Don't Miss!
- Automobiles ಬಹುಕೋಟಿ ಬೆಲೆಯ ಕಾರುಗಳಿದ್ದರೂ ಸಾಮಾನ್ಯ ಮಾರುತಿ ಕಾರಿನಲ್ಲಿ ಓಡಾಡಿದ ರೋಹಿತ್ ಶರ್ಮಾ: ಕಾರಣವೇನು?
- Sports ಅಂತರಾಷ್ಟ್ರೀಯ ಕ್ರಿಕೆಟ್ ವೃತ್ತಿ ಜೀವನಕ್ಕೆ ವಿದಾಯ ಹೇಳಿದ ಪಾಕ್ ತಂಡದ ಮಾಜಿ ನಾಯಕಿ
- News Karnataka Lok Sabha Election 2024: ಮತಗಟ್ಟೆಗಳಲ್ಲಿ ಮೊಬೈಲ್ ಫೋನ್ ನಿಷೇಧ!
- Lifestyle ಎಲೆಕೋಸಿಗೆ ಕೆಮಿಕಲ್ ಮಿಶ್ರಣ ಮಾಡ್ತಾರೆ ಹುಷಾರ್..! ವಿಡಿಯೋ ವೈರಲ್..!
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕಾಂತಾರ vs ಪೊನ್ನಿಯಿನ್ ಸೆಲ್ವನ್: ಮೊದಲ ದಿನ ಹೆಚ್ಚು ರೇಟಿಂಗ್ ಪಡೆದು ಗೆದ್ದ ಚಿತ್ರ ಯಾವುದು?
ನಿನ್ನೆ ( ಸೆಪ್ಟೆಂಬರ್ 30 ) ಈ ವರ್ಷದ ಒಂಬತ್ತನೇ ತಿಂಗಳು ಸಿನಿ ಪ್ರಿಯರ ಫೇವರಿಟ್ ಶುಕ್ರವಾರದೊಂದಿಗೆ ಮುಕ್ತಾಯಗೊಂಡಿದೆ. ಈ ದಿನ ನಿರೀಕ್ಷೆ ಹುಟ್ಟಿಸಿದ್ದ ಸಿನಿಮಾಗಳು ಬಿಡುಗಡೆಯಾಗಿವೆ. ಕನ್ನಡ ಚಿತ್ರರಂಗದಲ್ಲಿ ಕಾಂತಾರ, ತಮಿಳಿನ ಪೊನ್ನಿಯಿನ್ ಸೆಲ್ವನ್ ಹಾಗೂ ಬಾಲಿವುಡ್ನ ವಿಕ್ರಮ್ ವೇದ ಸೇರಿದಂತೆ ಹಲವಾರು ಚಿತ್ರಗಳು ಬಿಡುಗಡೆಗೊಂಡಿವೆ. ಈ ಪೈಕಿ ಕಾಂತಾರ ಹಾಗೂ ಪೊನ್ನಿಯಿನ್ ಸೆಲ್ವನ್ ಭಾರೀ ನಿರೀಕ್ಷೆ ಹುಟ್ಟಿಸಿದ್ದ ಕಾರಣ ಎರಡು ಚಿತ್ರಗಳಲ್ಲಿ ಯಾವ ಚಿತ್ರ ಒಳ್ಳೆಯ ವಿಮರ್ಶೆ ಪಡೆದುಕೊಂಡು ಹೆಚ್ಚು ರೇಟಿಂಗ್ ಗಿಟ್ಟಿಸಿಕೊಳ್ಳಲಿದೆ ಎಂಬ ಕುತೂಹಲವಿತ್ತು.
ಇನ್ನು ಕಾಂತಾರ ಚಿತ್ರ ಬಿಡುಗಡೆ ಹಿಂದಿನ ದಿನವೇ ಪ್ರೀಮಿಯರ್ ಪ್ರದರ್ಶನಗಳನ್ನು ಕಂಡು ಒಂದು ದಿನ ಮುಂಚಿತವಾಗಿಯೇ ಸದ್ದು ಮಾಡಲಾರಂಭಿಸಿತು. ಪೇಯ್ಡ್ ಪ್ರೀಮಿಯರ್ ಪ್ರದರ್ಶನಗಳನ್ನು ವೀಕ್ಷಿಸಿದ ಸಿನಿ ಪ್ರಿಯರು ಈ ಚಿತ್ರವನ್ನು ಕಾಂತಾರ ರಿಷಬ್ ಶೆಟ್ಟಿ ಕೆರಿಯರ್ನಲ್ಲೇ ಬೆಸ್ಟ್ ಸಿನಿಮಾ, ಇದು ಕನ್ನಡದ ಹೆಮ್ಮೆ ಎಂದು ಚಿತ್ರವನ್ನು ಮೆಚ್ಚಿಕೊಂಡಿದ್ದರು. ಇನ್ನು ಕಾಂತಾರ ಬಿಡುಗಡೆ ದಿನವೂ ಸಹ ಇದೇ ವಿಮರ್ಶೆಯನ್ನು ಪಡೆದುಕೊಂಡಿತು. ಸಿನಿಮಾ ವೀಕ್ಷಿಸಿ ಹೊರಬಂದ ಯಾರೊಬ್ಬರೂ ಸಹ ಚಿತ್ರದ ಕುರಿತು ನೆಗೆಟಿವ್ ವಿಮರ್ಶೆ ನೀಡಲೇ ಇಲ್ಲ. ಅಷ್ಟರ ಮಟ್ಟಿಗೆ ಕಾಂತಾರ ಜನರ ಮನಸ್ಸನ್ನು ಗೆಲ್ಲುವಲ್ಲಿ ಯಶಸ್ವಿಯಾಗಿದೆ.
ಇತ್ತ ಪೊನ್ನಿಯಿನ್ ಸೆಲ್ವನ್ ಹೆಚ್ಚಾಗಿ ಒಳ್ಳೆಯ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತಿದ್ದರೂ ಸಹ ಚಿತ್ರ ಅಷ್ಟಕ್ಕಷ್ಟೇ ಎಂದವರೂ ಸಹ ಇದ್ದಾರೆ. ಅತ್ತ ತಮಿಳಿನ ವಿಕ್ರಮ್ ವೇದಾ ಚಿತ್ರವನ್ನು ರಿಮೇಕ್ ಮಾಡಿ ಅದೇ ಶೀರ್ಷಿಕೆಯಡಿಯಲ್ಲಿ ಬಿಡುಗಡೆಗೊಂಡ ಹಿಂದಿ ಸಿನಿಮಾ ಕಾಂತಾರ ಮತ್ತು ಪೊನ್ನಿಯಿನ್ ಸೆಲ್ವನ್ ಅಬ್ಬರದ ನಡುವೆ ಸಾಮಾಜಿಕ ಜಾಲತಾಣದಲ್ಲಿ ಸೈಲೆಂಟ್ ಆಗಿಬಿಟ್ಟಿದೆ. ಹೀಗೆ ನಿನ್ನೆ ಬಿಡುಗಡೆಗೊಂಡ ಚಿತ್ರಗಳ ಪೈಕಿ ಮೊದಲ ದಿನ ಯಾವ ಚಿತ್ರ ಯಾವ ಪ್ಲಾಟ್ಫಾರ್ಮ್ನಲ್ಲಿ ಎಷ್ಟು ರೇಟಿಂಗ್ ಪಡೆದುಕೊಂಡಿದೆ ಹಾಗೂ ಯಾವ ಚಿತ್ರ ಅತಿ ಹೆಚ್ಚು ರೇಟಿಂಗ್ ಪಡೆದುಕೊಂಡಿದೆ ಎಂಬುದರ ಕುರಿತಾದ ವಿವರ ಕೆಳಕಂಡಂತಿದೆ
ಮೊದಲ ದಿನ ಚಿತ್ರಗಳು ಪಡೆದುಕೊಂಡ ಬುಕ್ ಮೈ ಶೋ ರೇಟಿಂಗ್
ಕಾಂತಾರ: 99% ( 2800 ವೋಟ್ )
ಪೊನ್ನಿಯಿನ್ ಸೆಲ್ವನ್: 89% ( 35900 ವೋಟ್ )
ವಿಕ್ರಮ್ ವೇದ: 89% ( 12400 ವೋಟ್ )
ತೋತಾಪುರಿ 75% ( 96 ವೋಟ್ )
ಹೀಗೆ ಕಾಂತಾರ ಮೊದಲ ದಿನ ಚಿತ್ರ ಬುಕ್ ಮೈ ಶೋ ಅಪ್ಲಿಕೇಶನ್ನಲ್ಲಿ ತನ್ನ ಜತೆ ಬಿಡುಗಡೆಯಾದ ಎಲ್ಲಾ ಚಿತ್ರಗಳಿಗಿಂತ ಅತಿ ಹೆಚ್ಚು ರೇಟಿಂಗ್ ಪಡೆದುಕೊಂಡಿದೆ.
ಐಎಂಡಿಬಿ ರೇಟಿಂಗ್
ಇಂಟರ್ನೆಟ್ ಮೂವಿ ಡೇಟಾಬೇಸ್ನಲ್ಲಿ ನಿನ್ನೆ ಬಿಡುಗಡೆಯಾದ ಚಿತ್ರಗಳ ಪೈಕಿ ಯಾವ ಚಿತ್ರ ಎಷ್ಟು ರೇಟಿಂಗ್ ಪಡೆದುಕೊಂಡಿದೆ ಎಂಬುದರ ಕುರಿತ ವಿವರ ಕೆಳಗಿನಂತಿದೆ.
ಕಾಂತಾರ: 10ಕ್ಕೆ 9.8
ಪೊನ್ನಿಯಿನ್ ಸೆಲ್ವನ್: 10ಕ್ಕೆ 8.9
ವಿಕ್ರಮ್ ವೇದ: 10ಕ್ಕೆ 6.7
ತೋತಾಪುರಿ: 10ಕ್ಕೆ 5.6
ಎಲ್ಲೆಡೆ ಗೆದ್ದ ಕಾಂತಾರ
ರಿಷಬ್ ಶೆಟ್ಟಿ ನಟಿಸಿ, ನಿರ್ದೇಶಿಸಿರುವ ಕಾಂತಾರ ಎಲ್ಲೆಡೆ ಗೆದ್ದಿದೆ. ಬಿಗ್ ಬಜೆಟ್ ಪೊನ್ನಿಯಿನ್ ಸೆಲ್ವನ್ ಚಿತ್ರಕ್ಕಿಂತಲೂ ಹೆಚ್ಚು ರೇಟಿಂಗ್ ಪಡೆದುಕೊಂಡು ಗೆದ್ದಿದೆ. ಒಂದೊಳ್ಳೆ ಚಿತ್ರ ಮಾಡಿದರೆ ಜನ ಬಜೆಟ್ ಲೆಕ್ಕಿಸದೇ ಮೆಚ್ವಿಕೊಳ್ತಾರೆ ಎಂಬುದು ಮತ್ತೊಮ್ಮೆ ಸಾಬೀತಾಗಿದೆ.