ಕೆಜಿಎಫ್ 2 ಹೊಸ ದಾಖಲೆ: ಭಾರತೀಯ ಚಿತ್ರರಂಗದಲ್ಲೇ ಇದು ಮೊದಲು

ಕೆಜಿಎಫ್ ಟೀಸರ್‌ಗೆ 1M ಕಾಮೆಂಟ್ಸ್

ಯಶ್ ಹುಟ್ಟುಹಬ್ಬದ ಪ್ರಯುಕ್ತ ಹೊಂಬಾಳೆ ಫಿಲಂಸ್ ಯ್ಯೂಟ್ಯೂಬ್ ಚಾನಲ್‌ನಲ್ಲಿ ಕೆಜಿಎಫ್ ಚಾಪ್ಟರ್ 2 ಟೀಸರ್ ತೆರೆಕಂಡಿತ್ತು. ಇದುವರೆಗೂ ಈ ಟೀಸರ್‌ಗೆ ಒಂದು ಮಿಲಿಯನ್ (10 ಲಕ್ಷ - 10,07,501) ಕಾಮೆಂಟ್ಸ್ ಬಂದಿದೆ. ಕೆಜಿಎಫ್ ದಾಖಲೆ ಬೆನ್ನಲ್ಲೆ ''1M COMMENTS FOR KGF2 TEASER" ಹ್ಯಾಷ್‌ಟ್ಯಾಗ್ ಟ್ವಿಟ್ಟರ್‌ನಲ್ಲಿ ಟ್ರೆಂಡ್ ಆಗಿದೆ. ಇದುವರೆಗೂ ಭಾರತದ ಯಾವ ಟೀಸರ್‌ಗೂ ಇಷ್ಟು ಕಾಮೆಂಟ್ಸ್ ಬಂದಿಲ್ಲ.

ಸಡಕ್ ಟ್ರೈಲರ್‌ಗೆ 1.1M ಕಾಮೆಂಟ್ಸ್

ಮಹೇಶ್ ಭಟ್ ನಿರ್ದೇಶಿಸಿದ್ದ ಸಡಕ್ 2 ಚಿತ್ರದ ಟ್ರೈಲರ್‌ಗೆ 1.1 ಮಿಲಿಯನ್ (11.2 ಲಕ್ಷ - 11,26,138) ಕಾಮೆಂಟ್ಸ್ ಬಂದಿದೆ. ಇದು ಟ್ರೈಲರ್, ಕೆಜಿಎಫ್ ಸಿನಿಮಾದ ಟೀಸರ್. ಹಾಗಾಗಿ, ಟೀಸರ್ ವಿಚಾರಕ್ಕೆ ಬಂದ್ರೆ ಕೆಜಿಎಫ್ ಮೊದಲ ಸ್ಥಾನದಲ್ಲಿದೆ. ಸುಶಾಂತ್ ಸಿಂಗ್ ಸಾವಿನ ಬಳಿಕ ತೆರೆಕಂಡಿದ್ದ ಈ ಚಿತ್ರಕ್ಕೆ ಭಾರಿ ವಿರೋಧ ವ್ಯಕ್ತವಾಗಿತ್ತು. ಬಹುತೇಕ ಕಾಮೆಂಟ್ ವಿರೋಧವಾಗಿಯೇ ಇದೆ.

ಟೀಸರ್ ವೀಕ್ಷಣೆ ಎಷ್ಟಿದೆ?

ಕೆಜಿಎಫ್ ಸಿನಿಮಾ ಕನ್ನಡ, ತೆಲುಗು, ತಮಿಳು, ಹಿಂದಿ ಹಾಗೂ ಮಲಯಾಳಂ ಭಾಷೆಯಲ್ಲಿ ತೆರೆಕಾಣಲಿದೆ. ಆದರೆ, ಟೀಸರ್ ಮಾತ್ರ ಯೂನಿವರ್ಸಲ್ ಆಗಿ ಒಂದೇ ಭಾಷೆಯಲ್ಲಿ ರಿಲೀಸ್ ಆಗಿತ್ತು. ಇದುವರೆಗು ಕೆಜಿಎಫ್ ಟೀಸರ್ 188 ಮಿಲಿಯನ್ (18 ಕೋಟಿ) ವೀಕ್ಷಣೆಯಾಗಿದೆ. 8.3 ಮಿಲಿಯನ್ ಲೈಕ್ಸ್ ಇದೆ.

ಪ್ರಶಾಂತ್ ನೀಲ್-ಯಶ್ ಕಾಂಬಿನೇಷನ್

ಪ್ರಶಾಂತ್ ನೀಲ್ ನಿರ್ದೇಶನದ ಕೆಜಿಎಫ್ ಚಾಪ್ಟರ್ 2ರಲ್ಲಿ ಯಶ್, ಸಂಜಯ್ ದತ್, ರವೀನಾ ಟಂಡನ್, ಶ್ರೀನಿಧಿ ಶೆಟ್ಟಿ, ಪ್ರಕಾಶ್ ರಾಜ್, ರಾವ್ ರಮೇಶ್, ವಸಿಷ್ಠ ಸಿಂಹ ಸೇರಿದಂತೆ ಹಲವರು ಕಾಣಿಸಿಕೊಂಡಿದ್ದಾರೆ. ಹೊಂಬಾಳೆ ಸಂಸ್ಥೆ ನಿರ್ಮಾಣ ಮಾಡಿದ್ದು, ರವಿ ಬಸ್ರೂರು ಸಂಗೀತ ನೀಡಿದ್ದಾರೆ.