'KGF-2' ಸಂಜಯ್ ದತ್ ಲುಕ್ ಸೋರಿಕೆ: ಹೇಗಿದ್ದಾನೆ ಅಧೀರ ನೋಡಿ

ಕುತೂಹಲ ಮೂಡಿಸಿದ ಅಧೀರ

ಕೆಜಿಎಫ್-2 ನಲ್ಲಿ ಕುತೂಹಲ ಮೂಡಿಸಿದ ಪಾತ್ರಗಳಲ್ಲಿ ಅಧೀರ ಪಾತ್ರ ಕೂಡ ಒಂದು. ಖಡಕ್ ವಿಲನ್ ಆಗಿ ಯಶ್ ಮುಂದೆ ತೊಡೆತಟ್ಟಿನಿಂತಿರುವ ಸಂಜಯ್ ದತ್ ನೋಡಲು ಅಭಿಮಾನಿಗಳು ಕಾತರರಾಗಿದ್ದಾರೆ. ಈ ಮೊದಲು ಸಂಜಯ್ ದತ್ ಹೇಳಿದ ಹಾಗೆ "ಅಧೀರ ನೀವು ಅಂದುಕೊಂಡ ಹಾಗೆ ಭಯಂಕರವಾದ ವ್ಯಕ್ತಿ ಅಲ್ಲ, ಅತೀ ಭಯಂಕರ ವ್ಯಕ್ತಿ" ಎಂದಿದ್ದರು. ಹಾಗಾಗಿ ಹೇಗಿರಲಿದ್ದಾನೆ ಅಧೀರ ಎನ್ನುವ ಕುತೂಹಲ ಮತ್ತಷ್ಟು ಹೆಚ್ಚಾಗಿದೆ.

'ಅಧೀರ' ತುಂಬ ಭಯಂಕರವಾದ ವ್ಯಕ್ತಿ: ಸಂಜಯ್ ದತ್

ಅತೀ ಭಯಂಕರ ಅಧೀರ ಲುಕ್ ಹೀಗಿದೆ

ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಅಧೀರ ಲುಕ್ ವೈರಲ್ ಆಗಿದೆ. ಸಂಜಯ್ ದತ್ ಗೆಟಪ್ ನೋಡಿ ಇದು ಪಕ್ಕಾ ಕೆಜಿಎಫ್-2 ಸಿನಿಮಾದ ಲುಕ್ ಎಂದು ಹೇಳುತ್ತಿದ್ದಾರೆ. ಉದ್ದವಾದ ವಿಚಿತ್ರ ಕೂದಲು ಜೊತೆಗೆ ತಲೆಯಲ್ಲಿ ಟ್ಯಾಟೂ, ಹಣ್ಣಾದ ಉದ್ದನೆಯ ದಾಡಿ ಬಿಟ್ಟಿರುವ ಅಧೀರನ ಭಯಾನಕ ನೋಟ ಎದುರಾಳಿಯನ್ನು ಬೆಚ್ಚಿಬೀಳಿಸುವಂತಿದೆ. ಈ ಫೋಟೋ ಈಗ ಎಲ್ಲಾ ಕಡೆ ಹರಿದಾಡುತ್ತಿದೆ.

'KGF-2' ಹಾಡುಗಳ ಬಗ್ಗೆ ತೆಲುಗಿನ ಖ್ಯಾತ ಚಿತ್ರಸಾಹಿತಿ ಹೇಳಿದ್ದೇನು?

ನಿಜಕ್ಕೂ ಅಧೀರನಾ ಎನ್ನುವ ಅನುಮಾನವಿದೆ

ಈ ಫೋಟೋ ಈಗಾಗಲೆ ವೈರಲ್ ಆಗಿದೆ. ಅನೇಕರು ಇದು ಪಕ್ಕಾ ಕೆಜಿಎಫ್-2 ಚಿತ್ರದ ಅಧೀರ ಲುಕ್ ಎಂದು ಹೇಳುತ್ತಿದ್ದಾರೆ. ಆದರೆ ಈ ಬಗ್ಗೆ ಇನ್ನು ಅನುಮಾನ ಸಹ ವ್ಯಕ್ತವಾಗುತ್ತಿದೆ. ಸಿನಿಮಾದ ಯಾವುದೆ ಲುಕ್ ಅಥವಾ ಚಿತ್ರೀಕರಣದ ಫೋಟೋಗಳು ಹೊರಬರಬಾರದು ಎಂದು ಚಿತ್ರತಂಡ ಸಾಕಷ್ಟು ಎಚ್ಚರಿಕೆ ವಹಿಸಿದೆ. ಚಿತ್ರೀಕರಣ ಸಮಯದಲ್ಲಿ, ಅಥವಾ ಎಡಿಟಿಂಗ್ ಸಮಯದಲ್ಲಿ ಎಷ್ಟೇ ಕಟ್ಟುನಿಟ್ಟಿನ ಕ್ರಮ ತೆಗೆದುಕೊಂಡರೂ ಸಹ ಚಿತ್ರದ ಪ್ರಮುಖ ಫೋಟೋ ಲೀಕ್ ಆಗಿರುವುದು ಚಿತ್ರತಂಡಕ್ಕೆ ದೊಡ್ಡ ತಲೆನೋವಾಗಿದೆ.

'KGF-2' ಅಪ್ ಡೇಟ್: ಲಾಕ್ ಡೌನ್ ನಡುವೆಯೂ ನಡೆಯುತ್ತಿದೆ ಮ್ಯೂಸಿಕ್ ಸೆಷನ್

ಅಧೀರ ಪಾತ್ರದ ಬಗ್ಗೆ ಸಂಜಯ್ ದತ್ ಮಾತು

ಈ ಮೊದಲು ಸಂದರ್ಶವೊಂದರಲ್ಲಿ ಸಂಜಯ್ ದತ್ "ಅಗ್ನಿಪತ್ ಚಿತ್ರದ ನಂತರ ನೆಗೆಟಿವ್ ಪಾತ್ರದಲ್ಲಿ ಕಾಣಿಸಿಕೊಂಡಿರಲಿಲ್ಲ. ಉತ್ತಮ ವಿಲನ್ ಪಾತ್ರಕ್ಕಾಗಿ ಕಾಯುತ್ತಿದ್ದೆ. ಈ ಸಮಯದಲ್ಲಿ ಕೆಜಿಎಫ್-2 ಸಿಕ್ಕಿತ್ತು. ಅಗ್ನಿಪತ್ ಚಿತ್ರದಲ್ಲಿನ ಪಾತ್ರಕ್ಕಿಂತನೂ ಅಧೀರನ ಪಾತ್ರ ಮತ್ತಷ್ಟು ಭಯಾನಕವಾಗಿರಲಿದೆ ಎನಿಸುತ್ತೆ" ಎಂದು ಅಧೀರ ಪಾತ್ರದ ಬಗ್ಗೆ ಹೇಳಿದ್ದರು.

ಅಕ್ಟೋಬರ್ 23ಕ್ಕೆ ಸಿನಿಮಾ ರಿಲೀಸ್

ಇಡೀ ಭಾರತೀಯ ಚಿತ್ರರಂಗ ಕಾತರದಿಂದ ಕಾಯುತ್ತಿರುವ ಕೆಜಿಎಫ್-2 ಸಿನಿಮಾ ಇದೆ ವರ್ಷ ಅಕ್ಟೋಬರ್ 23ಕ್ಕೆ ರಿಲೀಸ್ ಆಗುತ್ತಿದೆ. ಕೊರೊನಾ ಲಾಕ್ ಡೌನ್ ನಿಂದ ಸಿನಿಮಾ ರಿಲೀಸ್ ಮುಂದಕ್ಕೆ ಹೋಗಲಿದೆ ಎಂದು ಹೇಳಲಾಗುತ್ತಿತ್ತು. ಆದರೆ ಇನ್ನೂ 25 ದಿನಗಳ ಮಾತ್ರ ಚಿತ್ರೀಕರಣ ಬಾಕಿ ಇರುವ ಕಾರಣ, ಲಾಕ್ ಡೌನ್ ಮುಗಿಯುತ್ತಿದ್ದಂತೆ ಚಿತ್ರೀಕರಣ ಮಾಡಿ ಮುಗಿಸಿ ಅಂದುಕೊಂಡ ದಿನಕ್ಕೆ ಚಿತ್ರಮಂದಿರಕ್ಕೆ ಬರಲಿದೆ ಎಂದು ಹೇಳಲಾಗುತ್ತಿದೆ.