ಯಶ್ ಹಳೆ ಫೋಟೊ ಶೇರ್ ಮಾಡಿ ಭೋಜ್‌ಪುರಿ ನಟ ಎಂದ KRK: ನೆಟ್ಟಿಗರಿಂದ ತರಾಟೆ!

ಭೋಜ್‌ಪುರಿ ನಟನಿಗೆ ಹೋಲಿಸಿದ KRK

'ಕೆಜಿಎಫ್ 2' ಸಿನಿಮಾ ಮೇಲೆ ಕೆಆರ್‌ಕೆಗೆ ಅದ್ಯಾಕೆ ಇಷ್ಟು ಕೋಪವೋ ಏನೋ ಗೊತ್ತಿಲ್ಲ. ಸಿನಿಮಾ ಬಿಡುಗಡೆಯಾದ ದಿನವೇ 'ಕೆಜಿಎಫ್ 2' ಸಿನಿಮಾವನ್ನು ಉಗಿದು ಕೆಮೆಂಟ್ ಮಾಡಿದ್ದರು. ಈಗ ಮತ್ತೆ ಕಾಲು ಕೆರೆದುಕೊಂಡು ಜಗಳಕ್ಕೆ ಬಂದಿದ್ದಾರೆ. ಯಶ್ ಹಳೆಯ ಫೋಟೊವೊಂದನ್ನು ಟ್ವಿಟರ್‌ ಖಾತೆಯಲ್ಲಿ ಶೇರ್ ಮಾಡಿಕೊಂಡು ಭೋಜ್‌ಪುರಿ ನಟನಿಗೆ ಹೋಲಿಸಿದ್ದಾರೆ. "ಬ್ರೋ.. ಯಶ್, ಗಡ್ಡವಿಲ್ಲದೆ ನೀವು ಭೋಜ್‌ಪುರಿ ನಟರಂತೆ ಕಾಣುತ್ತೀರ. ಅದ್ಭುತ, ಸೂಪರ್." ಎಂದು ಟ್ವೀಟ್ ಮಾಡಿದ್ದಾರೆ.

'ಕೆಜಿಎಫ್ 2' ದಾಖಲೆ ಮುರಿಯುವ ತಾಕತ್ತಿರುವ ಸಿನಿಮಾಗಳಿವು!

ಕೆಆರ್‌ಕೆ ತರಾಟೆ ತೆಗೆದುಕೊಂಡ ನೆಟ್ಟಿಗರು

ಯಶ್ ಹಳೆಯ ಫೋಟೊ ಹಂಚಿಕೊಂಡು ಭೋಜ್‌ಪುರಿ ನಟರಂತೆ ಕಾಣುತ್ತೀರ ಎಂದಿರೋ ಕೆಆರ್‌ಕೆಗೆ ನೆಟ್ಟಿಗರು ತರಾಟೆ ತೆಗೆದುಕೊಂಡಿದ್ದಾರೆ. ಕೆಆರ್‌ಕೆ ಹಳೆಯ ಫೋಟೊ ಶೇರ್ ಮಾಡಿ, "ನಿನ್ನ ತಲೆಯಲ್ಲಿ ವಿಗ್ ಇಲ್ಲದಿದ್ದರೆ, ನೀನು ಹೇಗೆ ಕಾಣಿಸುತ್ತೀಯಾ ಅಂತ ನೋಡಿಕೋ." ಒಂದು ಕೆಆರ್‌ಕೆಯ ಹಳೆಯ ಫೋಟೊ ಶೇರ್ ಮಾಡಿದ್ದಾರೆ. ಇನ್ನೊಬ್ಬರು " ಯಶ್ ಹಳೆಯ ಫೋಟೊ ಶೇರ್ ಮಾಡಿ, ಹಾಲಿವುಡ್ ಮೆಟಿರಿಯಲ್ ಕಣೊ." ಅಂತ ಕಿಡಿಕಾರಿದ್ದಾರೆ.

ಬೋಜ್‌ಪುರಿ ನಟರ ಕೆಂಗಣ್ಣಿಗೆ ಕೆಆರ್‌ಕೆ ಗುರಿ

ಕೆಆರ್‌ಕೆ, ಯಶ್ ಹಾಗೂ 'ಕೆಜಿಎಫ್ 2' ಸಿನಿಮಾವನ್ನು ಕಮೆಂಟ್ ಮಾಡುವ ಆತುರದಲ್ಲಿ ಭೋಜ್‌ಪುರಿ ನಟರನ್ನು ಎಳೆದು ತಂದಿದ್ದಾರೆ. ಈ ಕಮೆಂಟ್ ನೋಡಿ ಭೋಜ್‌ಪುರಿ ನಟರನ್ನು ಸುಖಾ ಸುಮ್ಮನೆ ಕೆಣಕಿದಂತಾಗಿದೆ. ಕಮಲ್ ಖಾನ್ ಕಮೆಂಟ್ ನೋಡಿ ಭೋಜ್‌ಪುರಿ ನಟರು ಯಾವ ರೀತಿ ಪ್ರತಿಕ್ರಿಯೆ ನೀಡುತ್ತಾರೆ ಎನ್ನುವುದು ಕಾದು ನೋಡುತ್ತಿದ್ದಾರೆ.

'ಕೆಜಿಎಫ್ 2' ನೋಡಲು ಅಮೆಜಾನ್‌ಗೆ ಹಣವೇಕೆ ಕೊಡಬೇಕು: ನೆಟ್ಟಿಗರ ಪ್ರಶ್ನೆ

'ಕೆಜಿಎಫ್ 2' ಚೆನ್ನಾಗಿಲ್ಲ ಎಂದ ಕೆಆರ್‌ಕೆ

'ಕೆಜಿಎಫ್ 2' ಸಿನಿಮಾ ನೋಡಿ ಕೆಆರ್‌ಕೆ ಕಿಡಿಕಾಡಿದ್ದಾರೆ. ಸಿನಿಮಾ ದೊಡ್ಡ ಟಾರ್ಚರ್ ಎಂದಿದ್ದರು. " ಕೆಜಿಎಫ್ 2 ಬರೋಬ್ಬರಿ 3 ಗಂಟೆ ಟಾಪ್ ಕ್ಲಾಸ್ ಟಾರ್ಚರ್. ಫಿಲ್ಮ್ ಮೇಕಿಂಗ್ ನೆಪದಲ್ಲಿ ಹಣ ಹಾಗೂ ಸಮಯ ಎರಡೂ ವ್ಯರ್ಥವಾಗಿದೆ. ಈ ಸಿನಿಮಾ ಏನಾದರೂ, ಬಾಲಿವುಡ್‌ನಲ್ಲಿ ವರ್ಕ್ ಆದರೆ, ಬಾಲಿವುಡ್ ಕಥೆ ಮುಗಿದಂತೆ. ಯಾಕೆಂದರೆ, ಬಾಲಿವುಡ್ ಇಂತಹ ಸಿನಿಮಾಗಳನ್ನು ಮಾಡಿದರೆ, ಇದು ಗ್ಯಾರಂಟಿ ದುರಂತ." ಎಂದು ಟ್ವೀಟ್ ಮಾಡಿದ್ದರು.