ದಕ್ಷಿಣ ಕೊರಿಯಾದಲ್ಲಿ 'ಕೆಜಿಎಫ್ 2' ಕ್ರೇಜ್: ಕೊರಿಯಾ ಬಾಕ್ಸಾಫೀಸ್‌ನಲ್ಲೂ ರಾಕಿ ರೆಕಾರ್ಡ್!

ಸೌತ್ ಕೊರಿಯಾದಲ್ಲಿ ಕನ್ನಡ ಸಿನಿಮಾ 'ಕೆಜಿಎಫ್ 2' ಕ್ರೇಜ್!

'ಕೆಜಿಎಫ್ 2' ಚಿತ್ರದ ಹವಾ ವಿಶ್ವದಾದ್ಯಂತ ಪಸರಿಸಿದೆ. ಸದ್ಯ 'ಕೆಜಿಎಫ್ 2' ಕ್ರೇಜ್ ದಕ್ಷಿಣ ಕೊರಿಯಾದ ತನಕ ತಲುಪಿದೆ. ದಕ್ಷಿಣ ಕೊರಿಯಾದಲ್ಲಿ ತೆರೆಕಾಣುತ್ತಿರುವ ಮೊದಲ ಕನ್ನಡ ಸಿನಿಮಾ ಎನ್ನುವ ಕೀರ್ತಿಗೆ ಪಾತ್ರವಾಗಿದೆ 'ಕೆಜಿಎಫ್ 2'. ವರದಿಗಳ ಪ್ರಕಾರ ಸೌತ್ ಕೊರೊಯಾದಲ್ಲೂ 'ಕೆಜಿಎಫ್ 2' ಭರ್ಜರಿಯಾಗಿ ಪ್ರದರ್ಶನ ಕಾಣುತ್ತಿದೆ. ಜೊತೆಗೆ ಸಿನಿಮಾದ ಬಗ್ಗೆ ಜನರಲ್ಲಿ ಹೆಚ್ಚಿನ ಕ್ರೇಜ್ ಮೂಡಿದೆ.

ದಕ್ಷಿಣ ಕೊರಿಯಾದ ಫ್ಯಾನ್ಸ್ 'ಕೆಜಿಎಫ್ 2' ಮೆಚ್ಚುಗೆ!

ದಕ್ಷಿಣ ಕೊರಿಯಾದಲ್ಲಿ ಕೆಜಿಎಫ್ 2 ಚಿತ್ರದ ಶೋಗಳನ್ನು ನಿಯಮಿತವಾಗಿ ಪ್ರದರ್ಶನ ಮಾಡಲಾಗಿದೆ. ಜೊತೆಗೆ ಹೆಚ್ಚಿನ ಭಾಷೆಯಲ್ಲಿ ಸಿನಿಮಾ ರಿಲೀಸ್ ಆಗಿಲ್ಲ. ಆದರೂ ಕೂಡ ಅಲ್ಲಿನ ಪ್ರೇಕ್ಷಕರನ್ನು 'ಕೆಜಿಎಫ್ 2' ಸೆಳೆದಿದೆಯಂತೆ. ಅಲ್ಲಿನ ಅಭಿಮಾನಿಯೊಬ್ಬರು, 'ಕೆಜಿಎಫ್ ಚಾಪ್ಟರ್: 2' ಪ್ರದರ್ಶನ ಸೀಮಿತವಾಗಿದ್ದರೂ, ಹೆಚ್ಚಿನ ಭಾಷೆಗಳಲ್ಲಿ ರಿಲೀಸ್ ಆಗದೇ ಇದ್ದರೂ, ಕೊರಿಯಾದಲ್ಲಿ ಭಾರಿ ಯಶಸ್ಸನ್ನು ಕಂಡಿದೆ. ಸಿನಿಮಾದ ಭಾವನಾತ್ಮಕ ಪರಿಣಾಮ ಇದೆ" ಎಂದು ಸಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.

ಸೌತ್ ಕೊರಿಯಾದಲ್ಲಿ ರಾಕಿ ಭಾಯ್ ಹವಾ!

ಕೊರಿಯಾದಲ್ಲಿ 'ಕೆಜಿಎಫ್ 2' ಚಿತ್ರದಲ್ಲಿ ರಾಕಿಭಾಯ್‌ ಅನ್ನು ತೆರೆಯ ಮೇಲೆ ನೋಡಿದ ಜನ ಮೆಚ್ಚಿ ಕೊಂಡಾಡುತ್ತಿದ್ದಾರೆ. ಸದ್ಯ ಉತ್ತರ ಕೊರಿಯಾದಲ್ಲೂ ಕನ್ನಡದ ನಟ ಯಶ್‌ಗೆ ಅಭಿಮಾನಿಗಳು ಹುಟ್ಟಿಕೊಂಡಿದ್ದಾರೆ. ಇನ್ನು ಇತ್ತೀಚೆಗೆ 'ಕೆಜಿಎಫ್ 2' ಅತಿ ಹೆಚ್ಚು ಗಳಿಕೆ ಕಂಡ ಭಾರತೀಯ 3ನೇ ಸಿನಿಮಾ ಆಗಿದೆ. RRR ಚಿತ್ರದ ದಾಖಲೆಯನ್ನು ಮುರಿದು ಬಿಟ್ಟಿದೆ. ಹಿಂದಿಯಲ್ಲಿ 'ಕೆಜಿಎಫ್ 2' 400 ಕೋಟಿ ರೂ ಗಳಿಕೆ ಕಂಡಿದೆ.

ಮುಂದುವರೆದ ಕೆಜಿಎಫ್ 2 ಬಾಕ್ಸಾಫೀಸ್ ಬೇಟೆ!

ಕನ್ನಡದ ಪ್ಯಾನ್ ಇಂಡಿಯಾ ಸಿನಿಮಾ 'ಕೆಜಿಎಫ್ 2' ವಿಶ್ವದಾದ್ಯಂತ ಹಲ್‌ಚಲ್ ಎಬ್ಬಿಸಿತ್ತು. ಕಳೆದ 29 ದಿನಗಳಲ್ಲಿ 'ಕೆಜಿಎಫ್ 2' ಗಳಿಕೆಯಲ್ಲಿ ಹಿಂದೆ ಬಿದ್ದಿಲ್ಲ. ದಿನದಿಂದ ದಿನಕ್ಕೆ ಗಳಿಕೆಯಲ್ಲಿ ಕೊಂಚ ಕಮ್ಮಿಯಾಗಿದ್ದರೂ, ಅದು ಬೇರೆ ಸಿನಿಮಾಗಳಿಗೆ ಹೋಲಿಸಿದರೆ ಉತ್ತಮ ಗಳಿಕೆ ಎಂದೇ ಹೇಳಬಹುದು. ಈ 29 ದಿನಗಳಲ್ಲಿ ಸಿನಿಮಾದ ಒಟ್ಟು ಗಳಿಕೆ 1175.63 ಕೋಟಿ ಗಳಿಸಿದೆ. ಈ 29 ದಿನಗಳಲ್ಲಿ 'ಕೆಜಿಎಫ್ 2' ಗಳಿಕೆ ಹೀಗಿದೆ.