ನಾಳೆ 'ಕವಚ' ಜೊತೆಗೆ ಬರ್ತಿದೆ 'ಗೌಡ್ರು ಸೈಕಲ್' ಸಿನಿಮಾ

ನಾಳೆ ಶುಕ್ರವಾರ ಹೊಸ ಹೊಸ ಸಿನಿಮಾಗಳು ಚಿತ್ರಮಂದಿರಕ್ಕೆ ಬರುವ ದಿನ. ಈ ವಾರ ಕನ್ನಡದ ಎರಡು ಸಿನಿಮಾಗಳು ಬಿಡುಗಡೆಯಾಗುತ್ತಿವೆ. 'ಕವಚ' ಹಾಗೂ 'ಗೌಡ್ರು ಸೈಕಲ್' ಚಿತ್ರಗಳು ನಾಳೆ ರಿಲೀಸ್ ಆಗುತ್ತಿವೆ.

ಶಿವರಾಜ್ ಕುಮಾರ್ ಮೊದಲ ಬಾರಿಗೆ ಸಿನಿಮಾದಲ್ಲಿ ಅಂಧನ ಪಾತ್ರವನ್ನು ಮಾಡುತ್ತಿದ್ದಾರೆ. ಈ ಚಿತ್ರ ಮಲೆಯಾಳಂನ 'ಒಪ್ಪಂ' ಚಿತ್ರದ ರಿಮೇಕ್ ಆಗಿದೆ. ಈಗಾಗಲೇ ಟ್ರೇಲರ್ ಮತ್ತು ಹಾಡುಗಳು ಒಂದಷ್ಟು ಕುತೂಹಲವನ್ನು ಹುಟ್ಟುಹಾಕಿದೆ. ಜಿ ವಿ ಆರ್ ವಾಸು ಈ ಸಿನಿಮಾದ ನಿರ್ದೇಶನ ಮಾಡಿದ್ದಾರೆ. ಅರ್ಜುನ್ ಜನ್ಯ ಸಂಗೀತ ಇಲ್ಲಿದೆ.

ಇಶಾ ಕೊಪ್ಪಿಕರ್, ಕೃತಿಕಾ ಸಿನಿಮಾದ ನಾಯಕಿಯರಾಗಿದ್ದಾರೆ. ರಾಹುಲ್ ಶ್ರೀವತ್ಸವ್ ಕ್ಯಾಮರಾ ಹಿಡಿದಿದ್ದಾರೆ.

'ಗೌಡ್ರು ಸೈಕಲ್' ಸಿನಿಮಾ ಕೂಡ ಈ ವಾರ ತೆರೆಗೆ ಬರುತ್ತಿದೆ. ಹೆಸರೇ ಹೇಳುವಂತೆ ಊರಿನ ಗೌಡರ ಸೈಕಲ್ ಪ್ರೇಮ ಈ ಚಿತ್ರದ ಕಥೆಯಾಗಿದೆ. 'ರಾಮಾ ರಾಮಾ ರೇ' ಖ್ಯಾತಿಯ ನಟಿ ಬಿಂಬಶ್ರೀ ಅಭಿನಯಿಸಿದ್ದಾರೆ. ಶಶಿಕಾಂತ್ ನಾಯಕನಾಗಿದ್ದಾರೆ. ಚಿತ್ರದಲ್ಲಿ ಸಖತ್ ಹಾಸ್ಯ ಇರಲಿದೆ.