KGF Chapter 3: 'ಖಂಡಿತಾ ಬರುತ್ತೆ' ನಿರ್ದೇಶಕ ಪ್ರಶಾಂತ್ ನೀಲ್ ವ್ಯಂಗ್ಯ?

'ಕೆಜಿಎಫ್ 3' ಮಾಡಲು 8 ವರ್ಷ ಬೇಕು: ನಿರ್ದೇಶಕ ಪ್ರಶಾಂತ್ ನೀಲ್!

'ಕೆಜಿಎಫ್ 2' ಟ್ರೈಲರ್ ರಿಲೀಸ್ ವೇಳೆ ಚಿತ್ರತಂಡಕ್ಕೆ 'ಕೆಜಿಎಫ್ 3' ಚಿತ್ರದ ಬಗ್ಗೆ ಪ್ರಮುಖ ಪ್ರಶ್ನೆ ಎದುರಾಗಿತ್ತು. 'ಕೆಜಿಎಫ್ 2' ಚಿತ್ರದ ಬಳಿಕ 'ಕೆಜಿಎಫ್ 3' ಚಿತ್ರ ಬರುತ್ತಾ ಎನ್ನುವ ಪ್ರಶ್ನೆ ಎದುರಾಯಿತು. ಈ ಪ್ರಶ್ನೆಗೆ ಚಿತ್ರತಂಡ ಉತ್ತರ ನೀಡಿದೆ. ಚಿತ್ರದ ನಿರ್ದೇಶಕ ಪ್ರಶಾಂತ್ ನೀಲ್ ಈ ಬಗ್ಗೆ ಒಂದೇ ವಾಕ್ಯದಲ್ಲಿ ಪ್ರತಿಕ್ರಿಯೆ ನೀಡಿದ್ದಾರೆ. "ಕೆಜಿಎಫ್ 3 ಬರಲು ಇನ್ನು 8 ವರ್ಷಗಳು ಬೇಕಾಗುತ್ತದೆ." ಎಂದು ಹೇಳಿದ್ದಾರೆ.

ವ್ಯಂಗ್ಯವಾಗಿ ಉತ್ತರಿಸಿ ನಕ್ಕು ಬಿಟ್ಟ ಪ್ರಶಾಂತ್ ನೀಲ್!

ನಿರ್ದೇಶಕ ಪ್ರಶಾಂತ್ ನೀಲ್ 'ಕೆಜಿಎಫ್ 3' ಚಿತ್ರದ ಬಗ್ಗೆ ಮಾತನಾಡಿ ಈ ಚಿತ್ರ ಬರಬೇಕಾದರೆ ಇನ್ನು 8 ವರ್ಷಗಳು ಬೇಕು ಎಂದು ಹೇಳಿ ನಕ್ಕು ಬಿಟ್ಟರು. ಅಂದರೆ 'ಕೆಜಿಎಫ್ 3' ಚಿತ್ರ ಬರುವುದಿಲ್ಲ. ಈ ಪ್ರಶ್ನೆಯ ಅವಶ್ಯಕತೆಯೇ ಇಲ್ಲ ಎನ್ನುವ ನಿಟ್ಟಿನಲ್ಲಿ ಉತ್ತರಿಸಿ ಸುಮ್ಮನಾದರು. ಜೊತೆಗೆ ಈ ವಿಚಾರವನ್ನು ಅಲ್ಲಿಗೆ ಬಿಟ್ಟು ಬಿಟ್ಟರು. ಹಾಗಾಗಿ ಸಿನಿಮಾ ಬರುವುದಿಲ್ಲ ಎನ್ನುವುದು ಬಹುತೇಕ ಖಚಿತ ಅದಂತಾಗಿದೆ. ಹಾಗೇನಾದರೂ 'ಕೆಜಿಎಫ್' ಸರಣಿ ಈ ಚಿತ್ರದ ಬಳಿಕವೂ ಮುಂದುವರೆಯುತ್ತದೆ ಅಂತಾದರೆ ಅದಕ್ಕೆ 'ಕೆಜಿಎಫ್ 2'ನಲ್ಲಿ ಉತ್ತರ ಸಿಗಲಿದೆ.

'ಕೆಜಿಎಫ್ 2' ಕ್ಲೈಮ್ಯಾಕ್ಸ್ ಮೇಲೆ ಹೆಚ್ಚಿದ ನಿರೀಕ್ಷೆ!

'ಕೆಜಿಎಫ್ ಚಾಪ್ಟರ್ 1' ಒಂದರಲ್ಲಿ ಇದ್ದ ಕ್ಲೈಮ್ಯಾಕ್ಸ್, ಚಾಪ್ಟರ್ 2 ಮೇಲೆ ನಿರೀಕ್ಷೆ ಹೆಚ್ಚುವಂತೆ ಮಾಡಿದೆ. ರಾಕಿ ಭಾಯ್ ಸಾಮ್ರಾಜ್ಯದ ದರ್ಶನ ಮಾಡಿದವರಿಗೆ ಮುಂದೇನಾಗುತ್ತೆ ಎನ್ನುವ ಬಗ್ಗೆ ಸಾಕಷ್ಟು ಕುತೂಹಲ ಹುಟ್ಟಿಕೊಂಡಿದೆ. ಅದೇ ರೀತಿ ಈಗ 'ಕೆಜಿಎಫ್ 2' ಚಿತ್ರದ ಕ್ಲೈಮ್ಯಾಕ್ಸ್ ಮೇಲೆ ಕೂಡ ಸಾಕಷ್ಟು ನಿರೀಕ್ಷೆ ಹುಟ್ಟುಕೊಂಡಿದೆ. ಈ ಚಿತ್ರದ ಕ್ಲೈಮ್ಯಾಕ್ಸ್‌ನಲ್ಲಿ ಏನಾದ್ರೂ ಭಾಗ 3ಕ್ಕೆ ಲೀಡ್ ಕೊಟ್ಟಿರಬಹುದಾ ಎನ್ನುವ ಚರ್ಚೆಗಳು ಹುಟ್ಟಿಕೊಂಡಿವೆ. ಈ ಬಗ್ಗೆ ಚಿತ್ರತಂಡ ಸ್ಪಷ್ಟ ಚಿತ್ರಣ ನೀಡಿಲ್ಲ. ಹಾಗಾಗಿ ಚಿತ್ರದಲ್ಲಿಯೇ ಇದಕ್ಕೆ ಉತ್ತರ ಸಿಗಲಿದೆ.

Recommended Video

KGF Verse | ಅಷ್ಟಕ್ಕೂ Meta Verse ನಿಂದ KGF 2 ಗೆ ಆಗೋ ಲಾಭ ಏನು..? | Yash | Sanjay Dutt | Raveena Tandon

ಅಂತ್ಯ ಆಗಲಿದ್ಯಾ ರಾಕಿ ಭಾಯ್ ಸಾಮ್ರಾಜ್ಯ?

'ಕೆಜಿಎಫ್ 2' ಚಿತ್ರದ ಬಗ್ಗೆ ಸಾಕಷ್ಟು ಪ್ರಶ್ನೆಗಳು ಸೃಷ್ಟಿ ಆಗಿವೆ. ಚಾಪ್ಟರ್ ಒಂದರ ಅಂತ್ಯದಲ್ಲಿ ರಾಕಿ ಭಾಯ್ ತನ್ನ ಭವ್ಯ ಸಾಮ್ರಾಜ್ಯ ನಿರ್ಮಾಣಕ್ಕೆ ಬುನಾದಿ ಹಾಕಿದ್ದಾನೆ. ಚಾಪ್ಟರ್ 2ನಲ್ಲಿ ಎನಿದ್ದರೂ, ಆ ಸಾಮ್ರಾಜ್ಯವನ್ನು ಆಳುವುದು ಮತ್ತು ಉಳಿಸಿಕೊಳ್ಳುವ ಹೋರಾಟವೇ ಇರಲಿದೆ. ಆದರೆ ಚಾಪ್ಟರ್ 3 ಬರುವುದಿಲ್ಲ ಎಂದಾದರೆ ಇಲ್ಲಿಗೆ ರಾಕಿ ಭಾಯ್ ಅಂತ್ಯ ಆಗುತ್ತದೆ. ರಾಕಿ ವಿರುದ್ಧ ಡೆತ್ ವಾರೆಂಟ್ ಪ್ರಕಟ ಆದರೆ, ಕೆಜಿಎಫ್ ಅಂತ್ಯದಲ್ಲಿ ರಾಕಿ ಭಾಯ್ ಪಾತ್ರ ಏನಾಗಬಹುದು ಎಂಬ ಕುತೂಹಲವಿದೆ.