KGF 2 First Day First Show Timing: ಬೆಂಗಳೂರಲ್ಲಿ 12 ಶೋ, ಮುಂಬೈ, ದೆಹಲಿಯಲ್ಲಿ ಮುಂಜಾನೆ ಶೋ ಫಿಕ್ಸ್!

Recommended Video

KGF ಬಗ್ಗೆ ಪುನೀತ್ ಹೇಳಿದ್ದು ಏನು, ವೀಡಿಯೊ ವೈರಲ್ ಆಗ್ತಿರೋದು ಯಾಕೆ | KGF 2 | Yash | Puneeth Rajkumar

ದೇಶಾದ್ಯಂತ ಮುಂಜಾನೆಯೇ ಶೋಗಳು ಆರಂಭ!

'ಕೆಜಿಎಫ್ 2' ಚಿತ್ರದ ಹವಾ ಯಾವ ಮಟ್ಟಿಗೆ ಇದೆ ಎಂದರೆ, ಚಿತ್ರ ಬೆಳ್ಳಂಬೆಳಗ್ಗೆಯೇ ಸೂರ್ಯ ಹುಟ್ಟೋಕು ಮುನ್ನವೇ ತೆರೆಗೆ ಅಪ್ಪಳಿಸಲಿದೆ. ಚಿತ್ರದ ಬಗ್ಗೆ ಇರುವ ಕ್ರೇಜ್ ನೋಡಿ ಮೊದಲ ದಿನ ಹೆಚ್ಚುವರಿ ಶೋಗಳನ್ನು ಆಯೋಜಿಸಲು ಚಿತ್ರತಂಡ, ಪ್ರದರ್ಶಕರು ಯೋಜನೆ ರೂಪಿಸಿದ್ದಾರೆ. ಹಾಗಾಂತ ಬೆಂಗಳೂರು ಅಥವಾ ಕರ್ನಾಟಕದಲ್ಲಿ ಮಾತ್ರ 'ಕೆಜಿಎಫ್ 2' ಮುಂಜಾನೆ ರಿಲೀಸ್ ಆಗುತ್ತಿಲ್ಲ. ಇಡೀ ದೇಶಾದ್ಯಂತ ಚಿತ್ರ ಬೆಳಗ್ಗೆಯೇ ರಿಲೀಸ್ ಆಗುತ್ತಿದೆ.

Yash Next Movie: ಕೆಜಿಎಫ್ ಆಯ್ತು, ಯಶ್ ಮುಂದಿನ ನಡೆ ಏನು? ಯಾವ ಚಿತ್ರ? ಯಾವ ನಿರ್ದೇಶಕ?

ಬೆಂಗಳೂರಿನಲ್ಲಿ 12am ಶೋಗಳು!

ಬೆಂಗಳೂರಿನಲ್ಲಿ ಈಗಲೇ 'ಕೆಜಿಎಫ್ 2' ಚಿತ್ರದ ಬಗ್ಗೆ ಇರುವ ಕ್ರೇಜ್ ಮುಗಿಲು ಮುಟ್ಟಿದೆ. ಇಲ್ಲಿ ಯಶ್ ಮತ್ತು ಕೆಜಿಎಫ್‌ಗೆ ಹೆಚ್ಚಿನ ಅಭಿಮಾನಿಗಳು ಇದ್ದಾರೆ. ಹಾಗಾಗಿ ಬೆಂಗಳೂರಿನಲ್ಲಿ ಮಧ್ಯರಾತ್ರಿಯಿಂದಲೇ 'ಕೆಜಿಎಫ್ 2' ಅಬ್ಬರ ಶುರುವಾಗಲಿದೆ. ಬೆಂಗಳೂರಿನ ಅನೇಕ ಚಿತ್ರಮಂದಿರಗಳಲ್ಲಿ ಮಧ್ಯರಾತ್ರಿ 12 ಗಂಟೆಯ ಶೋಗಳು ಪ್ರದರ್ಶನಗೊಳ್ಳಲಿವೆ. ಇನ್ನು ಚಿತ್ರಮಂದಿರಗಳ ಲಿಸ್ಟ್ ಬಹಿರಂಗವಾಗಬೇಕು ಅಷ್ಟೇ.

ತಮಿಳುನಾಡಿನಲ್ಲಿ ಬೆಳಗ್ಗೆ 4 ಗಂಟೆಗೆ ಪ್ರದರ್ಶನ!

ತಮಿಳುನಾಡಿನಲ್ಲೂ ಕೂಡ 'ಕೆಜಿಎಫ್ 2' ಚಿತ್ರದ ಹವಾ ಬಲು ಜೋರಾಗಿದೆ. ಚಿತ್ರಕ್ಕೆ ಹೆಚ್ಚಿನ ಬೇಡಿಕೆ ಇರುವ ಕಾರಣ, ಮುಂಜಾನೆ ಶೋಗಳನ್ನು ಆಯೋಜಿಸಲಾಗಿದೆ. ತಮಿಳುನಾಡಿನಲ್ಲಿ ಮುಂಜಾನೆ 4 ಗಂಟೆಗೆ 'ಕೆಜಿಎಫ್ 2' ಪ್ರದರ್ಶನ ಶುರುವಾಗಲಿದೆ. ಇನ್ನು ಕೇರಳದಲ್ಲೂ ಕೂಡ ಬೆಳಗ್ಗೆ 4 ಗಂಟೆಯ ಶೋ ಶುರುವಾಗಲಿವೆ. ಅಲ್ಲಿನ ಯಶ್ ಫ್ಯಾನ್ಸ್ ಅದಾಗಲೇ ಬೆಳಗ್ಗಿನ ಶೊ ನೋಡಲು ಕಿಟೆಕ್ ಖರೀದಿ ಮಾಡಿ, ಸೋಶಿಯಲ್ ಮೀಡಿಯಾದಲ್ಲಿ ಫೋಟೊ ಹಂಚಿಕೊಳ್ಳುತ್ತಾ ಇದ್ದಾರೆ.

KGF 2 advance booking report: ಹಿಂದಿಯಲ್ಲಿ KGF 2 ಸಾಲು, ಸಾಲು ದಾಖಲೆ, RRR ರೆಕಾರ್ಡ್ ಪುಡಿ, ಪುಡಿ!

ಮುಂಬೈ, ದೆಹಲಿ, ಕೊಲ್ಕತ್ತಾದಲ್ಲಿ ಬೆಳಗ್ಗೆಯೇ ಶೋ ಶುರು!

ಕರ್ನಾಟಕ, ತಮಿಳು ನಾಡು, ಕೇರಳ ಮಾತ್ರ ಅಲ್ಲ, ಮುಂಬೈ, ದೆಹಲಿ, ಕೊಲ್ಕತ್ತಾದಲ್ಲಿಯೂ ಮುಂಜಾನೆಯ ಶೋಗಳು ಆರಂಭ ಆಗುತ್ತಿವೆ. ಮುಂಬೈನಲ್ಲಿ ಹೇಳಿ, ಕೇಳಿ 'ಕೆಜಿಎಫ್ 2' ಚಿತ್ರಕ್ಕೆ ಭಾರಿ ಬೇಡಿಕೆ ಇದೆ. ಅಲ್ಲಿ ಬೆಳಗ್ಗೆ 6 ಗಂಟೆಯಿಂದ ಶೋ ಶುರುವಾಗಲಿದೆ. ಇನ್ನು ದೆಹಲಿಯಲ್ಲೂ ಕೂಡ ಬೆಳಗ್ಗೆ 6 ಗಂಟೆಗೆ ಶೋ ಶುರುವಾಗಲಿದೆ. ಕೊಲ್ಕತ್ತಾದಲ್ಲಿ ಬೆಳಗ್ಗೆ 7 ಗಂಟೆಯಿಂದ ಶೋ ಆರಂಭ ಆಗಲಿದೆ.