ದರ್ಶನ್ ಹಾದಿಯಲ್ಲಿ ಹೆಜ್ಜೆ ಇಡ್ತಾರ ಈ ನಟ.?

ದರ್ಶನ್ ಹಾದಿಯಲ್ಲಿ ಸಂತೋಷ್

'ಗಣಪ' ಚಿತ್ರದ ನಂತರ ನಟ ಸಂತೋಷ್ ಮತ್ತೊಂದು ಮಾಸ್ ಸಿನಿಮಾ ಮೂಲಕ ಎಂಟ್ರಿ ಕೊಡ್ತಿದ್ದಾರೆ. ಇದನ್ನ ನೋಡಿದ ಸ್ಯಾಂಡಲ್ ವುಡ್ ಮಂದಿ ಚಾಲೆಂಜಿಂಗ್ ಸ್ಟಾರ್ ಅವರ ಹಾದಿಯಲ್ಲಿ ಸಾಗಲಿದ್ದಾರೆ ಎನ್ನುತ್ತಿದ್ದಾರೆ.

ಅಂದು 'ಕರಿಯ' ಇಂದು 'ಕರಿಯ-2'

ಅಂದು ದರ್ಶನ್ ಅಭಿನಯದ 'ಕರಿಯ' ಚಿತ್ರ ಮೂಡಿಬಂದಿತ್ತು. ಬಾಕ್ಸ್ ಆಫೀಸ್ ಚಿಂದಿ ಉಡಾಯಿಸಿತ್ತು. ದರ್ಶನ್ ಗೆ ಹೊಸ ಇಮೇಜ್ ನೀಡಿತ್ತು. ಇಂದು 'ಕರಿಯ-2' ಚಿತ್ರ ತಯಾರಾಗಿದೆ. ಸಂತೋಷ್ ಗೆ ಈ ಸಿನಿಮಾ ಹೊಸ ಇಮೇಜ್ ನೀಡುವ ಭರವಸೆಯಲ್ಲಿದೆ.

'ಕರಿಯ-2' ಟ್ರೈಲರ್ ರಿಲೀಸ್ ಮಾಡಿದ್ದ ಡಿ-ಬಾಸ್

ಸಂತೋಷ್ ಅಭಿನಯದ 'ಕರಿಯ-2' ಚಿತ್ರದ ಟ್ರೈಲರ್ ನ್ನ ಸ್ವತಃ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಬಿಡುಗಡೆ ಮಾಡಿದ್ದರು. ಚಿತ್ರದ ಟ್ರೈಲರ್ ನೋಡಿ ದರ್ಶನ್ ಕೂಡ ಮೆಚ್ಚುಗೆ ವ್ಯಕ್ತಪಡಿಸಿದ್ದರು.

ಅನೇಕಲ್ ಬಾಲರಾಜ್ ನಿರ್ಮಾಣ

ಅಂದ್ಹಾಗೆ, ಅಂದು ದರ್ಶನ್ ಅಭಿನಯಿಸಿದ್ದ ಕರಿಯ ಚಿತ್ರವನ್ನ ನಿರ್ಮಾಣ ಮಾಡಿದ್ದ ಅನೇಕಲ್ ಬಾಲರಾಜ್ ಅವರೇ, ಇಂದು ಕರಿಯ-2 ಚಿತ್ರಕ್ಕೆ ಬಂಡವಾಳ ಹಾಕಿದ್ದಾರೆ. ಗಮನಿಸಬೇಕಾದ ಸಂಗತಿ ಎಂದರೆ, ನಟ ಸಂತೋಷ್, ಆನೇಕಲ್ ಬಾಲರಾಜ್ ಅವರ ಪುತ್ರ.

ಅಕ್ಟೋಬರ್ 13ಕ್ಕೆ 'ಕರಿಯ'

ಪ್ರಭು ಶ್ರೀನಿವಾಸ್ ಪ್ರಭು ಈ ಚಿತ್ರವನ್ನ ನಿರ್ದೇಶನ ಮಾಡಿದ್ದು, ಕರಣ್ ಬಿ ಕೃಪಾ ಸಂಗೀತ ನೀಡಿದ್ದಾರೆ. ನಟಿ ಮಯೂರಿ ನಾಯಕಿ ಸಂತೋಷ್ ಗೆ ಜೋಡಿ ಆಗಿದ್ದಾರೆ. ಎಲ್ಲಾ ಅಂದುಕೊಂಡಂತೆ ಆದ್ರೆ, ಅಕ್ಟೋಬರ್ 13ಕ್ಕೆ 'ಕರಿಯ-2' ಸಿನಿಮಾ ತೆರೆಕಾಣಲಿದೆ.