ಕನ್ನಡ ಸಿನಿಮಾಕ್ಕಾಗಿ ದೇಶವೇ ಕಾಯುತ್ತಿದೆ: ಕುತೂಹಲ ಪ್ರಕಟಿಸಿರುವ ರಾಜ್ಯಗಳ ಪಟ್ಟಿ

ಕೆಜಿಎಫ್ 2 ಬಗ್ಗೆ ಅತಿಯಾಗಿ ಹುಡುಕಿದ ರಾಜ್ಯ ಯಾವುದು?

ಕೆಜಿಎಫ್ 2 ಸಿನಿಮಾದ ಬಗ್ಗೆ ಕೇರಳ ರಾಜ್ಯದ ಜನ ಅಂತರ್ಜಾಲದಲ್ಲಿ ಅತಿಯಾಗಿ ಮಾಹಿತಿ ಹುಡುಕಾಟ ನಡೆಸಿದ್ದಾರೆ. ಕೆಜಿಎಫ್ ಮೊದಲ ಸಿನಿಮಾ ಸಹ ಮಲೆಯಾಳಂ ಭಾಷೆಯಲ್ಲಿ ಬಿಡುಗಡೆ ಆಗಿ ಭಾರಿ ಹಿಟ್ ಆಗಿತ್ತು. ಹಾಗಾಗಿಯೇ ಕೇರಳದ ಜನರಿಗೆ ಸಿನಿಮಾದ ಬಗ್ಗೆ ಕುತೂಹಲ ಹೆಚ್ಚಿದೆ.

ಕೇರಳದ ನಂತರದ ಸ್ಥಾನ ಯಾವ ರಾಜ್ಯಕ್ಕೆ?

ಕೇರಳದ ನಂತರದ ಸ್ಥಾನ, ಕ್ರಮವಾಗಿ ಆಂಧ್ರಪ್ರದೇಶ ಮತ್ತು ತಮಿಳುನಾಡು ರಾಜ್ಯಗಳಿಗೆ ಸಲ್ಲಿಕೆಯಾಗುತ್ತಿದೆ. ನೆರೆಯ ಆಂಧ್ರಪ್ರದೇಶ ಮತ್ತು ತಮಿಳುನಾಡು ರಾಜ್ಯಗಳಲ್ಲಿ ಕೆಜಿಎಫ್‌ 2 ಬಗ್ಗೆ ಅತಿಯಾದ ಹುಡುಕಾಟ ನಡೆದಿದೆಯಂತೆ. ತೆಲುಗು-ತಮಿಳು ಭಾಷೆಗಳಲ್ಲೂ ಸಿನಿಮಾ ಬಿಡುಗಡೆ ಆಗಿತ್ತು.

ನೆರೆ ಅಲ್ಲದ ರಾಜ್ಯಗಳಲ್ಲೂ ಕೆಜಿಎಫ್ ಹವಾ

ಕರ್ನಾಟಕ ನೆರೆಯ ರಾಜ್ಯಗಳಲ್ಲದ ರಾಜ್ಯಗಳಲ್ಲೂ ಕೆಜಿಎಫ್ ಹವಾ ಜೋರಾಗಿದೆ. ಪಂಜಾಬ್, ಒರಿಸ್ಸಾ, ಗುಜರಾತ್, ತೆಲಂಗಾಣ, ಪಶ್ಚಿಮ ಬಂಗಾಳ ರಾಜ್ಯಗಳಲ್ಲೂ ಸಹ ಕೆಜಿಎಫ್‌ 2 ಗಾಗಿ ಜನ ಅಂತರ್ಜಾಲದಲ್ಲಿ ಹುಡುಕಾಟ ನಡೆಸಿದ್ದಾರೆ.

ಹಿಂದಿ ಪ್ರಾಬಲ್ಯದ ರಾಜ್ಯಗಳಲ್ಲಿ ಕೆಜಿಎಫ್‌ 2 ಬಗ್ಗೆ ಆಸಕ್ತಿ

ಹಿಂದಿ ಪ್ರಾಬಲ್ಯದ ಮಹಾರಾಷ್ಟ್ರ, ದೆಹಲಿ, ಪಂಜಾಬ್ ರಾಜ್ಯಗಳಲ್ಲೂ ಸಹ ಕೆಜಿಎಫ್‌ ಅಭಿಮಾನಿಗಳಿದ್ದು, ಆ ರಾಜ್ಯಗಳಲ್ಲೂ ಸಹ ಕೆಜಿಎಫ್ ಸಿನಿಮಾ ಮಾಹಿತಿಗಾಗಿ ಹುಡುಕಾಡಿದ್ದಾರೆ.

ಪಟ್ಟಿಯಲ್ಲಿ ಕರ್ನಾಟಕ ಎಷ್ಟನೇ ಸ್ಥಾನದಲ್ಲಿದೆ?

ಕೆಜಿಎಫ್ 2 ಸಿನಿಮಾದ ಮಾಹಿತಿಗಾಗಿ ಅತಿಯಾಗಿ ಹುಡುಕಾಟ ನಡೆಸಿದ ರಾಜ್ಯಗಳ ಪಟ್ಟಿಯಲ್ಲಿ ಕರ್ನಾಟಕ 11 ನೇ ಸ್ಥಾನದಲ್ಲಿದೆ. ಕರ್ನಾಟಕಕ್ಕೆ ಕೆಜಿಎಫ್ 2 ಬಗ್ಗೆ ಆಸಕ್ತಿ ಕಡಿಮೆಯೇ ಅಥವಾ ಇತರೆ ರಾಜ್ಯಗಳಿಗೆ ಅತಿಯಾದ ಆಸಕ್ತಿಯೇ ಎಂಬ ಅನುಮಾನ ಈ ಪಟ್ಟಿ ಮೂಡಿಸುತ್ತಿದೆ.

ದೇಶವೇ ಕಾಯುತ್ತಿದೆ ಕನ್ನಡ ಸಿನಿಮಾಕ್ಕೆ

ಆದರೆ ಕನ್ನಡದ ಸಿನಿಮಾ ಒಂದು ದೇಶದ ಬೇರೆ-ಬೇರೆ ರಾಜ್ಯಗಳಲ್ಲಿ ಈ ಮಟ್ಟದ ಕ್ರೇಜ್ ಹುಟ್ಟಿಸಿರುವುದು ಬಹುಶಃ ಇದೇ ಮೊದಲು. ಕನ್ನಡದ ಸಿನಿಮಾಕ್ಕಾಗಿ ದೇಶವೇ ಕಾಯುತ್ತಿರುವುದು ಹೆಮ್ಮೆಯ ಅನುಭವ.