ಇಲ್ಲಿ ಹೀಗೆ, ಅಲ್ಲಿ ಹಾಗೆ.. ರಶ್ಮಿಕಾ ಯಾಕ್ಹೀಗೆ.? ಕಡುಕೋಪ ಕನ್ನಡಿಗರಿಗೆ.!

ಸೋಷಿಯಲ್ ಮೀಡಿಯಾದಲ್ಲಿ ವಿಡಿಯೋ ವೈರಲ್

ಕರ್ನಾಟಕದ ಪತ್ರಿಕಾಗೋಷ್ಟಿಯಲ್ಲಿ ರಶ್ಮಿಕಾ ಮಂದಣ್ಣ ಮಾತನಾಡಿರುವ ಬಗೆ ಹಾಗೂ ತೆಲುಗು ಸಿನಿಮಾದ ಫಂಕ್ಷನ್ ವೊಂದರಲ್ಲಿ ರಶ್ಮಿಕಾ ಆಡಿರುವ ಮಾತುಗಳನ್ನ ಒಟ್ಟುಗೂಡಿಸಿ ತಯಾರು ಮಾಡಿರುವ ಒಂದು ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ನೆಟ್ಟಿಗರ ಮುನಿಸು

ಕನ್ನಡದ ಹುಡುಗಿಯಾಗಿ, ಕೊಡಗಿನ ಬೆಡಗಿಯಾಗಿ, ಕರ್ನಾಟಕದಲ್ಲಿ ಹುಟ್ಟಿ ಬೆಳೆದಿರುವ ರಶ್ಮಿಕಾ, ಸ್ಯಾಂಡಲ್ ವುಡ್ ಸಿನಿಮಾದ ಪ್ರೆಸ್ ಮೀಟ್ ನಲ್ಲಿ ಸ್ಪಷ್ಟವಾಗಿ ಕನ್ನಡ ಮಾತನಾಡದೆ, ಟಾಲಿವುಡ್ ನಲ್ಲಿ ಸುಲಲಿತವಾಗಿ ತೆಲುಗು ಮಾತನಾಡಿರುವುದು ನೆಟ್ಟಿಗರ ಮುನಿಸಿಗೆ ಕಾರಣವಾಗಿದೆ. ಹೀಗಾಗಿ ಫೇಸ್ ಬುಕ್ ನಲ್ಲಿ ರಶ್ಮಿಕಾ ವಿರುದ್ಧ ಕನ್ನಡಿಗರು ಕಾಮೆಂಟ್ ಮಾಡುತ್ತಿದ್ದಾರೆ.

ಏನ್ರೀ ನಿಮ್ಮ ಕಥೆ ರಶ್ಮಿಕಾ.?

ತೆಲುಗಿನಲ್ಲಿ ಸದ್ಯ ಎರಡು ಸಿನಿಮಾಗಳನ್ನು ಕಂಪ್ಲೀಟ್ ಮಾಡಿ, ಚೆನ್ನಾಗಿ ತೆಲುಗು ಮಾತನಾಡಲು ಕಲಿತಿರುವ ರಶ್ಮಿಕಾ ಮೊದಲು ಕನ್ನಡ ಮಾತನಾಡುವುದನ್ನು ಕಲಿಯಲಿ ಅನ್ನೋದು ಕನ್ನಡಿಗರ ಆಗ್ರಹ.

ಇಂತಹ ಹೀರೋಯಿನ್ ಬೇಡ.!

''ಕನ್ನಡಕ್ಕೆ ಗೌರವ ಕೊಡದೆ, ತೆಲುಗಿಗೆ ಮಾತ್ರ ಪ್ರಾಮುಖ್ಯತೆ ನೀಡುತ್ತಿರುವ ರಶ್ಮಿಕಾ ಅಂತಹ ಹೀರೋಯಿನ್ ನಮಗೆ ಬೇಡ'' ಅಂತಿದ್ದಾರೆ ಕನ್ನಡಿಗರು.

ಅನ್ ಫಾಲೋ ಮಾಡಿ...

''ರಶ್ಮಿಕಾ ರನ್ನ ಫೇಸ್ ಬುಕ್ ಹಾಗೂ ಇನ್ಸ್ಟಾಗ್ರಾಮ್ ನಲ್ಲಿ ಅನ್ ಫಾಲೋ ಮಾಡಿ'' ಎಂಬ ಕೂಗು ಸೋಷಿಯಲ್ ಮೀಡಿಯಾದಲ್ಲಿ ಶುರುವಾಗಿದೆ.

ಕನ್ನಡ ಕಲಿಸಿಕೊಡಿ...

ಬರೀ ರಶ್ಮಿಕಾಗೆ ಮಾತ್ರ ಅಲ್ಲ, ರಕ್ಷಿತ್ ಶೆಟ್ಟಿಗೂ ಸೇರಿಸಿ ಕನ್ನಡಿಗರು ಫೇಸ್ ಬುಕ್ ನಲ್ಲಿ ಬೆಂಡೆತ್ತುತ್ತಿದ್ದಾರೆ.

ಯಾರಿಗೂ ಅಧಿಕಾರ ಇಲ್ಲ.!

''ನಾವಿರುವುದು ಪ್ರಜಾಪ್ರಭುತ್ವದಲ್ಲಿ. ಯಾರು ಯಾವ ಭಾಷೆ ಮಾತನಾಡಬೇಕು ಅಂತ ನಿರ್ಧಾರ ಮಾಡುವ ಅಧಿಕಾರ ಯಾರಿಗೂ ಇಲ್ಲ'' ಅಂತ ಹೇಳ್ತಾ ರಶ್ಮಿಕಾ ಪರ ಬ್ಯಾಟಿಂಗ್ ಮಾಡುವವರೂ ಫೇಸ್ ಬುಕ್ ನಲ್ಲಿ ಇದ್ದಾರೆ.

ಮತ್ತೊಂದು ವಿಡಿಯೋ ವೈರಲ್

ಇನ್ನೂ ಪರಭಾಷಾ ನಟಿಯರಾದ ಪಾರ್ವತಿ ಮೆನನ್ ಹಾಗೂ ನಿತ್ಯ ಮೆನನ್ ಸರಾಗವಾಗಿ ಕನ್ನಡ ಮಾತನಾಡಿರುವುದು ಕನ್ನಡಿಗರಿಗೆ ಹೆಮ್ಮೆ ತಂದಿದೆ.