ಶತಕ ಪೂರೈಸಿ ಅಚ್ಚರಿ ಮೂಡಿಸಿದ ಕಾಶಿನಾಥ್ ಚಿತ್ರ

ಚಿತ್ರಮಂದಿರ ಸಮಸ್ಯೆ, ಪರಭಾಷಾ ಚಿತ್ರಗಳ ತೀವ್ರ ಪೈಪೋಟಿಗಳ ನಡುವೆ '12 AM' ಚಿತ್ರ ಗೆದ್ದಿದೆ. ಕಾಶಿನಾಥ್ ಅವರ ಗರಡಿಯಲ್ಲಿ ಬಂದಂತಹ ನಿರ್ದೇಶಕ ಕಾರ್ತಿಕ್ ಆಕ್ಷನ್ ಕಟ್ ನಲ್ಲಿ ಮೂಡಿಬಂದಿರುವ ಸಸ್ಪೆನ್ಸ್ ಥ್ರಿಲ್ಲರ್ ಚಿತ್ರ '12 AM ಮಧ್ಯರಾತ್ರಿ'.

ಇದೇ ಚಿತ್ರ ಈಗ ತೆಲುಗಿನಲ್ಲಿ 'ಅಮಾವಾಸ್ಯ ರಾತ್ರಿ' ಹಾಗೂ ತಮಿಳಿನಲ್ಲಿ 'ನಡುನೀಸಿ ಆವಿಗಳ್' ಎಂಬ ಶೀರ್ಷಿಕೆಯಲ್ಲಿ ಡಬ್ ಆಗುತ್ತಿವೆ. ಬೆಂಗಳೂರಿನ ದೊರೆಸಾನಿ ಪಾಳ್ಯದ ವೆಂಕಟೇಶ್ವರ ಹಾಗೂ ಹೆಸರುಗಟ್ಟದ ಎಸ್ಎಲ್ಎನ್ ಚಿತ್ರಮಂದಿರಗಳಲ್ಲಿ 12 AM ಚಿತ್ರ ನೂರು ದಿನ ಪೂರೈಸಿದೆ.

ವಿ ಮನೋಹರ್ ಅವರ ಸಂಗೀತ ಇರುವ ಈ ಚಿತ್ರದ ಒಟ್ಟು 50 ದಿನಗಳ ಚಿತ್ರೀಕರಣದಲ್ಲಿ 35 ದಿನಗಳನ್ನು ರಾತ್ರಿಯಲ್ಲೇ ಚಿತ್ರೀಕರಿಸಿರುವುದು ವಿಶೇಷ. ಕಾಶಿನಾಥ್ ಅವರ ಪುತ್ರ ಅಲೋಕ್ ಈ ಚಿತ್ರದ ಮೂಲಕ ಅಭಿಮನ್ಯು ಎಂದು ತಮ್ಮ ಹೆಸರನ್ನು ಬದಲಾಯಿಸಿಕೊಂಡಿದ್ದಾರೆ. (ಒನ್ಇಂಡಿಯಾ ಕನ್ನಡ)