ಬಿಡುಗಡೆಗೆ ಮೊದಲೇ ಬಿಗ್ ನ್ಯೂಸ್ ಕೊಟ್ಟ 'ಕೆ ಜಿ ಎಫ್' ಕುವರಿ

ಶ್ರೀನಿಧಿ ಪಾಲಾಗುತ್ತಾ ಬಾಲಿವುಡ್ ಸಿನಿಮಾ?

ರಾಷ್ಟ್ರ ಮಟ್ಟದಲ್ಲಿ ಹೆಸರು ಮಾಡುತ್ತಿರುವ 'ಕೆ ಜಿ ಎಫ್' ಮೂಲಕ ಆ ಸಿನಿಮಾದ ನಾಯಕಿ ಶ್ರೀನಿಧಿ ಶೆಟ್ಟಿ ಹೆಸರು ಪ್ರಜ್ವಲಿಸುತ್ತಿದೆ. ಈ ಚಿತ್ರ ಬಿಡುಗಡೆಗೆ ಮುಂಚೆಯೇ ಬಾಲಿವುಡ್ ನ ಖ್ಯಾತ ನಿರ್ದೇಶಕರುಗಳು ಅವರನ್ನು ಸಂಪರ್ಕ ಮಾಡಿದ್ದಾರಂತೆ. ಆ ಸಿನಿಮಾಗಳು ಸದ್ಯ ಮಾತುಕತೆ ಹಂತದಲ್ಲಿ ಇವೆಯಂತೆ.

ಬೇರೆ ಬೇರೆ ಚಿತ್ರರಂಗದಿಂದ ಕರೆಗಳು

ಹಿಂದಿ ಮಾತ್ರವಲ್ಲದೆ ತಮಿಳು, ತೆಲುಗು ಸಿನಿಮಾಗಳಿಂದ ಕೂಡ ಶ್ರೀನಿಧಿ ಅವಕಾಶಗಳು ಬರುತ್ತಿದೆಯಂತೆ. ಸಿನಿಮಾದ ಟ್ರೇಲರ್ ಐದು ಭಾಷೆಗಳಲ್ಲಿ ಬಿಡುಗಡೆಯಾಗಿದ್ದು, ಎಲ್ಲ ಭಾಷೆಯಲ್ಲಿ ಹಿಟ್ ಆಗಿದೆ. ಹೀಗಿರುವಾಗ ಸಾಮಾನ್ಯವಾಗಿಯೇ ಚಿತ್ರದ ನಾಯಕಿಯ ಮೇಲೆ ಎಲ್ಲರ ಕಣ್ಣು ಬಿದ್ದಿದೆ.

ಸದ್ಯಕ್ಕೆ 'ಕೆ ಜಿ ಎಫ್' ಅಷ್ಟೇ

ಶ್ರೀನಿಧಿ ಶೆಟ್ಟಿ ಪೋರ್ಟ್ ಪೊಲೀಯೋ ಬಿ ಟೌನ್ ತಲುಪಿದೆಯಂತೆ. ಅಲ್ಲಿಂದ ಕೆರೆಗಳು ಬರುತ್ತಿದ್ದು, ಸದ್ಯಕ್ಕೆ ಬೇರೆ ಸಿನಿಮಾಗಳ ಬಗ್ಗೆ ಗಮನ ಹರಸದೆ 'ಕೆ ಜಿ ಎಫ್' ಚಿತ್ರದ ಬಗ್ಗೆಯಷ್ಟೇ ಗಮನ ನೀಡುತ್ತಿದ್ದಾರಂತೆ. ಅಲ್ಲದೆ ಸಿನಿಮಾ ಯಾವಾಗ ಬಿಡುಗಡೆ ಆಗುತ್ತದೆ ಎನ್ನುವ ಕಾತುರದಲ್ಲಿ ಇದ್ದಾರಂತೆ.

ಮಿಸ್ ಸುಪ್ರನ್ಯಾಷನಲ್

ಮೂಲತಃ ಮಂಗಳೂರಿನ ಹುಡುಗಿಯಾಗಿರುವ ಶ್ರೀನಿಧಿ ಶೆಟ್ಟಿ ಪೊಲೆಂಡ್ ನಲ್ಲಿ ನಡೆದ ಮಿಸ್ ಸುಪ್ರನ್ಯಾಷನಲ್-2016ರ ಸೌಂದರ್ಯ ಸ್ಪರ್ಧೆಯಲ್ಲಿ ವಿಜೇತರಾಗಿದ್ದರು. ಅದೇ ಸಮಯದ 'ಕೆ ಜಿ ಎಫ್' ಸಿನಿಮಾದ ಆಫರ್ ಅವರಿಗೆ ಸಿಕ್ಕಿತು. ಈ ಚಿತ್ರದ ಅವರ ಸಿನಿ ಜೀವನದ ಮೊದಲ ಸಿನಿಮಾ ಆಯ್ತು.

ಡಿಸೆಂಬರ್ 21ಕ್ಕೆ ಬಿಡುಗಡೆ

ಅಂದಹಾಗೆ, 'ಕೆ ಜಿ ಎಫ್' ಸಿನಿಮಾ ಡಿಸೆಂಬರ್ 21ಕ್ಕೆ ಬಿಡುಗಡೆ ಆಗುತ್ತಿದೆ. ಐದು ಭಾಷೆಗಳಲ್ಲಿ ಸಿನಿಮಾ ತೆರೆಗೆ ಬರಲಿದ್ದು, ದೊಡ್ಡ ಮಟ್ಟದ ಕ್ರೇಜ್ ಸೃಷ್ಟಿ ಮಾಡಿದೆ. ಪ್ರಶಾಂತ್ ನೀಲ್ ಚಿತ್ರದ ನಿರ್ದೇಶನ ಮಾಡಿದ್ದು, ಹೊಂಬಾಳೆ ಬ್ಯಾನರ್ ನಲ್ಲಿ ಚಿತ್ರ ನಿರ್ಮಾಣವಾಗಿದೆ.