ಅಪ್ಪು ಸಂಭ್ರಮಕ್ಕೆ ಸಾಕ್ಷಿಯಾಗಲಿದ್ದಾರೆ ಸುದೀಪ್, ಯಶ್, ಉಪೇಂದ್ರ.!

'ಅಪ್ಪು' ಸಂಭ್ರಮಕ್ಕೆ ಸ್ಯಾಂಡಲ್ ವುಡ್ ಸಾಕ್ಷಿ

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅಭಿನಯದ 'ರಾಜಕುಮಾರ' ಚಿತ್ರದ ಶತದಿನ ಸಂಭ್ರಮಾಚರಣೆಯಲ್ಲಿ ಕನ್ನಡದ ಟಾಪ್ ಸ್ಟಾರ್ ನಟರು ಅತಿಥಿಗಳಾಗಿ ಭಾಗಿಯಾಗಲಿದ್ದಾರಂತೆ. ಈ ಮೂಲಕ ಒಂದೇ ವೇದಿಕೆಯಲ್ಲಿ ಕನ್ನಡದ ಸ್ಟಾರ್ ನಟರನ್ನ ಒಟ್ಟಿಗೆ ನೋಡಬಹುದು.

ಸುದೀಪ್, ಯಶ್, ಉಪೇಂದ್ರ ಆಗಮನ

'ರಾಜಕುಮಾರ' ಚಿತ್ರದ ಸೆಂಚುರಿ ಸಂಭ್ರಮವನ್ನ ಅದ್ದೂರಿಯಾಗಿ ಆಚರಿಸಿಲು ಚಿತ್ರತಂಡ ನಿರ್ಧರಿಸಿದ್ದು, ಈ ಕಾರ್ಯಕ್ರಮದಲ್ಲಿ ಕಿಚ್ಚ ಸುದೀಪ್, ರಾಕಿಂಗ್ ಸ್ಟಾರ್ ಯಶ್, ರಿಯಲ್ ಸ್ಟಾರ್ ಉಪೇಂದ್ರ ಪಾಲ್ಗೊಳ್ಳಲಿದ್ದಾರಂತೆ.

ಅಪ್ಪು ಸಂಭ್ರಮಕ್ಕೆ ಕ್ರೇಜಿಸ್ಟಾರ್ ಅಲಭ್ಯ

'ರಾಜಕುಮಾರ' ಚಿತ್ರದ 100ನೇ ದಿನ ಸಂಭ್ರಮಾಚರಣೆಗೆ ಕ್ರೇಜಿಸ್ಟಾರ್ ಅಲಭ್ಯರಾಗಿದ್ದಾರೆ. ಬೇರೆ ಕಾರಣದ ನಿಮಿತ್ತ ರವಿಚಂದ್ರನ್ ಅವರು ಈ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುತ್ತಿಲ್ಲ ಎಂದು ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಖಚಿತಪಡಿಸಿದ್ದಾರೆ.

ಬೇರೆ ನಟ-ನಟಿಯರು ಭಾಗಿ

ಸುದೀಪ್, ಯಶ್, ಉಪೇಂದ್ರ ಮಾತ್ರವಲ್ಲದೇ, ಕನ್ನಡದ ಇನ್ನು ಹಲವು ನಟ-ನಟಿಯರು 'ರಾಜಕುಮಾರ' ಚಿತ್ರದ ಶತದಿನೋತ್ಸವ ಕಾರ್ಯಕ್ರಮಕ್ಕೆ ಸಾಕ್ಷಿಯಾಗಲಿದ್ದಾರಂತೆ.

'ರಾಜಕುಮಾರ' ಸೆಂಚುರಿ ಕಾರ್ಯಕ್ರಮ ಯಾವಾಗ?

ಜುಲೈ 1 ರಂದು 'ರಾಜಕುಮಾರ' ಚಿತ್ರ ಶತದಿನ ಪೂರೈಸಿದೆ. ಈ ಸಂಭ್ರಮವನ್ನ ಜುಲೈ 7 ರಂದು ಬೆಂಗಳೂರಿನ ಅರಮನೆ ಮೈದಾನದಲ್ಲಿ ಆಚರಿಸಲು ಚಿತ್ರತಂಡ ನಿರ್ಧರಿಸಿದೆ. ಈಗಾಗಲೇ ಎಲ್ಲಾ ತಯಾರಿಗಳು ನಡೆಯುತ್ತಿದ್ದು, ಶುಕ್ರವಾರ ಅದ್ದೂರಿ ವೇದಿಕೆ ಸಜ್ಜಾಗಲಿದೆ.