ಕೆಜಿಎಫ್ 2 ನಲ್ಲಿ ರವೀನಾ ಟಂಡನ್ ಖಡಕ್ ಲುಕ್ ಅನಾವರಣ

ಕೆಜಿಎಫ್ ಮೊದಲ ಭಾಗದಲ್ಲಿ ರವೀನಾ ಪಾತ್ರ!

ರವೀನಾ ಟಂಡನ್, ಕೆಜಿಎಫ್ 2 ಸಿನಿಮಾದಲ್ಲಿ ರಾಜಕಾರಣಿಯ ಪಾತ್ರ ನಿರ್ವಹಿಸುತ್ತಿದ್ದಾರೆ. ಕೆಜಿಎಫ್ ಮೊದಲ ಭಾಗದ ಅಂತ್ಯದಲ್ಲಿ ಮಹಿಳಾ ರಾಜಕಾರಣಿಯೊಬ್ಬರು ನರಾಚಿಗೆ ಮಿಲಿಟರಿ ನುಗ್ಗಿಸಲು ಆದೇಶ ಸಹಿ ಮಾಡುವ ದೃಶ್ಯವೊಂದಿದೆ. ಆದೇಶಕ್ಕೆ ಸಹಿ ಹಾಕುವ ಮಹಿಳೆ ರವೀನಾ ಟಂಡನ್ ಎಂದು ಸುಲಭವಾಗಿ ಊಹಿಸಬಹುದಾಗಿದೆ.

Recommended Video

ಜಗಮೆಚ್ಚಿದ ನಿರ್ದೇಶಕ Rajamouli ಮೇಲೆ ಕಂಪ್ಲೇಂಟ್ | Filmibeat Kannada

ರವೀನಾ ಪಾತ್ರದ ಹೆಸರು ರಮಿಕಾ ಸೇನ್

ಕೆಜಿಎಫ್ 2 ಸಿನಿಮಾದಲ್ಲಿ ರವೀನಾ ಟಂಡನ್ ಪಾತ್ರದ ಹೆಸರು ರಮಿಕಾ ಸೇನ್. ರವೀನಾ ಟಂಡನ್ ಹುಟ್ಟುಹಬ್ಬದ ಅಂಗವಾಗಿ ಬಿಡುಗಡೆ ಮಾಡಿರುವ ಪೋಸ್ಟರ್‌ನಲ್ಲಿ, ರವೀನಾ ಪಾರ್ಲಿಮೆಂಟ್‌ನಲ್ಲಿ ಕುಳಿತಿರುವ ಚಿತ್ರವಿದೆ. ಪೋಸ್ಟರ್‌ನಲ್ಲಿ ರವೀನಾ ಅತ್ಯಂತ ಗಂಭೀರವಾಗಿ ಕಾಣುತ್ತಿದ್ದಾರೆ.

ಹೀರೋ-ವಿಲನ್ ಎರಡೂ ನಾನೆ: ರವೀನಾ

ರವೀನಾ ಟಂಡನ್ ಅವರೇ ಕೆಲವು ದಿನಗಳ ಹಿಂದೆ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಂತೆ, ಕೆಜಿಎಫ್ 2 ದ ವಿಲನ್ ಹಾಗೂ ಹೀರೋ ಎರಡೂ ಅವರೇ ಅಂತೆ. ರವೀನಾ ನಿರ್ವಹಿಸಿರುವ ರಮಿಕಾ ಸೇನ್ ಪಾತ್ರ ಎರಡು ಭಿನ್ನ ಶೇಡ್‌ಗಳನ್ನು ಹೊಂದಿದೆ ಎಂಬುದು ಖಾತ್ರಿ.

ಹೈದರಾಬಾದ್‌ನಲ್ಲಿ ಚಿತ್ರೀಕರಣ

ಇನ್ನು ಕೆಜಿಎಫ್ 2 ಸಿನಿಮಾದ ಚಿತ್ರೀಕರಣ ಈಗಷ್ಟೆ ಮಂಗಳೂರಿನಲ್ಲಿ ಮುಗಿದಿದ್ದು, ಮುಂದಿನ ಚಿತ್ರೀಕರಣಕ್ಕೆ ಹೈದರಾಬಾದ್‌ಗೆ ತೆರಳಿದೆ. ನಟ ಸಂಜಯ್ ದತ್ ಸಹ ಗುಣಮುಖರಾಗಿದ್ದು, ಕೆಜಿಎಫ್ 2 ಚಿತ್ರೀಕರಣದಲ್ಲಿ ಭಾಗವಹಿಸುವುದಾಗಿ ಹೇಳಿದ್ದಾರೆ.