾಟಕಕಾರ, ನಿರ್ದೇಶಕ ಹಾಗೂ ಬರಹಗಾರ, ಅಭಿಷೇಕ್ ಅಯ್ಯಂಗಾರ್ ಈ ಚಿತ್ರದ ಕಥೆ ಮತ್ತು ಸಂಭಾಷಣೆಯನ್ನು ಬರೆದಿದ್ದು, ವಿವೇಕ್ ಆರಗ ಸಿನೆಮಾಟೋಗ್ರಫಿ ಜವಾಬ್ದಾರಿ ಹೊತ್ತಿದ್ದು, ಹಲವಾರು ಕಿರುಚಿತ್ರಗಳು, ಡಾಕ್ಯುಮೆಂಟರಿಗಳನ್ನು ನಿರ್ದೇಶಿಸಿರುವ ಕಾರ್ತಿಕ್ ರಾವ್ ಈ ಚಿತ್ರದ ನಿರ್ದೇಶನ ಮಾಡಿದ್ದಾರೆ.