RRR ದಾಖಲೆ ಮುರಿದ 'ಕೆಜಿಎಫ್ 2', ಕೊಟ್ಟ ಮಾತಿನಂತೆ ದಾಖಲೆ ಬರೆದ ಯಶ್

'RRR' ದಾಖಲೆಯನ್ನು ಮುರಿದ 'ಕೆಜಿಎಫ್ 2'

'RRR' ಸಿನಿಮಾದ ಒಂದು ದಾಖಲೆಯನ್ನು ಅನಾಯಾಸವಾಗಿ ಮುರಿದಿರುವ 'ಕೆಜಿಎಫ್ 2' ಗಳಿಕೆಯಲ್ಲಿಯೂ 'RRR' ದಾಖಲೆಯನ್ನು ಮುರಿಯುವ ಮುನ್ಸೂಚನೆ ನೀಡಿದೆ. 'RRR' ಸಿನಿಮಾ ಉತ್ತರ ಭಾರತದಲ್ಲಿ ಭಾರಿ ಯಶಸ್ವಿಯಾಗಿತ್ತು. ಸಿನಿಮಾ ಬಿಡುಗಡೆ ಆಗುವ ಕೆಲವು ದಿನಗಳ ಮುಂಚೆಯೇ ಸಿನಿಮಾದ ಟಿಕೆಟ್‌ ಬುಕಿಂಗ್ ಆಗಿದ್ದವು. ಅತಿ ಹೆಚ್ಚು ಅಡ್ವಾನ್ಸ್ ಬುಕಿಂಗ್ ಆಗಿದ್ದ ಸಿನಿಮಾ ಎನಿಸಿಕೊಂಡಿತ್ತು 'RRR'. ಆದರೆ ಈ ದಾಖಲೆಯನ್ನು 'ಕೆಜಿಎಫ್ 2' ಮುರಿದು ಹಾಕಿದೆ.

ಇನ್ನೂ ಹೆಚ್ಚಿನ ಟಿಕೆಟ್‌ಗಳು ಮಾರಾಟವಾಗಲಿವೆ

'RRR' ಸಿನಿಮಾದ ಒಟ್ಟು ಅಡ್ವಾನ್ಸ್ ಬುಕಿಂಗ್ಸ್ ದಾಖಲೆಯನ್ನು 'ಕೆಜಿಎಫ್ 2 ಕೇವಲ ಎರಡೇ ದಿನದಲ್ಲಿ ನುಂಗಿ ಹಾಕಿದೆ. 'RRR' ಸಿನಿಮಾ ಬಿಡುಗಡೆ ಆಗುವ ಐದು ದಿನದ ಮುನ್ನಾ ಟಿಕೆಟ್ ಬುಕಿಂಗ್ ಪ್ರಾರಂಭವಾಗಿತ್ತು. ಮುಂಬೈನಲ್ಲಿ ಐದು ದಿನದಲ್ಲಿ ಆದ 'RRR' ಸಿನಿಮಾದ ಮುಂಗಡ ಟಿಕೆಟ್ ಅನ್ನು 'ಕೆಜಿಎಫ್ 2' ಕೇವಲ ಎರಡೇ ದಿನದಲ್ಲಿ ಮಾಡಿ ಮುಗಿಸಿದೆ. 'ಕೆಜಿಎಫ್ 2' ಸಿನಿಮಾ ಬಿಡುಗಡೆಗೆ ಇನ್ನೂ ಐದು ದಿನ ಬಾಕಿ ಇದ್ದು, ಇನ್ನಷ್ಟು ಟಿಕೆಟ್‌ಗಳು ಮಾರಾಟವಾಗುವ ಸಾಧ್ಯತೆ ದಟ್ಟವಾಗಿದೆ.

ಐದು ದಿನದಲ್ಲಿ ಮಾಡಲಾಗಿದ್ದ ದಾಖಲೆ

ಐದು ದಿನದಲ್ಲಿ ಮಾರಾಟವಾಗಿದ್ದ 'RRR' ಸಿನಿಮಾದ ಟಿಕೆಟ್‌ಗಳನ್ನು 'ಕೆಜಿಎಫ್ 2' ಕೇವಲ ಎರಡೇ ದಿನದಲ್ಲಿ ಮಾಡಿದೆ. ಆ ಮೂಲಕ ಅತಿ ಹೆಚ್ಚು ಅಡ್ವಾನ್ಸ್ ಟಿಕೆಟ್ ಮಾರಾಟವಾದ ಸಿನಿಮಾ ಎಂಬ ದಾಖಲೆಯನ್ನು 'ಕೆಜಿಎಫ್ 2' ಸಿನಿಮಾ ತನ್ನ ತೆಕ್ಕೆಗೆ ಹಾಕಿಕೊಂಡಿದೆ. ಬಾಲಿವುಡ್‌ನ ಸ್ಟಾರ್‌ಗಳ ಸಿನಿಮಾ ಟಿಕೆಟ್‌ಗಳು ಸಹ ಇಷ್ಟು ಕಡಿಮೆ ಅವಧಿಯಲ್ಲಿ ಇಷ್ಟು ದೊಡ್ಡ ಸಂಖ್ಯೆಯಲ್ಲಿ ಮಾರಾಟವಾಗಿಲ್ಲ ಎಂಬುದು ವಿಶೇಷ.

ಭಾರಿ ಮೊತ್ತ ಗಳಿಸಲಿದೆ 'ಕೆಜಿಎಫ್ 2'

ಮುಂಬೈನಲ್ಲಿ ಈವರೆಗೆ ಮೊದಲ ದಿನ ದೊಡ್ಡ ಮೊತ್ತ ಗಳಿಸಿರುವ ದಾಖಲೆ, 'ಬಾಹುಬಲಿ 2' ಬಳಿ ಇದೆ. ಈ ದಾಖಲೆಯನ್ನು 'ಕೆಜಿಎಫ್ 2' ಸಿನಿಮಾ ಮುರಿಯಲಿದೆ ಎಂಬ ಲೆಕ್ಕಾಚಾರ ಹಾಕಲಾಗಿದೆ. ಈಗಾಗಲೇ ಭಾರಿ ಸಂಖ್ಯೆಯ ಟಿಕೆಟ್ ಸೇಲ್ ಆಗಿದ್ದು, ಉಳಿದ ಐದು ದಿನಗಳಲ್ಲಿ ಇನ್ನಷ್ಟು ಟಿಕೆಟ್ ಸೇಲ್ ಆಗುವ ಸಾಧ್ಯತೆ ದಟ್ಟವಾಗಿದೆ ಹಾಗಾಗಿ ಈ ಸಿನಿಮಾ ಮುಂಬೈನಲ್ಲಿ ಮೊದಲ ದಿನ ಅತಿ ಹೆಚ್ಚು ಹಣ ಗಳಿಸಿದ ಸಿನಿಮಾ ಎನಿಸಿಕೊಳ್ಳುವ ಎಲ್ಲಾ ಸಾಧ್ಯತೆ ಇದೆ. 'RRR' ಸಿನಿಮಾದ ದಾಖಲೆಯನ್ನೂ ಮುರಿಯಲಿದೆ.