'ಕೆಂಡಸಂಪಿಗೆ' ವಿಕ್ಕಿ ಜೊತೆ ರೊಮ್ಯಾನ್ಸ್ ಮಾಡಲಿದ್ದಾರೆ 'ಕಿರಿಕ್' ಹುಡುಗಿ!

'ಕೆಂಡಸಂಪಿಗೆ' ನಾಯಕ ವಿಕ್ಕಿ, 'ಅಲೆಮಾರಿ' ಖ್ಯಾತಿಯ ನಿರ್ದೇಶಕ ಸಂತು ಜೊತೆ ತಮ್ಮ ಎರಡನೇ ಸಿನಿಮಾ ಮಾಡುತ್ತಿದ್ದಾರೆ ಎನ್ನುವುದು ಗೊತ್ತಿರುವ ವಿಚಾರ. ಇದೀಗ ಈ ಚಿತ್ರಕ್ಕೆ ಶೀರ್ಷಿಕೆ ಮತ್ತು ನಾಯಕಿ ಎರಡು ಅಂತಿಮವಾಗಿದೆ.

ವಿಕ್ಕಿ ಮತ್ತು ಸಂತು ಕಾಂಬಿನೇಷನ್ ನ ಈ ಚಿತ್ರಕ್ಕೆ 'ಕಾಲೇಜ್ ಕುಮಾರ' ಎಂದು ಟೈಟಲ್ ಇಡಲಾಗಿದೆ. ಇದೊಂದು ಯೂತ್ ಪುಲ್ ಸಿನಿಮಾವಾಗಿದ್ದು, ಕಂಪ್ಲೀಟ್ ಮನರಂಜನೆಯಿಂದ ಕೂಡಿದೆಯಂತೆ.[ಪಕ್ಕಾ ಆಯ್ತು 'ಕೆಂಡಸಂಪಿಗೆ' ನಾಯಕನ 2ನೇ ಚಿತ್ರ]

ಇನ್ನು 'ಕಾಲೇಜ್ ಕುಮಾರ'ನ ಜೊತೆ ಡ್ಯುಯೆಟ್ ಹಾಡಲಿರುವ ನಾಯಕಿ ಕೂಡ ಅಂತಿಮವಾಗಿದ್ದು, 'ಕಿರಿಕ್ ಪಾರ್ಟಿ' ಖ್ಯಾತಿಯ ಸಂಯುಕ್ತ ಹೆಗಡೆ ವಿಕ್ಕಿಗೆ ಜೊತೆಯಾಗಿದ್ದಾರೆ.['ಕೆಂಡಸಂಪಿಗೆ' ನಾಯಕನ ಹೊಸ ಚಿತ್ರಕ್ಕೆ ಡೈರೆಕ್ಟರ್ ಯಾರು ಗೊತ್ತಾ?]

ಅಂದ್ಹಾಗೆ, ಈ ಚಿತ್ರವನ್ನ ಎಂ.ಆರ್ ಫಿಕ್ಚರ್ಸ್ ಬ್ಯಾನರ್ ಅಡಿಯಲ್ಲಿ, ಶ್ರೀ ಪದ್ಮನಾಭ್ ಅವರು ನಿರ್ಮಾಣ ಮಾಡುತ್ತಿದ್ದು, ಆದಷ್ಟೂ ಬೇಗ ಶೂಟಿಂಗ್ ಶುರು ಮಾಡಲಿದ್ದಾರಂತೆ.