'ಕೆಜಿಎಫ್ 2' ಪ್ರತ್ಯೇಕ, ಬೇರೆ ಚಿತ್ರಗಳ ಜೊತೆ ಹೋಲಿಕೆ ಬೇಡ: ಗಣೇಶ್ ಕಾಸರಗೋಡು!

ಕೆಜಿಎಫ್ 2 ಕನ್ನಡದ ಅಲ್ಟಿಮೇಟ್ ಚಿತ್ರ!

ಹಿರಿಯ ಪತ್ರಕರ್ತ ಗಣೇಶ್ ಕಾಸರಗೋಡು ಅವರು ಕೆಜಿಎಫ್ 2 ಚಿತ್ರದ ಬಗ್ಗೆ ಫಿಲ್ಮೀ ಬೀಟ್ ಜೊತೆಗೆ ಮಾತನಾಡಿದ್ದಾರೆ. "ಕೆಜಿಎಫ್ 2. ಕನ್ನಡದ ಅಲ್ಟಿಮೆಟ್ ಚಿತ್ರ, ಕನ್ನಡ ಚಿತ್ರರಂಗವನ್ನು ಒಂದು ಹೆಜ್ಜೆ ಮೇಲೆ ತೆಗೆದುಕೊಂಡು ಹೋದ ಸಿನಿಮಾ. ಇದು ಒಂದೇ ಚಿತ್ರ. ಮತ್ತೊಂದು ಕೆಜಿಎಫ್ ಆಗಲು ಸಾಧ್ಯವಿಲ್ಲ." ಎಂದಿದ್ದಾರೆ. ಕೆಜಿಎಫ್ ಭಾಗ 1 ಒಂದು ಪ್ರತ್ಯೇಕ ಚಿತ್ರವಾಗಿತ್ತು. ಈಗ ಕೆಜಿಎಫ್ 2 ಕೂಡ ಒಂದು ಪ್ರತ್ಯೇಕ ಭಾಗವಾಗಿ ಬಿಟ್ಟಿದೆ.

ಕೆಜಿಎಫ್ 2 ಮೀರಿಸುವ ಚಿತ್ರ ಮಾಡಲು ಅವರಿಗೆ ಸಾಧ್ಯವಾವಿಲ್ಲ!

ಕೆಜಿಎಫ್ ಅಂತಹ ಸಿನಿಮಾಗಳು ಯಾವಾಗಲು ಬರಲು ಸಾಧ್ಯವಿಲ್ಲ, ಎಲ್ಲರೂ ಮಾಡಲು ಸಾಧ್ಯವಿಲ್ಲ. "ಕೆಜಿಎಫ್ 2 ಒಂದು ಅದ್ಬುತ ಎನ್ನಬಹುದು. ಚಿತ್ರದ ಕಂಟೆಂಟ್ ಬಗ್ಗೆ ಯಾರು ಮಾತನಾಡುತ್ತಿಲ್ಲ. ಆದರೂ ಹೆಚ್ಚು ಜನರಿಗೆ ಚಿತ್ರ ತಲುಪಿದೆ. ಇದು ನಿರ್ದೇಶಕನ ಬುದ್ಧಿವಂತಿಕೆ. ಕೆಜಿಎಫ್ ಮಾದರಿಯಲ್ಲಿ ಸಿನಿಮಾ ಬರಲು ಸಾಧ್ಯವಿಲ್ಲ. ಸ್ವತಃ ಕೆಜಿಎಫ್ ಟೀಮ್‌ಗೆ ಇಂತಹ ಚಿತ್ರವನ್ನು ಮತ್ತೇ ಮಾಡಲು ಸಾಧ್ಯವಿಲ್ಲ" ಎಂದಿದ್ದಾರೆ.

ಕೆಜಿಎಫ್ 2 ಜೊತೆಗೆ ಹೋಲಿಕೆ ಸಮಂಜಸವಲ್ಲ!

ಇನ್ನು ಕೆಜಿಎಫ್ 2 ಚಿತ್ರ ದೊಡ್ಡ ಮಟ್ಟದಲ್ಲಿ ಹೆಸರು ಮಾಡಿದೆ ಅಂತ, ಬೇರೆ ಚಿತ್ರಗಳು ಈ ಚಿತ್ರದ ಹಿಂದೆ ಬೀಳುವುದು ಅಥವಾ ಬೇರೆ ಸಿನಿಮಾಗಳನ್ನು, ಸ್ಟಾರ್ ನಟರ ಚಿತ್ರಗಳನ್ನು ಈ ಚಿತ್ರದ ಜೊತೆಗೆ ಹೋಲಿಕೆ ಮಾಡುವುದು ಸಮಂಜಸವಲ್ಲಾ ಎಂದಿದ್ದಾರೆ. ಕಾರಣ ಬ್ಯುಸಿನೆಸ್ ವಿಚಾರದಲ್ಲಿ ಈ ಚಿತ್ರ ಅಲ್ಟಿಮೆಟ್ ಆಗಿ ನಿಂತಿದೆ. ಕೆಜಿಎಫ್ ಸೂತ್ರ ಬಳಸಿ ಮತ್ತೊಬ್ಬರು ಪ್ಯಾನ್ ಇಂಡಿಯಾ ಅಂತ ಹೋದರೆ ಈ ಯಶಸ್ಸು ಕಾಣುವುದು ಕಷ್ಟವೇ ಎಂದಿದ್ದಾರೆ ಹಿರಿಯ ಪತ್ರಕರ್ತ.

ವಿಕ್ರಾಂತ್ ರೋಣ, ಕ್ರಾಂತಿ, ಕಬ್ಜ ಚಿತ್ರದ ತಾಕತ್ತು ಬೇರೆನೆ!

'ಕೆಜಿಎಫ್ 2' ಚಿತ್ರದ ಜೊತೆಗೆ ಬೇರೆ ಚಿತ್ರಗಳನ್ನು ಹೋಲಿಕೆ ಮಾಡಲು ಸಾಧ್ಯವಿಲ್ಲ. ಇದೇ ವರ್ಷ 'ವಿಕ್ರಾಂತ್ ರೋಣ', 'ಕ್ರಾಂತಿ', 'ಕಬ್ಜ' ಚಿತ್ರಗಳು ದೊಡ್ಡ ವೆಚ್ಚದಲ್ಲಿ, ದೊಡ್ಡ ಮಟ್ಟದಲ್ಲಿ ತಯಾರಾಗುತ್ತಿವೆ. ಆದರೆ ಈ ಚಿತ್ರಗಳನ್ನು ಕೆಜಿಎಫ್ 2 ಚಿತ್ರಗಳೊಂದಿಗೆ ಹೋಲಿಸಲು ಅಸಾಧ್ಯ. ಈ ಚಿತ್ರಗಳಿಗೆ ತನ್ನದೇ ಆದ ಬೇರೆ ರೀತಿ ತಾಕತ್ತು ಇದೆ ಎಂದಿದ್ದಾರೆ ಅವರು.