ಫಿಲಂ ಚೇಂಬರ್ ಚುನಾವಣೆ ಕಂಪ್ಲೀಟ್ ಡೀಟೇಲ್ಸ್

ಫಿಲಂ ಚೇಂಬರ್‌ನ ಒಟ್ಟು 1,292 (659 ನಿರ್ಮಾಪಕರು, 360 ವಿತರಕರು, 273 ಪ್ರದರ್ಶನಕರು) ಮಂದಿ ಸದಸ್ಯರು ಮತದಾನ ಮಾಡುವ ಮೂಲಕ ಅಧ್ಯಕ್ಷ ಹಾಗೂ ಪದಾಧಿಕಾರಿಗಳನ್ನು ಆಯ್ಕೆ ಮಾಡಲಿದ್ದಾರೆ.

ಫಿಲಂ ಚೇಂಬರ್‌ನ ಮೂರು ವಿಭಾಗಗಳಲ್ಲಿ (ನಿರ್ಮಾಪಕರು, ವಿತರಕರು ಹಾಗೂ ಪ್ರದರ್ಶಕರು) ಸರದಿ ಪ್ರಕಾರ ಒಂದು ವಿಭಾಗದ ನಡುವೆ ಸ್ಪರ್ಧೆ ನಡೆಯುತ್ತಿತ್ತು. ಈ ಬಾರಿ ನಿರ್ಮಾಪಕರ ಸಂಘಕ್ಕೆ ಚಾನ್ಸ್ ಸಿಕ್ಕಿದೆ.

ಚಲನಚಿತ್ರ ನಿರ್ಮಾಪಕರ ವಲಯದಿಂದ ಬಿ ವಿಜಯಕುಮಾರ್, ಬಿ.ಎನ್. ಗಂಗಾಧರ್ ಹಾಗೂ ಎಸ್. ವಿ. ರಾಜೇಂದ್ರ ಸಿಂಗ್ ಬಾಬು ಚುನಾವಣಾ ಕಣಕ್ಕಿಳಿದಿದ್ದಾರೆ. ವಿಜಯಕುಮಾರ್ ಅವರು ಸಾಹಸಸಿಂಹ ಡಾ.ವಿಷ್ಣುವರ್ಧನ್ ಅವರ 'ಸಿಂಹಾದ್ರಿಯ ಸಿಂಹ' ಚಿತ್ರದ ನಿರ್ಮಾಪಕರು.

ಸಕ್ರಿಯ ರಾಜಕಾರಣದಲ್ಲಿರುವ ಇವರು ಸಿಲ್ಕ್ ಬೋರ್ಡ್ ಅಧ್ಯಕ್ಷರೂ ಆಗಿದ್ದಾರೆ. ಇದಿಷ್ಟೇ ಅಲ್ಲದೆ ಕರ್ನಾಟಕದ ಮಾಜಿ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಅವರ ಕಟ್ಟಾ ಬೆಂಬಲಿಗರು.