4ನೇ ದಿನವೂ 'ಕೆಜಿಎಫ್' ಅಬ್ಬರ: ಹಿಂದಿ ಕಲೆಕ್ಷನ್ ಕಂಡು ದಂಗಾದ ಬಾಲಿವುಡ್.!

ನಾಲ್ಕು ದಿನಕ್ಕೆ ಒಟ್ಟು ಕಲೆಕ್ಷನ್?

ಕೆಜಿಎಫ್ ಹಿಂದಿ ವರ್ಷನ್ ಗೆ ಭಾರಿ ಮೆಚ್ಚುಗೆ ಸಿಕ್ಕಿದ್ದು, ನಾಲ್ಕು ದಿನಗಳಲ್ಲಿ ಒಟ್ಟು 12.01 ಕೋಟಿ ಗಳಿಕೆ ಕಂಡಿದೆ ಎಂದು ಖ್ಯಾತ ವಿಶ್ಲೇಷಕ ತರಣ್ ಆದರ್ಶ್ ಟ್ವೀಟ್ ಮಾಡಿದ್ದಾರೆ.

ಸೋಮವಾರದ ಗಳಿಕೆ?

ಮೊದಲ ಮೂರು ದಿನ ಒಳ್ಳೆಯ ಬಿಸಿನೆಸ್ ಮಾಡಿದ್ದ ಕೆಜಿಎಫ್ ಸೋಮವಾರವೂ ಉತ್ತಮ ಗಳಿಕೆ ಕಂಡಿದೆ. ತರಣ್ ಆದರ್ಶ್ ಹೇಳಿರುವ ಪ್ರಕಾರ, ಸೋಮವಾರ 2.90 ಕೋಟಿ ಬಾಚಿಕೊಂಡಿದೆ.

ಮೊದಲ ಮೂರು ದಿನ ಹೇಗಿತ್ತು?

ಅಂದ್ಹಾಗೆ, ಮೊದಲ ದಿನ ಕೆಜಿಎಫ್ ಹಿಂದಿ ವರ್ಷನ್ 2.10 ಕೋಟಿ, ಎರಡನೇ ದಿನ 3 ಕೋಟಿ, ಮೂರನೇ ದಿನ 4.10 ಕಲೆಕ್ಷನ್ ಮಾಡಿತ್ತು. ಹಾಗ್ನೋಡಿದ್ರೆ, ಮೊದಲ ಮೂರು ದಿನದಲ್ಲಿ ಕೆಜಿಎಫ್ ಸಿನಿಮಾ ಅತ್ಯುತ್ತಮ ಗಳಿಕೆಯನ್ನೇ ಕಂಡಿದೆ.

1500 ಸ್ಕ್ರೀನ್ ನಲ್ಲಿ ಕೆಜಿಎಫ್

ಕೆಜಿಎಫ್ ಹಿಂದಿ ವರ್ಷನ್ ಸಿನಿಮಾ 1500 ಸ್ಕ್ರೀನ್ ನಲ್ಲಿ ಬಿಡುಗಡೆಯಾಗಿತ್ತು. ಕನ್ನಡ ಸಿನಿಮಾವೊಂದು ಬಾಲಿವುಡ್ ನಲ್ಲಿ ಇಷ್ಟು ದೊಡ್ಡ ಮಟ್ಟದ ರಿಲೀಸ್ ಕಂಡಿದ್ದು ಇದೇ ಮೊದಲು. ಅದರಲ್ಲೂ ಶಾರೂಖ್ ಸಿನಿಮಾ ಎದುರು ಕೆಜಿಎಫ್ ದಿಟ್ಟೆದೆಯಿಂದ ನಿಂತಿರುವುದು ನಿಜಕ್ಕೂ ಅಚ್ಚರಿ ಮತ್ತು ಒಳ್ಳೆಯ ಬೆಳವಣಿಗೆ.