twitter
    For Quick Alerts
    ALLOW NOTIFICATIONS  
    For Daily Alerts

    ಹೊಂಬಾಳೆ ಫಿಲ್ಮ್ಸ್ ನಿಂದ ಮತ್ತೆರಡು ಪ್ಯಾನ್ ಇಂಡಿಯಾ ಚಿತ್ರಗಳು: ಹೀರೋ ಯಾರು?

    |

    ಕೆಜಿಎಫ್ ಚಾಪ್ಟರ್ ಒಂದರ ಬಳಿಕ ಭಾಗ 2ರ ಮೇಲೆ ಸಾಕಷ್ಟು ನಿರೀಕ್ಷೆಗಳು ಇದ್ದವು. ಆದರೆ ಎಲ್ಲಾ ನಿರಿಕ್ಷೆಗಳನ್ನು ಮಿರಿ ಕೆಜಿಎಫ್ ಚಾಪ್ಟರ್ 2 ಸೂಪರ್ ಹಿಟ್ ಲಿಸ್ಟ್ ಸೇರಿದೆ. ಯಶ್ ಅಭಿನಯದ ಕನ್ನಡ ಈ ಸಿನಿಮಾದ ಮೂಲಕ ಸೌತ್ ಸಿನಮಾರಂಗಕ್ಕೆ ಜಾಗತಿಕ ಮಟ್ಟದಲ್ಲಿ ಗುರುತಿಸಿ ಕೊಳ್ಳಲು ದಾರಿ ಮಾಡಿ ಕೊಟ್ಟಿದೆ.

    ಕೆಜಿಎಫ್ ಸಿನಿಮಾ ಕನ್ನಡ ಮಾತ್ರವಲ್ಲ, ದಕ್ಷಿಣ ಭಾರತೀಯ ಸಿನಿಮಾಕ್ಕೆ ಕಿರೀಟ ಇದ್ದ ಹಾಗೆ. ಅಷ್ಟರ ಮಟ್ಟಿಗೆ ವಿಶ್ವವೇ ಇತ್ತ ತಿರುಗಿ ನೋಡುವಂತೆ ಮಾಡಿದ ಸಿನಿಮಾ ಇದು. ಇನ್ನು ಗಳಿಕೆ ವಿಚಾರದಲ್ಲಿ ಕೆಜಿಎಫ್ 2 ಜಾದು ಮಾಡಿದೆ.

    40ನೇ ದಿನವೂ ಜಗ್ಗಲಿಲ್ಲ 'ಕೆಜಿಎಫ್ 2' ಕಲೆಕ್ಷನ್: 'ಭೂಲ್ ಭೂಲಯ್ಯ 2' ಲೆಕ್ಕಕ್ಕಿಲ್ಲ! 40ನೇ ದಿನವೂ ಜಗ್ಗಲಿಲ್ಲ 'ಕೆಜಿಎಫ್ 2' ಕಲೆಕ್ಷನ್: 'ಭೂಲ್ ಭೂಲಯ್ಯ 2' ಲೆಕ್ಕಕ್ಕಿಲ್ಲ!

    ಕೆಜಿಎಫ್ 2 ರಿಲೀಸ್ ಆಗಿ ಒಂದು ತಿಂಗಳು ಕಳೆದರೂ ಭಾರತದಾದ್ಯಂತ ಸಿನಿಮಾದ ಬಗ್ಗೆ ಕ್ರೇಜ್ ಹಾಗೆಯೇ ಇದೆ. ಇನ್ನು ಜನ ಈ ಚಿತ್ರವನ್ನು ಚಿತ್ರಮಂದಿರಗಳಲ್ಲಿ ನೋಡುತ್ತಾ ಇದ್ದಾರೆ. ಈಗ ಮತ್ತೆ ಕೆಜಿಎಫ್ ಬಗ್ಗೆ ಮಾತನಾಡಲು ಕಾರಣ ಹೊಂಬಾಳೆ ಫಿಲ್ಮ್ಸ್ ನಿರ್ಮಾಣ ಸಂಸ್ಥೆ.

    'ಕೆಜಿಎಫ್‌ 2'ಗೆ ಟಕ್ಕರ್ ಕೊಡುತ್ತಾ 'ಭೂಲ್ ಭುಲಯ್ಯ 2' ಕಲೆಕ್ಷನ್?'ಕೆಜಿಎಫ್‌ 2'ಗೆ ಟಕ್ಕರ್ ಕೊಡುತ್ತಾ 'ಭೂಲ್ ಭುಲಯ್ಯ 2' ಕಲೆಕ್ಷನ್?

    14 ಸಿನಿಮಾ ನಿರ್ಮಾಣ ಮಾಡುತ್ತಿದೆ ಹೊಂಬಾಳೆ ಫಿಲ್ಮ್ಸ್!

    14 ಸಿನಿಮಾ ನಿರ್ಮಾಣ ಮಾಡುತ್ತಿದೆ ಹೊಂಬಾಳೆ ಫಿಲ್ಮ್ಸ್!

    ಕನ್ನಡದ ಚಿತ್ರರಂಗ ವಜ್ರೇಶ್ವರಿ ಕಂಬೈಡ್ಸ್, ಈಶ್ವರಿ ಪ್ರೊಡಕ್ಷನ್ ಅಂತಹ ದೊಡ್ಡ ದೊಡ್ಡ ಸಿನಿಮಾ ನಿರ್ಮಾಣ ಸಂಸ್ಥೆಗಳನ್ನು ಕಂಡಿದೆ. ಈ ಸಾಲಿನಲ್ಲಿ ಈಗ ಹೊಂಬಾಳೆ ಫಿಲ್ಮ್ಸ್ ನಿಂತಿದೆ. ಕನ್ನಡದ ಬಹುತೇಕ ಸಿನಿಮಾಗಳನ್ನು ನಿರ್ಮಾಣ ಮಾಡುತ್ತಾ ಇದೆ ಹೊಂಬಾಳೆ. ಇತ್ತೀಚೆಗೆ ಸಂದರ್ಶನ ಒಂದ್ರಲ್ಲಿ ಮಾತನಡಿದ ನಿರ್ಮಾಪಕ ವಿಜಯ್ ಕಿರಗಂದೂರು, ಹೊಂಬಾಳೆ ಸಂಸ್ಥೆಯ ಅಡಿಯಲ್ಲಿ 14 ಸಿನಿಮಾಗಳು ನಿರ್ಮಾಣ ಆಗುತ್ತಿವೆ ಎಂದಿದ್ದಾರೆ.

    2 ದೊಡ್ಡ ಪ್ಯಾನ್ ಇಂಡಿಯಾ ಸಿನಿಮಾಗೆ ಯೋಜನೆ!

    2 ದೊಡ್ಡ ಪ್ಯಾನ್ ಇಂಡಿಯಾ ಸಿನಿಮಾಗೆ ಯೋಜನೆ!

    ಇನ್ನು ಪ್ಯಾನ್ ಇಂಡಿಯಾ ಸಿನಿಮಾ ಬಗ್ಗೆ ಮಾತನಾಡಿದ ವಿಜಯ್ ಕಿರಗಂದೂರು "ಮುಂದಿನ ಮೂರು ವರ್ಷಗಳಲ್ಲಿ ಸುಮಾರು 14 ಚಲನಚಿತ್ರಗಳು ಸಾಲಿನಲ್ಲಿ ಇವೆ. ಎರಡು ಪ್ಯಾನ್-ಇಂಡಿಯಾ ಸಿನಿಮಾ ಮಾಡುತ್ತಿದ್ದೇವೆ. ಈಗಾಗಲೇ ಒಂದು ಚಿತ್ರದ ಸ್ಕ್ರಿಪ್ಟ್ ಲಾಕ್ ಮಾಡಿದ್ದೇವೆ, ಅದು 2024 ರಲ್ಲಿ ಬಿಡುಗಡೆಯಾಗಲಿದೆ. ಎರಡೂ ಚಿತ್ರಗಳ ವಿಷಯ ಮತ್ತು ಕಥಾಹಂದರವು ಕೆಜಿಎಫ್‌ನಂತೆಯೇ ಸಾರ್ವತ್ರಿಕವಾಗಿರುತ್ತದೆ. 2024 ರಲ್ಲಿ ಆಗಸ್ಟ್ ಅಥವಾ ಸೆಪ್ಟೆಂಬರ್‌ನಲ್ಲಿ ಬಿಡುಗಡೆಯಾಗುವ ಒಂದು ಚಿತ್ರವನ್ನು ಮೊದಲು ಪ್ರಕಟ ಮಾಡುತ್ತೇವೆ. 2025 ರಲ್ಲಿ ಬರುವ ಸಿನಿಮಾದ ಬಗ್ಗೆ ಇನ್ನು ಯೋಜನೆ ಅಂತಿಮಗೊಂಡಿಲ್ಲ." ಎಂದಿದ್ದಾರೆ.

    ಯಾರಿಗೆ ಒಲಿಯಲಿದೆ ಹೊಂಬಾಳೆ ಅದೃಷ್ಟ?

    ಯಾರಿಗೆ ಒಲಿಯಲಿದೆ ಹೊಂಬಾಳೆ ಅದೃಷ್ಟ?

    ಹೊಂಬಾಳೆ ಫಿಲ್ಮ್ಸ್ ಅಡಿಯಲ್ಲಿ ಪ್ಯಾನ್ ಇಂಡಿಯಾ ಸಿನಿಮಾ ಆಗುತ್ತೆ ಎನ್ನುವುದು ಮಾತ್ರ ರಿವೀಲ್ ಆಗಿದೆ. ಅದರೆ ಈ ಚಿತ್ರಗಳ ಹೀರೋ ಯಾವಾಗ ಬರಹುದು ಎನ್ನುವ ಬಗ್ಗೆ ರಿವೀಲ್ ಆಗಿಲ್ಲ. ಸದ್ಯ ಹೊಂಬಾಳೆ ತೆಲುಗು ಹೀರೋಗಳಿಗೂ ನಿರ್ಮಾಣ ಮಾಡಲು ಮುಂದಾಗಿದ್ದಾರೆ. ಹಾಗಾಗಿ ಈ ಎರಡು ಸಿನಿಮಾಗಳಲ್ಲಿ ನಾಯಕ ಆಗುವ ಅದೃಷ್ಟ ಯಾರಿಗೆ ಎನ್ನುವ ಕುತೂಹಲ ಸದ್ಯಕ್ಕೆ ಮೂಡಿದೆ.

    ಬಾಲಿವುಡ್ ಬಗ್ಗೆ ವಿಜಯ್ ಕಿರಗಂದೂರ್ ಮಾತು!

    ಬಾಲಿವುಡ್ ಬಗ್ಗೆ ವಿಜಯ್ ಕಿರಗಂದೂರ್ ಮಾತು!

    ಇನ್ನು ನಿರ್ಮಾಪಕ ವಿಜಯ್ ಕಿರಗಂದೂರು ಬಾಲಿವುಡ್ ಬಗ್ಗೆ ಮಾತನಾಡಿದ್ದಾರೆ. "ಉತ್ತರ ಮತ್ತು ದಕ್ಷಿಣದ ನಡುವೆ ಅಂತೇನೂ ಇಲ್ಲ. ನಾವೆಲ್ಲರೂ ಹಿಂದಿ ಸಿನಿಮಾ ನೋಡುತ್ತೇವೆ ಮತ್ತು ಅವರು ನಮ್ಮ ಸಿನಿಮಾ ನೋಡುತ್ತಾರೆ. ಕಂಟೆಂಟ್ ಚೆನ್ನಾಗಿದ್ದರೆ ಎಲ್ಲರೂ ನೋಡುತ್ತಾರೆ. ನಾವು ದಕ್ಷಿಣ ಕೊರಿಯನ್, ಜಪಾನೀಸ್ ಮತ್ತು ಸ್ಪ್ಯಾನಿಷ್ ಚಲನಚಿತ್ರಗಳನ್ನು ವೀಕ್ಷಿಸುತ್ತೇವೆ ಅದಕ್ಕೆ ಯಾವುದೇ ಅಡ್ಡಿಯಿಲ್ಲ. ಉತ್ತರ ಮತ್ತು ದಕ್ಷಿಣದ ಬಗ್ಗೆ ವಾದ-ವಿವಾದವೂ ಬೇಡ." ಎಂದಿದ್ದಾರೆ ಹಾಗಾಗಿ ಹೊಂಬಾಳೆ ಫಿಲ್ಮ್ಸ್ ಮುಂದೆ ಬಾಲಿವುಡ್ ಹೀರೋಗಳಿಗೂ ನಿರ್ಮಾಣ ಮಾಡುವ ಸೂಚನೆ ಇದೆ.

    English summary
    KGF 2 Success Made Hombale Films To Planning For 2 More Pan India Movies Which Released In 2024 And 2025, Know More
    Tuesday, May 24, 2022, 15:18
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X