'ಮಹಾನಟಿ' ಕೀರ್ತಿ ಸುರೇಶ್‌ ಗೆ ಕನ್ನಡ ಈ ನಟರೊಂದಿಗೆ ನಟಿಸುವ ಆಸೆ

ಕನ್ನಡದ ಯಾವ ನಟರೊಂದಿಗೆ ನಟಿಸಲು ಇಷ್ಟ?

ಅಭಿಮಾನಿಗಳೊಂದಿಗೆ ಟ್ವಿಟ್ಟರ್‌ನಲ್ಲಿ ಪ್ರಶ್ನೋತ್ತರ ಸಂವಾದ ನಡೆಸಿದ ಕೀರ್ತಿ ಸುರೇಶ್‌ಗೆ, ಟೀನಿ ಸರಾ ಅನಿನ್ ಎಂಬುವರು, 'ತಮಿಳು, ತೆಲುಗು, ಮಲಯಾಳಂ ಸಿನಿಮಾರಂಗದಲ್ಲಿ ಹೆಸರು ಮಾಡಿದ್ದೀರಿ. ಕನ್ನಡ ಸಿನಿಮಾದಲ್ಲಿ ಯಾವಾಗ ನಟಿಸಲಿದ್ದೀರಿ? ಒಂದು ವೇಳೆ ನಟಿಸುವುದಾದರೆ, ಯಾವ ನಟ, ನಿರ್ದೇಶಕರೊಟ್ಟಿಗೆ ಕೆಲಸ ಮಾಡಲು ನಿಮಗೆ ಇಷ್ಟ? ಎಂದು ಪ್ರಶ್ನಿಸಿದ್ದಾರೆ.

ಕೀರ್ತಿಗೆ, ಪುನೀತ್, ಯಶ್ ಜೊತೆಗೆ ನಟಿಸುವ ಆಸೆ

ಇದಕ್ಕೆ ಪ್ರತಿಕ್ರಿಯಿಸಿರುವ ಕೀರ್ತಿ ಸುರೇಶ್, 'ಪುನೀತ್ ರಾಜ್‌ಕುಮಾರ್ ಹಾಗೂ ಯಶ್ ಅವರೊಟ್ಟಿಗೆ ಸಿನಿಮಾ ಮಾಡಲು ಇಷ್ಟ' ಎಂದು ಉತ್ತರಿಸಿದ್ದಾರೆ. ಕೀರ್ತಿ ಸುರೇಶ್ ಅವರ ಈ ಟ್ವಿಟ್ಟರ್ ಸಂದೇಶದ ಸ್ಕ್ರೀನ್ ಶಾಟ್‌ ಅನ್ನು, ಪುನೀತ್, ಯಶ್ ಅಭಿಮಾನಿಗಳ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಮಾಡಿದ್ದಾರೆ.

ರಾಜ್‌ಕುಮಾರ್ ಕುಟುಂಬದೊಂದಿಗೆ ಬಾಂಧವ್ಯ

ನಟಿ ಕೀರ್ತಿ ಸುರೇಶ್ ಕುಟುಂಬಕ್ಕೆ ಡಾ.ರಾಜ್‌ಕುಮಾರ್ ಅವರ ಕುಟುಂಬದೊಂದಿಗೆ ಆತ್ಮೀಯತೆ ಇದೆ. ಕೆಲವು ಸಮಯದ ಹಿಂದೆ, ಕೀರ್ತಿ ಸುರೇಶ್ ಅವರು ರಾಘವೇಂದ್ರ ರಾಜ್‌ಕುಮಾರ್ ಅವರ ಕುಟುಂಬಕ್ಕೆ ಭೇಟಿ ನೀಡಿದ್ದರು. ಆ ಚಿತ್ರ ಸಖತ್ ವೈರಲ್ ಆಗಿತ್ತು. ಕೀರ್ತಿ ಸುರೇಶ್ ತಾಯಿ ಮೇನಕಾ ರಾಜ್‌ಕುಮಾರ್ ಅವರ ಸಮಯದ ಗೊಂಬೆ ಸಿನಿಮಾದಲ್ಲಿ ನಟಿಸಿದ್ದಾರೆ.

ಹಲವು ಸಿನಿಮಾಗಳಲ್ಲಿ ಕೀರ್ತಿ ಸುರೇಶ್ ಬ್ಯುಸಿ

ಕೀರ್ತಿ ಸುರೇಶ್ ಅವರು ಮಲಯಾಳಂ ನ ಬಿಗ್ ಬಜೆಟ್ ಸಿನಿಮಾ ಮರಕ್ಕರ್ ನಲ್ಲಿ ನಟಿಸಿದ್ದು, ಬಿಡುಗಡೆಗೆ ಕಾಯುತ್ತಿದ್ದಾರೆ. ತೆಲುಗಿನಲ್ಲಿ ರಂಗ್‌ದೇ ಸಿನಿಮಾ ಮುಗಿಸಿದ್ದಾರೆ. ರಜನೀಕಾಂತ್ ನಟನೆಯ ಅನ್ನಾತೆ, ಗುಡ್ ಲಕ್ ಸಸಿ, ಮಹೇಶ್ ಬಾಬು ನಟನೆಯ ಸರ್ಕಾರು ವಾರಿ ಪಾಠ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.