ಸ್ಯಾಂಡಲ್ ವುಡ್ ಸ್ಟಾರ್ ಗಳ ಹೊಸ ವರ್ಷದ ಡಿಫರೆಂಟ್ ಶುಭಾಶಯಗಳು

ಪವರ್ ಫುಲ್ ಆಗಿತ್ತು ಪುನೀತ್ ವಿಷ್

ಸ್ಯಾಂಡಲ್ ವುಡ್ ನ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಬ್ಯಾಕ್ ಫ್ಲಿಪ್ ಮಾಡಿ ಹೊಸ ವರ್ಷದ ಶುಭಾಶಯವನ್ನ ಕೋರಿದ್ದಾರೆ. ಈ ಮೂಲಕ ಅಭಿಮಾನಿಗಳಿಗೆ ಫಿಟ್ ಆಗಿರಿ ಯಾವಾಗಲೂ ಆರೋಗ್ಯವಾಗಿರಿ ಎಂದು ಸಂದೇಶ ನೀಡಿದ್ದಾರೆ.

ಟಗರು ಚಿತ್ರದ ಜೊತೆ ಶಿವಣ್ಣನ ಹೊಸ ವರ್ಷ

ವರ್ಷಾಂತ್ಯಕ್ಕೆ ಮಫ್ತಿ ಸಿನಿಮಾ ಮೂಲಕ ಜನರನ್ನ ರಂಜಿಸಿದ ಹ್ಯಾಟ್ರಿಕ್ ಹೀರೋ 'ಟಗರು' ಚಿತ್ರವನ್ನ ಮಿಸ್ ಮಾಡಿಕೊಳ್ಳಬೇಡಿ ಎಂದು ಹೇಳುತ್ತಾ ನಾಡಿನ ಜನರಿಗೆ ಹೊಸ ವರ್ಷದ ಶುಭಾಶಯಗಳನ್ನ ಹೇಳಿದ್ದಾರೆ.

ಭರವಸೆ ವರ್ಷವಾಗಲಿ ಎಂದ ದಾಸ

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಟ್ವಿಟ್ಟರ್ ಮೂಲಕ ಅಭಿಮಾನಿಗಳಿಗೆ ಹಾಗೂ ನಾಡಿನ ಜನರಿಗೆ ಶುಭ ಹಾರೈಸಿದ್ದಾರೆ. "ಹೊಸ ವರ್ಷವು ಹೊಸ ಹುರುಪು ಮತ್ತು ಭರವಸೆಯಿಂದ ತುಂಬಿರಲಿ, ಕತ್ತಲೆ ಮತ್ತು ದುಃಖವು ನಿಮ್ಮಿಂದ ದೂರವಿರಲಿ. ಈ ವರ್ಷವೂ ಎಲ್ಲರ ಜೀವನ ಹೆಚ್ಚು ಲವಲವಿಕೆಯಿಂದ ಕೂಡಿರಲಿ. ನಿಮ್ಮ ಈ ಪ್ರೀತಿಯ ದಾಸನಿಂದ ಹೊಸ ವರ್ಷದ ಹಾರ್ಧಿಕ ಶುಭಾಶಯಗಳು" ಎಂದು ಟ್ವಿಟ್ ಮಾಡಿದ್ದಾರೆ ದರ್ಶನ್ .

ಸಂತಸದ ವರ್ಷ ಆಗಲಿ ಎಂದ ಸುದೀಪ್

ತನ್ನ ಅಭಿಮಾನಿಗಳಿಗೆ ಮತ್ತು ಜನತೆಗೆ ಟ್ವಿಟ್ಟರ್ ಮೂಲಕ ಶುಭಾಶಯ ಹೇಳಿರುವ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ವರ್ಷವೆಲ್ಲಾ ಹರುಷದಿಂದ ಕೂಡಿರಲಿ ಎಂದು ವಿಷ್ ಮಾಡಿದ್ದಾರೆ.

ಶಾಂತಿಯುತ ಕಾಂತ್ರಿ ಸಂದೇಶ ತಂದ ರಿಯಲ್ ಸ್ಟಾರ್

ಡಿಫ್ರೆಂಟ್ ಸ್ಟೈಲ್ ನಲ್ಲಿ ಉಪ್ಪಿ ನಾಡಿನ ಪ್ರಜಾ ಪ್ರಭುಗಳಿಗೆ ಹೊಸ ವರ್ಷದ ಶುಭಾಶಯವನ್ನ ತಿಳಿಸಿದ್ದಾರೆ. ಸಿನಿಮಾ ಹಾಗೂ ರಾಜಕೀಯ ಎರಡು ಕ್ಷೇತ್ರಗಳನ್ನ ಗಮನದಲ್ಲಿಟ್ಟುಕೊಂಡು ಚಿಕ್ಕದಾದ ವಿಡಿಯೋ ಮೂಲಕ ವಿಷ್ ಮಾಡಿದ್ದಾರೆ ಉಪೇಂದ್ರ.