ಕೆಜಿಎಫ್ ಚಾಪ್ಟರ್ 2 ಅಪ್‌ಡೇಟ್: ಒಂದು ಖುಷಿ, ಇನ್ನೊಂದು ನಿರಾಸೆ

ಪೋಸ್ಟ್ ಪ್ರೊಡಕ್ಷನ್ ಮುಗಿದಿದೆ

ಕೆಜಿಎಫ್ ಚಾಪ್ಟರ್ 2 ಸಿನಿಮಾದ ಪೋಸ್ಟ್ ಪ್ರೊಡಕ್ಷನ್ ಕೆಲಸ ಸಂಪೂರ್ಣವಾಗಿ ಮುಗಿದಿದೆ ಎಂಬ ವಿಚಾರ ಹೊರಬಿದ್ದಿದೆ. ಈ ಸುದ್ದಿಯನ್ನು ಸೌತ್ ಇಂಡಸ್ಟ್ರಿ ಸಿನಿಮಾಗಳ ಬಗ್ಗೆ ಮಾಹಿತಿ ನೀಡಿರುವ ಚಿತ್ರ ವಿಶ್ಲೇಷಕ ಕೌಶಿಕ್ ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಕೆಜಿಎಫ್ 2 ಪ್ಯಾನ್ ಇಂಡಿಯಾ ಬಿಡುಗಡೆಯಾಗುವುದರಿಂದ ಸಹಜವಾಗಿ ಈ ಚಿತ್ರ ಬೆಳವಣಿಗೆ ಕುರಿತು ಎಲ್ಲಾ ಇಂಡಸ್ಟ್ರಿಯವರು ಕಾಯುತ್ತಿದ್ದಾರೆ. ಕೊನೆಗೂ ಸಿನಿಮಾ ಕೆಲಸ ಮುಗಿತು ಎಂದು ಅಭಿಮಾನಿಗಳು ಖುಷಿ ಪಡುತ್ತಿದ್ದಾರೆ.

ಭಾರತದಲ್ಲಿಯೇ ಅತಿ ಹೆಚ್ಚು ಜನ ನೋಡಲು ಕಾಯುತ್ತಿರುವ ಸಿನಿಮಾ ಕೆಜಿಎಫ್ 2!

ಜುಲೈ 16ಕ್ಕೆ ಸಿನಿಮಾ ಡೌಟ್?

ಕೊರೊನಾ ವೈರಸ್ ಎರಡನೇ ಅಲೆಯ ತೀವ್ರತೆ ಗಮನಿಸಿದರೆ ಕೆಜಿಎಫ್ ಸಿನಿಮಾ ಅದಾಗಲೇ ಘೋಷಿಸಿರುವಂತೆ ಜುಲೈ 16ಕ್ಕೆ ರಿಲೀಸ್ ಆಗುವುದು ಬಹುತೇಕ ಅನುಮಾನ. ಕೋವಿಡ್ ಪರಿಸ್ಥಿತಿ ನಿಯಂತ್ರಣವಾಗಬೇಕು. ಆಮೇಲೆ ಚಿತ್ರಮಂದಿರಗಳಿಗೆ 100 ಪರ್ಸೆಂಟ್ ಅವಕಾಶ ಸಿಗಬೇಕು. ಆಗಿದ್ದಲ್ಲಿ ಮಾತ್ರ ಜುಲೈ 16ಕ್ಕೆ ಸಿನಿಮಾ ಬರಲಿದೆ. ಇಲ್ಲವಾದಲ್ಲಿ ಮುಂದೂಡುವ ಸಾಧ್ಯತೆ ಹೆಚ್ಚು. ಇದು ಸಹಜವಾಗಿ ಅಭಿಮಾನಿಗಳಲ್ಲಿ ನಿರಾಸೆ ಉಂಟು ಮಾಡಲಿದೆ.

ಸಲಾರ್ ಚಿತ್ರದಲ್ಲಿ ಪ್ರಶಾಂತ್ ನೀಲ್

ಕೆಜಿಎಫ್ ಚಿತ್ರದ ಚಿತ್ರೀಕರಣ ಮುಗಿಸಿದ ಪ್ರಭಾಸ್ ಜೊತೆ ಸಲಾರ್ ಸಿನಿಮಾ ಆರಂಭಿಸಿರುವ ಪ್ರಶಾಂತ್ ನೀಲ್, ಈಗ ಲಾಕ್‌ಡೌನ್ ಕಾರಣದಿಂದ ಶೂಟಿಂಗ್‌ಗೆ ಬ್ರೇಕ್ ಹಾಕಿದ್ದಾರೆ. ಈ ನಡುವೆ ಕೆಜಿಎಫ್ ಪೋಸ್ಟ್ ಪ್ರೊಡಕ್ಷನ್ ಕೆಲಸ ಪೂರ್ಣ ಪ್ರಮಾಣದಲ್ಲಿ ಮುಕ್ತಾಯವಾಗಿದೆ ಎಂಬ ಮಾಹಿತಿ ಹೊರಬಿದ್ದಿದೆ.

ಕೆಜಿಎಫ್ ಚಿತ್ರದಲ್ಲಿ ಪ್ರಕಾಶ್ ರಾಜ್ ಪಾತ್ರದ ರಹಸ್ಯ ಕೊನೆಗೂ ಬಹಿರಂಗ

Recommended Video

ಕ್ಷಮೆ ಕೇಳಿ ಬೀಸೋ ದೊಣ್ಣೆಯಿಂದ ತಪ್ಪಿಸಿಕೊಂಡ ಸಿಹಿಕಹಿ ಚಂದ್ರು | Filmibeat Kannada

ಒಟಿಟಿ ಬಿಡುಗಡೆ?

ಕಳೆದ ವರ್ಷ ಪೂರ್ತಿ ಕೊರೊನಾ ವೈರಸ್‌ನಿಂದ ಹಾಳಾಗಿದೆ. ಈ ವರ್ಷವೂ ಬಹುತೇಕ ಕೋವಿಡ್‌ಗೆ ಬಲಿ. ಹಾಗಾಗಿ, ಬಿಡುಗಡೆಗೆ ಸಜ್ಜಾಗಿರುವ ಸ್ಟಾರ್ ನಟರ ಚಿತ್ರಗಳು ಏನು ಮಾಡುವುದು ಎಂಬ ಗೊಂದಲ್ಲಿದೆ. ನಿರೀಕ್ಷೆಯ ಚಿತ್ರಗಳ ಪೈಕಿ ಕೆಲವು ಸಿನಿಮಾಗಳು ಒಟಿಟಿ ಕಡೆ ಮುಖ ಮಾಡುವ ಸಾಧ್ಯತೆ ದಟ್ಟವಾಗಿದೆ. ಕೆಜಿಎಫ್ ಚಿತ್ರತಂಡದ ಯೋಜನೆ ಏನು ಇದೆ ಎಂಬುದು ಕುತೂಹಲ ಮೂಡಿಸಿದೆ.