'ಅಮೇಜಾನ್ ಪ್ರೈಮ್'ನಲ್ಲಿ ಇತಿಹಾಸ ಬರೆದ ಯಶ್ ಕೆಜಿಎಫ್

ಅತಿ ಹೆಚ್ಚು ವೀಕ್ಷಣೆ ಕಂಡ ಸಿನಿಮಾ

2019ನೇ ಸಾಲಿನಲ್ಲಿ ಅತಿ ಹೆಚ್ಚು ವೀಕ್ಷಣೆ ಕಂಡ ಸಿನಿಮಾ ಎಂಬ ಹೆಗ್ಗಳಿಕೆಗೆ ಕೆಜಿಎಫ್ ಚಾಪ್ಟರ್ 1 ಪಾತ್ರವಾಗಿದೆ. ಐದು ಭಾಷೆಯಲ್ಲಿ ತೆರೆಕಂಡಿದ್ದ ಕೆಜಿಎಫ್ ಚಿತ್ರವನ್ನು ಅಮೇಜಾನ್ ವೀಕ್ಷಕರು ಹೆಚ್ಚು ನೋಡಿದ್ದಾರೆ ಎಂಬ ಮಾಹಿತಿ ಹೊರಬಿದ್ದಿದೆ. ಈ ವಿಷಯವನ್ನು ದಕ್ಷಿಣ ಭಾರತದ ಖ್ಯಾತ ಚಿತ್ರ ವಿಶ್ಲೇಷಕ ರಮೇಶ್ ಬಾಲ ಹಂಚಿಕೊಂಡಿದ್ದಾರೆ.

'ಕೆಜಿಎಫ್-2' ಚಿತ್ರದ ಬಿಜಿಎಂ ಝಲಕ್ ಹಂಚಿಕೊಂಡ ಪ್ರಶಾಂತ್ ನೀಲ್

ಐದು ಭಾಷೆಯ ವೀಕ್ಷಣೆ

ಕನ್ನಡ, ತೆಲುಗು, ತಮಿಳು, ಹಿಂದಿ ಹಾಗೂ ಮಲಯಾಳಂ ಐದು ಭಾಷೆಯಲ್ಲಿ ಸೇರಿ 2019ರಲ್ಲಿ ಅತಿ ಹೆಚ್ಚು ವೀಕ್ಷಣೆ ಕಂಡಿರುವ ಭಾರತೀಯ ಸಿನಿಮಾ ಕೆಜಿಎಫ್ ಆಗಿದೆ. ಐದು ಭಾಷೆಯ ಡಿಜಿಟಲ್ ಹಕ್ಕು ಅಮೇಜಾನ್ ಪ್ರೈಮ್ ಖರೀದಿ ಮಾಡಿತ್ತು. ಈ ಮೂಲಕ ಈ ವರ್ಷದಲ್ಲಿ ತೆರೆಕಂಡಿದ್ದ ಕೆಲವು ಸೂಪರ್ ಹಿಟ್ ಚಿತ್ರಗಳನ್ನು ಹಿಂದಿಕ್ಕಿದೆ.

ಕೆಜಿಎಫ್, ಬಾಹುಬಲಿ ಗಳಿಕೆ ಬಗ್ಗೆ ಆಸಕ್ತಿಕರ ವಿಷಯ ಬಿಚ್ಚಿಟ್ಟ ಸುದೀಪ್

50 ದಿನದ ಬಳಿಕ ರಿಲೀಸ್ ಆಗಿತ್ತು

ಅಂದ್ಹಾಗೆ, ಬಿಡುಗಡೆಯಾದ 50 ದಿನದ ಬಳಿಕ ಕೆಜಿಎಫ್ ಸಿನಿಮಾ ಅಮೇಜಾನ್ ಪ್ರೈಮ್ ನಲ್ಲಿ ರಿಲೀಸ್ ಆಗಿತ್ತು. 2018ರ ಡಿಸೆಂಬರ್ 20 ರಂದು ಸಿನಿಮಾ ಅಧಿಕೃತವಾಗಿ ಚಿತ್ರಮಂದಿರಗಳಲ್ಲಿ ತೆರೆಕಂಡಿತ್ತು. ಆದರೆ 2019 ಫೆಬ್ರವರಿ 5 ರಂದು ಕೆಜಿಎಫ್ ಸಿನಿಮಾ ಅಮೇಜಾನ್ ನಲ್ಲಿ ಬಿಡುಗಡೆಯಾಗಿತ್ತು. ಆದರೂ ಅತಿ ಹೆಚ್ಚು ವೀಕ್ಷಕರು ಸಿನಿಮಾ ನೋಡಿರುವುದು ದಾಖಲೆ.

ಚಾಪ್ಟರ್ 2ಗೆ ಬೇಡಿಕೆ ಜಾಸ್ತಿ

ಕೆಜಿಎಫ್ ಚಾಪ್ಟರ್ 1 ಸಕ್ಸಸ್ ಕಂಡ ಮೇಲೆ ಚಾಪ್ಟರ್ 2 ಮೇಲೆ ಸಹಜವಾಗಿ ನಿರೀಕ್ಷೆ ಹೆಚ್ಚಿದೆ. ಅಮೇಜಾನ್ ಪ್ರೈಮ್ ವಿಡಿಯೋ ವಿಚಾರದಲ್ಲೂ ಈ ಬೇಡಿಕೆ ಹೆಚ್ಚಿರುತ್ತೆ. ಮೊದಲ ಭಾಗದಲ್ಲಿ ಇಷ್ಟು ದೊಡ್ಡ ಯಶಸ್ಸು ಕಂಡ ಸಿನಿಮಾದ ಮುಂದುವರಿದ ಭಾಗದ ಹಕ್ಕು ಖರೀದಿಸಲು ಅಮೇಜಾನ್ ಎಲ್ಲ ರೀತಿಯಲ್ಲೂ ಸಜ್ಜಾಗಿರುತ್ತೆ.

ಸೌತ್ ಇಂಡಸ್ಟ್ರಿಯಲ್ಲಿ ಅತಿ ಹೆಚ್ಚು ಗಳಿಸಿದ ಚಿತ್ರಗಳ ಪಟ್ಟಿಯಲ್ಲಿ 'ಬಾಸ್' ಯಾರು?

ಧಮ್ ಹೆಚ್ಚಿಸಿದ ಸಂಜಯ್ ದತ್

ಬೇರೆ ಇಂಡಸ್ಟ್ರಿಗಳಲ್ಲಿ ಅಷ್ಟಾಗಿ ಪರಿಚಯವಿಲ್ಲದ ಯಶ್ ನಾಯಕರಾಗಿದ್ದರೂ ಕೆಜಿಎಫ್ ಭಾರಿ ಯಶಸ್ಸು ಕಂಡಿತ್ತು. ಈಗ ಸಂಜತ್ ದತ್, ರವೀನಾ ಟಂಡನ್ ಆಗಮನವಾಗಿದೆ. ಇದು ಮತ್ತಷ್ಟು ಕಿಕ್, ಬೇಡಿಕೆ ಹೆಚ್ಚಾಗುವಂತೆ ಮಾಡಿದೆ. ಹಾಗಾಗಿ, ಡಿಜಿಟಲ್ ಹಕ್ಕು, ವಿತರಣೆ ಹಕ್ಕು ಈ ಸಲ ಡಬಲ್ ಆದರೂ ಅಚ್ಚರಿ ಇಲ್ಲ.