Don't Miss!
- Sports CSK vs RCB: ದಾಖಲೆಯ ಪುಟ ಸೇರಿದ ಉದ್ಘಾಟನಾ ಪಂದ್ಯ: 16.8 ಕೋಟಿ ಜನರಿಂದ ವೀಕ್ಷಣೆ
- Finance ಮೃತರ ಖಾತೆಯಲ್ಲಿರುವ ಹಣವನ್ನು ಕುಟುಂಬಸ್ಥರು ಡ್ರಾ ಮಾಡಬಹುದಾ, ಬ್ಯಾಂಕ್ ನಿಯಮಾವಳಿ ಏನು ಹೇಳುತ್ತೆ?
- News ಎನ್ಡಿಎ ಸೇರಿದ ಪ್ರಫುಲ್ ಪಟೇಲ್ ಮೇಲಿದ್ದ ಭ್ರಷ್ಟಾಚಾರ ಪ್ರಕರಣಕ್ಕೆ ಸಿಬಿಐ ಎಳ್ಳುನೀರು!
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Lifestyle ಬಾಯಲ್ಲಿ ನೀರು ತರಿಸುವ ಮಾವಿನ ಕಾಯಿ ಚಟ್ನಿ..! 5 ನಿಮಿಷದಲ್ಲಿ ರೆಡಿ..!
- Technology Motorola: ಮೊಟೊರೊಲಾ ಎಡ್ಜ್ 50 ಅಲ್ಟ್ರಾ ಸ್ಮಾರ್ಟ್ಫೋನ್ ಫೀಚರ್ಸ್ ಲೀಕ್! ವಿಶೇಷತೆ ಏನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಕೆಜಿಎಫ್ 2': ಭಾರತೀಯ ಬಾಕ್ಸಾಫೀಸ್ನಲ್ಲಿ 1000 ಕೋಟಿ ಗಳಿಸಿದ 2ನೇ ಸಿನಿಮಾ!
'ಕೆಜಿಎಫ್ 2' ಸಿನಿಮಾ ದಾಖಲೆ ಮೇಲೆ ದಾಖಲೆ ಬರೆಯುತ್ತಿದೆ. ಸಿನಿಮಾ ರಿಲೀಸ್ ಆಗಿ ಒಂದು ತಿಂಗಳು ಕಳೆದಿದೆ. ಆದರೂ ಇನ್ನು ದೇಶದಾದ್ಯಂತ ಹಲವು ಕಡೆಗಳಲ್ಲಿ 'ಕೆಜಿಎಫ್ 2' ಸಿನಿಮಾ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಹಾಗೆ ಕಲೆಕ್ಷನ್ ಕೋಟಿ-ಕೋಟಿ ಲೆಕ್ಕದಲ್ಲೇ ಇದೆ. ಈಗ ಮತ್ತೊಂದು ಮಹತ್ತರವಾದ ದಾಖಲೆ ಬರೆದಿದೆ.
'ಕೆಜಿಎಫ್ 2' ಬಾಲಿವುಡ್ ಸಿನಿಮಾಗಳನ್ನು ಸೇರಿದಂತೆ ದೊಡ್ಡ ಕಲೆಕ್ಷನ್ ಮಾಡಿ ಇತಿಹಾಸ ಬರೆದ ಸಿನಿಮಾಗಳನ್ನು ಬೀಟ್ ಮಾಡಿದೆ. 'ಕೆಜಿಎಫ್ 2' ರಿಲೀಸ್ ಆಗಿದ್ದೇ ಆಗಿದ್ದು, 100 ಕೋಟಿಯ ಗಟಿಯನ್ನು ದಾಟಿ ಊಹೆಗೂ ಮೀರಿ 1000 ಕೋಟಿ ರೂ. ಗಡಿಯನ್ನು ದಾಟಿದೆ. 'ಕೆಜಿಎಫ್ 2'.
ಸೌತ್ ಸಿನಿಮಾ ಅಬ್ಬರಕ್ಕೆ ಬಾಲಿವುಡ್ ಸ್ಟಾರ್ಸ್ ತತ್ತರ: ಬಾಕ್ಸಾಫೀಸ್ನಲ್ಲಿ ಸಾಲು ಸಾಲು ಸೋಲು!
'ಕೆಜಿಎಫ್ 2' ಸಾವಿರ ಕೋಟಿ ಕ್ಲಬ್ ಸೇರುತ್ತಿದ್ದ ಹಾಗೆಯೇ, ದಾಖಲೆಗಳ ಲಿಸ್ಟ್ ಮತ್ತಷ್ಟು ಬೆಳೆಯುತ್ತಾ ಬಂದಿದೆ. ಇನ್ನು 'ಕೆಜಿಎಫ್ 2' ಬಾಕ್ಸಾಫೀಸ್ ಗಳಿಕೆ ಮುಂದುವರೆದಿದೆ. ಈಗ ಹೊಸ ಮೈಲಿಗಲ್ಲನ್ನು ಸಾಧಿಸಿದೆ 'ಕೆಜಿಎಫ್ 2'. ಭಾರತೀಯ ಬಾಕ್ಸಾಫೀಸ್ನಲ್ಲಿ ಸಾವಿರ ಕೋಟಿ ಗಳಿಸಿದ ಸಿನಿಮಾ ಆಗಿದೆ.
ಚೆನ್ನೈ ಬಾಕ್ಸಾಫಿಸ್ ಧೂಳಿಪಟ ಮಾಡಿದ 'ಕೆಜಿಎಫ್ 2', ರಜನಿ, ವಿಜಯ್, ಅಜಿತ್ ಹಿಂದಿಕ್ಕಿದ ಯಶ್!
1000 ಕೋಟಿ ಗಳಿಕೆಯಿಂದ 'ಕೆಜಿಎಫ್ 2' ಹೊಸ ದಾಖಲೆ!
ದಿನ ಬೆಳಗಾದರೆ 'ಕೆಜಿಎಫ್ 2' ಸಿನಿಮಾದ ಈ ದಿನದ ದಾಖಲೆ ಏನು?, 'ಕೆಜಿಎಫ್ 2' ಮಾಡಿದ ಹೊಸ ರೆಕಾರ್ಡ್ ಏನು? ಎನ್ನುವ ಬಗ್ಗೆಯೇ ಸಿನಿಮಾರಂಗದ ಗಮನ ಇದೆ. ಅಷ್ಟರ ಮಟ್ಟಿಗೆ 'ಕೆಜಿಎಫ್ 2' ಸಿನಿಮಾದ ಪ್ರಭಾವ ಮೂಡಿದೆ. ಈಗ ಬಾಕ್ಸಾಫೀಸ್ ಗಳಿಕೆಯ ಮೂಲಕ ಮತ್ತೊಂದು ದಾಖಲೆ ಮಾಡಿದೆ. 'ಕೆಜಿಎಫ್ 2' ಚಿತ್ರದ ಒಟ್ಟಾರೆ ಕಲೆಕ್ಷನ್ 1180 ಕೋಟಿಗೂ ಅಧಿಕ. ಆದರೆ ಭಾರತೀಯ ಬಾಕ್ಸಾಫೀಸ್ನಲ್ಲಿ 1000 ಕೋಟಿ ರೂ. ಗಳಿಕೆ ಮಾಡಿದ ಎರಡನೇ ಭಾರತೀಯ ಸಿನಿಮಾ ಆಗಿ 'ಕೆಜಿಎಫ್ 2' ಹೊರ ಹೊಮ್ಮಿದೆ.
ಕನ್ನಡಕ್ಕೆ 'ಕೆಜಿಎಫ್ 2' ಹೆಮ್ಮೆಯ ಸಿನಿಮಾ!
ಕನ್ನಡದ ಸಿನಿಮಾ ಇಡೀ ಭಾರತೀಯ ಚಿತ್ರರಂಗದಲ್ಲೇ ಸಾವಿರ ಕೋಟಿ ಗಳಿಸಿ ಎರಡನೇ ಸ್ಥಾನ ಪಡೆದುಕೊಂಡಿರುವುದು ಹೆಮ್ಮೆಯ ವಿಚಾರ. ಈಗಾಗಲೇ 'ಕೆಜಿಎಫ್ ಚಾಪ್ಟರ್ ಒಂದಲ್ಲೇ ಕನ್ನಡದ ನಂಬರ್ 1 ಸಿನಿಮಾ ಎನಿಸಿಕೊಂಡ ಈ ಚಿತ್ರ, ಚಾಪ್ಟರ್ 2 ಮೂಲಕ ಮತ್ತಷ್ಟು ಹೆಗ್ಗಳಿಕೆ ಕಂಡಿದೆ. ಕನ್ನಡದ 'ಕೆಜಿಎಫ್ 2', ಭಾರತೀಯ ಸಿನಿಮಾ ಪಟ್ಟಿಯಲ್ಲಿ ಮುಂಚೂಣಿಯಲ್ಲಿ ಇರುವುದರ ಜೊತೆಗೆ ಸಾವಿರ ಕೋಟಿ ಗಳಿಸಿದ ಕನ್ನಡದ ಮೊದಲ ಸಿನಿಮಾ ಎನ್ನುವ ದಾಖಲೆ ಬರೆದಿದೆ.
'ಬಾಹುಬಲಿ 2' 1000 ಕೋಟಿ ಗಳಿಸಿದ ಮೊದಲ ಸಿನಿಮಾ!
ಈ ಪೈಕಿ ಸಾವಿರ ಕೋಟಿ ಗಳಿಕೆ ಮಾಡಿದ ಮೊದಲ ಸಿನಿಮಾ ತೆಲುಗಿನ 'ಬಾಹುಬಲಿ 2'. ಭಾರತೀಯ ಬಾಕ್ಸಾಫೀಸ್ನಲ್ಲೂ 1000 ಕೋಟಿ ಗಳಿಸಿ ಅಗ್ರಸ್ಥಾನದಲ್ಲಿ ಇದೆ.ಈಗ ಎರಡನೇ ಸ್ಥಾನದಲ್ಲಿ 'ಕೆಜಿಎಫ್ 2' ಇದೆ. ಆದರೆ 'ಕೆಜಿಎಫ್ 2' ಗಳಿಕೆ ಇನ್ನೂ ಮುಂದುವರೆದಿದ್ದು, ಈ ಚಿತ್ರಕ್ಕೆ 'ಬಾಹುಬಲಿ 2' ಚಿತ್ರದ ಗಳಿಕೆಯನ್ನು ಮುರಿಯಲು ಸಾಧ್ಯವಾದರೆ 'ಕೆಜಿಎಫ್ 2' ಅಗ್ರ ಸ್ಥಾನಕ್ಕೆ ಏರಲಿದೆ.
'ಕೆಜಿಎಫ್ 2' ಹಿಂದಿ ಕಲೆಕ್ಷನ್ 427.05 ಕೋಟಿ!
ಇನ್ನು ನಿರೀಕ್ಷೆಯಂತೆ ಹಿಂದಿಯಲ್ಲಿ 'ಕೆಜಿಎಫ್ 2' ಭರ್ಜರಿಯಾಗಿ ಓಡುತ್ತಿದೆ. ಯಾವುದೇ ಅಡೆ ತಡೆ ಇಲ್ಲದೆ ಮುನ್ನುತ್ತಿದೆ. ಈಗ ಕಲೆಕ್ಷನ್ನಲ್ಲಿ ಮತ್ತೊಂದು ಹೆಜ್ಜೆ ಮುಂದೆ ಇಟ್ಟಿದ್ದು, ಬಾಲಿವುಡ್ ಬಾಕ್ಸಾಫೀಸ್ನಲ್ಲಿ ಮತ್ತೊಂದು ಹೊಸ ದಾಖಲೆ ಮಾಡಿದೆ. ಹಿಂದಿ ಅವತರಣಿಕೆಯ 'ಕೆಜಿಎಫ್ 2' ಈಗ 427 ಕೋಟಿ ಗಡಿ ದಾಟಿದೆ. ಇನ್ನೇನಿದ್ದರು 500 ಕೋಟಿ ಮಾಡಿ ಮತ್ತೊಂದು ದಾಖಲೆ ಬರೆಯಬೇಕಿದೆ.