'ಕರ್ವ' ನಿರ್ದೇಶಕರ ಜೊತೆಗೆ ಉಪೇಂದ್ರ ಸಿನಿಮಾ

'ಕರ್ವ' ಸಿನಿಮಾದ ಮೂಲಕ ಯಶಸ್ಸು ಪಡೆದಿದ್ದ, ನಿರ್ದೇಶಕ ನವನೀತ್ ಆ ಬಳಿಕ 'ಬಕಾಸುರ' ಚಿತ್ರವನ್ನು ಕೈಗೆತ್ತಿಕೊಂಡರು. ರವಿಚಂದ್ರನ್ ರಿಗೆ ಆಕ್ಷನ್ ಕಟ್ ಹೇಳಿದ್ದ, ಈ ಯುವ ನಿರ್ದೇಶಕ ತಮ್ಮ ಮುಂದಿನ ಸಿನಿಮಾವನ್ನು ಉಪೇಂದ್ರ ಜೊತೆಗೆ ಮಾಡುತ್ತಿದ್ದಾರೆ.

ಸಾಲು ಸಾಲು ಸಿನಿಮಾಗಳಲ್ಲಿ ಉಪೇಂದ್ರ ಬ್ಯುಸಿ ಇದ್ದು, ಆ ಸಾಲಿಗೆ ಮತ್ತೊಂದು ಸಿನಿಮಾ ಸೇರಿಕೊಂಡಿದೆ. ಈ ಚಿತ್ರವನ್ನು 'ಕರ್ವ' ನವನೀತ್ ನಿರ್ದೇಶನ ಮಾಡುತ್ತಿದ್ದಾರೆ. ತರುಣ್ ಶಿವಪ್ಪ ಹಾಗೂ ಮಾನಸ ತರುಣ್ ಈ ಸಿನಿಮಾಗೆ ಬಂಡವಾಳ ಹಾಕುತ್ತಿದ್ದಾರೆ.

ಉಪೇಂದ್ರ ಅವರ ಹುಟ್ಟುಹಬ್ಬದ ವಿಶೇಷವಾಗಿ ಈ ಹೊಸ ಸಿನಿಮಾವನ್ನು ಘೋಷಣೆ ಮಾಡಲಾಗಿದೆ. ಸದ್ಯಕ್ಕೆ, ಈ ಸಿನಿಮಾಗೆ ಪ್ರೊಡಕ್ಷನ್ ನಂಬರ್ 5 ಎಂದು ಹೆಸರಿಡಲಾಗಿದೆ. ಚಿತ್ರದ ಉಳಿದ ತಾರಬಳಗ ಸದ್ಯದಲ್ಲಿಯೇ ತಿಳಿಯಲಿದೆ.

ನವವೀತ್ ಅವರ ಈ ಹೊಸ ಸಿನಿಮಾಗೆ ಅವಿನಾಶ್ ಬಿ ಸಿನಿಮಾಗೆ ಸಂಗೀತ ನೀಡಲಿದ್ದಾರೆ. ಮೋಹನ್ ಕ್ಯಾಮರಾ ವರ್ಕ್ ಇರಲಿದೆ.

'ಹೋಮ್ ಮಿನಿಸ್ಟರ್', 'ರವಿಚಂದ್ರ', 'ಕಬ್ಜ' 'ಬುದ್ದಿವಂತ 2', ನಿರ್ದೇಶಕ ಶಶಾಂಕ್ ಸಿನಿಮಾ, ಜಯರಾಮ್ ಸಿನಿಮಾ ಉಪೇಂದ್ರ ಅವರ ಮುಂದಿನ ಸಿನಿಮಾಗಳಾಗಿವೆ.