ಅಂತೂ ಕಾಶಿನಾಥ್ ವಯಸ್ಸು ಗೊತ್ತಾಯ್ತು: ಜನ್ಮ ದಿನಾಂಕ ಜಗಜ್ಜಾಹೀರಾಯ್ತು.!

ಜನ್ಮದಿನಾಂಕ ಬಹಿರಂಗ ಮಾಡಿರಲಿಲ್ಲ

ಜೀ ಕನ್ನಡ ವಾಹಿನಿಯ ಜನಪ್ರಿಯ 'ವೀಕೆಂಡ್ ವಿತ್ ರಮೇಶ್' ಕಾರ್ಯಕ್ರಮದಲ್ಲೂ ಕಾಶಿನಾಥ್ ತಮ್ಮ ಜನ್ಮದಿನಾಂಕವನ್ನ ಬಹಿರಂಗ ಪಡಿಸಿರಲಿಲ್ಲ.

ಹುಟ್ಟುಹಬ್ಬ ಆಚರಿಸುತ್ತಿರಲಿಲ್ಲ ಕಾಶಿನಾಥ್

''ಹುಟ್ಟುಹಬ್ಬ ಆಚರಿಸಿಕೊಂಡರೆ ಒಂದು ವರ್ಷ ಆಯಸ್ಸು ಕಮ್ಮಿಯಾಗುತ್ತೆ ಅಂತ ಖುಷಿ ಪಡ್ಬೇಕಾ.? ಅಥವಾ ವಯಸ್ಸು ಜಾಸ್ತಿ ಅಂತ ಖುಷಿ ಪಡ್ಬೇಕಾ.? ಮತ್ಯಾಕೆ ಬರ್ತಡೇ.?'' ಎನ್ನುತ್ತಿದ್ದ ಕಾಶಿನಾಥ್ ಅವರ ಜನ್ಮದಿನಾಂಕ ಇದೀಗ ಜಗಜ್ಜಾಹೀರಾಗಿದೆ.

ಕಾಶಿನಾಥ್ ಹುಟ್ಟಿದ್ದು ಯಾವಾಗ.?

ಕಾಶಿನಾಥ್ ಅವರ ಜನ್ಮದಿನಾಂಕ ಮೇ 8, 1951. ಈ ವಿಚಾರ ಜಗಜ್ಜಾಹೀರಾಗಿರುವುದು ಕಾಶಿನಾಥ್ ಅವರ ಡ್ರೈವಿಂಗ್ ಲೈಸೆನ್ಸ್ ನಿಂದ. ಕಾಶಿನಾಥ್ ಅವರ ನಿಧನದ ನಂತರ ಅವರ ಡ್ರೈವಿಂಗ್ ಲೈಸೆನ್ಸ್ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಕಾಶಿನಾಥ್ ಅವರ ವಯಸ್ಸೆಷ್ಟು.?

ಕಾಶಿನಾಥ್ ಅವರಿಗೆ 65 ವರ್ಷ ಅಂತ ನಿನ್ನೆ ಕೆಲವರು ಹೇಳಿದ್ದರು. ಇನ್ನೂ ಕಾಶಿನಾಥ್ ಅವರಿಗೆ 67 ವರ್ಷ ವಯಸ್ಸಾಗಿತ್ತು ಎಂದು ವರದಿ ಆಗಿತ್ತು. ಆದ್ರೆ, ಕಾಶಿನಾಥ್ ಅವರ ವಯಸ್ಸು 66 ವರ್ಷ, 8 ತಿಂಗಳು. ಚಿತ್ರರಂಗದಲ್ಲಿ ಕಾಶಿನಾಥ್ ಇನ್ನೂ ಸಕ್ರಿಯವಾಗಿ ಇರುವಾಗಲೇ ಇಹಲೋಕ ತ್ಯಜಿಸಿದರು.