Don't Miss!
- News ಮೀಸಲಾತಿ ಅಸ್ತ್ರ ಪ್ರಯೋಗಿಸಿದ ಮೋದಿಗೆ ಬಿಜೆಪಿಯ ಹೊಸ ಸಂಗಾತಿಯನ್ನ ಕೇಳಿ ಎಂದು ಟಾಂಗ್ ಕೊಟ್ಟ ಸಿದ್ದರಾಮಯ್ಯ
- Automobiles XUV300: ಮಹೀಂದ್ರಾ ಎಕ್ಸ್ಯುವಿ300 ಕಾರನ್ನು ನಿಮ್ಮ ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Finance ಲೋಕಸಭಾ ಚುನಾವಣೆ 2024: ಟಾಪ್ 10 ಶ್ರೀಮಂತ ಅಭ್ಯರ್ಥಿಗಳು ಇವರು
- Technology OnePlus: ಒನ್ಪ್ಲಸ್ ವಾಚ್ 2 ನಾರ್ಡಿಕ್ ಬ್ಲೂ ಆವೃತ್ತಿ ಲಾಂಚ್! ಬೆಲೆ ಎಷ್ಟು?
- Sports IPL 2024: ಮತ್ತೊಂದು ರೋಚಕ ಪಂದ್ಯದಲ್ಲಿ SRH vs RCB ಕದನ; ಪಂದ್ಯದ ವಿವರ, ಸಂಭಾವ್ಯ ಆಡುವ 11ರ ಬಳಗ
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪುನೀತ್ ನಿರ್ಮಾಣದ 'ಕವಲುದಾರಿ' ಚಿತ್ರದಲ್ಲಿದೆ ರೆಟ್ರೋ ಲುಕ್
ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರ ನಿರ್ಮಾಣ ಸಂಸ್ಥೆಯ ಮೊದಲ ಚಿತ್ರವಾದ 'ಕವಲುದಾರಿ' ಸಿನಿಮಾದ ಚಿತ್ರೀಕರಣ ಭರದಿಂದ ಸಾಗಿದೆ. 'ಗೋಧಿ ಬಣ್ಣ ಸಾಧಾರಣ ಮೈ ಕಟ್ಟು' ಸಿನಿಮಾ ಖ್ಯಾತಿಯ ಹೇಮಂತ್ ರಾವ್ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ 'ಕವಲುದಾರಿ' ಚಿತ್ರದಲ್ಲಿ ನಟ ರಿಷಿ ಹಾಗೂ ಅನಂತ್ ನಾಗ್ ಮುಖ್ಯ ಭೂಮಿಕೆಯಲ್ಲಿ ಅಭಿನಯಿಸುತ್ತಿದ್ದಾರೆ.
ಕೆಲವು ದಿನಗಳ ಹಿಂದೆಯಷ್ಟೇ ಅನಂತ್ ನಾಗ್ ಲುಕ್ ಬಿಡುಗಡೆ ಮಾಡಿದ ಸಿನಿಮಾ ಟೀಂ ಈಗ ಮಿಸ್ಟರ್ ಅಂಡ್ ಮಿಸೆಸ್ ನಾಯ್ಡು ಅವರ ಲುಕ್ ರಿವಿಲ್ ಮಾಡಿದ್ದಾರೆ. 70 ರ ದಶಕದಲ್ಲಿ ನಡೆದ ಮರ್ಡರ್ ಮಿಸ್ಟರಿ ಕಥೆಯನ್ನ ಸಿನಿಮಾವನ್ನಾಗಿ ಮಾಡುತ್ತಿರುವ ಹೇಮಂತ್ ಚಿತ್ರದಲ್ಲಿನ ನಾಯ್ಡು ದಂಪತಿಗಳ ಫೋಟೋ ತಮ್ಮ ಟ್ವಿಟ್ಟರ್ ನಲ್ಲಿ ಬಿಡುಗಡೆ ಮಾಡಿದ್ದಾರೆ.
ರೆಟ್ರೋ ಲುಕ್ ನಲ್ಲಿ ಇಬ್ಬರು ಪಾತ್ರದಾರಿಗಳು ಕಾಣಿಸಿಕೊಂಡಿದ್ದು ನಾಯ್ಡು ಪಾತ್ರದಲ್ಲಿ ಸಿದ್ದಾರ್ಥ ಮಾಧ್ಯಮಿಕ ಅಭಿನಯಿಸಿದ್ದರೆ ಮಿಸೆಸ್ ನಾಯ್ಡು ಆಗಿ ಸಮನ್ವಿತಾ ಶೆಟ್ಟಿ ಕಾಣಿಸಿಕೊಳ್ಳುತ್ತಿದ್ದಾರೆ. ರೆಟ್ರೋ ಶೈಲಿ ಅಂದಾಗ ಬೆಲ್ ಬಾಟಮ್ ಪ್ಯಾಂಟ್ ಶರ್ಟ್ ಹಾಕಿಸಿ ಅದಕ್ಕೆ ಒಂದಿಷ್ಟು ಕಮರ್ಷಿಯಲ್ ಟಚ್ ಕೊಡುವುದು ಸಿನಿಮಾದಲ್ಲಿ ಕಾಮನ್ ಆದರೆ ಹೇಮಂತ್ ಇವರು ಲುಕ್ ಗಾಗಿ ಸಾಕಷ್ಟು ಶ್ರಮ ವಹಿಸಿದ್ದಾರೆ.
ವಿನಯ ಮತ್ತು ಇಂಚರಾ ಇಬ್ಬರ ಪಾತ್ರಧಾರಿಗಳ ಕಾಸ್ಟ್ಯೂಮ್ಸ್ ಗಳನ್ನ ಡಿಸೈನ್ ಮಾಡಿದ್ದು ಚಿತ್ರೀಕರಣಕ್ಕಾಗಿ 35 ವರ್ಷದ ಹಳೆಯ ಲೆನ್ಸ್ ಗಳನ್ನ ಬಳಸಲಾಗಿದ್ಯಂತೆ. ಸಿದ್ದಾರ್ಥ ಮಾಧ್ಯಮಿಕ ಮತ್ತು ಸಮನ್ವಿತಾ ಶೆಟ್ಟಿ ಕೂಡ ತಮ್ಮ ಪಾತ್ರಕ್ಕಾಗಿ ಸಾಕಷ್ಟು ತಯಾರಿಯನ್ನೂ ಮಾಡಿಕೊಂಡಿದ್ದಾರೆ.
ಸದ್ಯ 'ಕವಲುದಾರಿ' ಸಿನಿಮಾದ ಶೇಕಡ 60 ಭಾಗ ಚಿತ್ರೀಕರಣ ಮುಗಿದಿದ್ದು, 'ಟಗರು' ಸಿನಿಮಾ ಖ್ಯಾತಿಯ ಚರಣ್ ರಾಜ್ ಸಂಗೀತ ನಿರ್ದೇಶನ ಮಾಡುತ್ತಿದ್ದಾರೆ.