25 ದಿನಗಳನ್ನು ಪೂರೈಸಿದ 'ಕೆಜಿಎಫ್' ಸಿನಿಮಾ

Recommended Video

'ಕೆಜಿಎಫ್' ಸಿನಿಮಾ ದಾಖಲೆಗಳ ಮೇಲೆ ದಾಖಲೆಯನ್ನು ಮಾಡುತ್ತಿದೆ. ಈಗ ಸಿನಿಮಾ ಯಶಸ್ವಿ 25 ದಿನಗಳನ್ನು ಪೂರೈಸಿ ಮುನ್ನುಗುತ್ತಿದೆ. ಡಿಸೆಂಬರ್ 21ಕ್ಕೆ ಬಿಡುಗಡೆಯಾಗಿದ್ದ ಈ ಚಿತ್ರ ನಾಳೆಗೆ ಸರಿಯಾಗಿ 25 ದಿನಗಳನ್ನ ಕಂಪ್ಲೀಟ್ ಮಾಡಲಿದೆ.

ಕನ್ನಡದ ಈ ಹೆಮ್ಮೆಯ ಸಿನಿಮಾ ದೇಶ ಮಟ್ಟದಲ್ಲಿ ಗುರುತಿಸಿಕೊಂಡಿದೆ. ಕನ್ನಡ ಚಿತ್ರರಂಗ ಇತಿಹಾಸಲ್ಲಿ ಬಂದ ದೊಡ್ಡ ಚಿತ್ರಗಳಲ್ಲಿ ಈ ಚಿತ್ರ ಪ್ರಮುಖವಾಗಿದೆ. ಬಾಕ್ಸ್ ಆಫೀಸ್ ನಲ್ಲಿ 200 ಕೋಟಿ ಗಳಿಕೆ ಮಾಡಿದೆ. ನೂರು ಕೋಟಿ ಕ್ಲಬ್ ದಾಟಿದ ಕನ್ನಡದ ಮೊದಲ ಸಿನಿಮಾವಾಗಿದೆ.

ಐದು ಭಾಷೆಗಳಲ್ಲಿ ಸಿನಿಮಾ ಬಿಡುಗಡೆಯಾಗಿದ್ದು, ಕನ್ನಡ, ಹಿಂದಿ, ತೆಲುಗು ಹಾಗೂ ತಮಿಳಿನಲ್ಲಿ ಸಿನಿಮಾ ಹಿಟ್ ಆಗಿದೆ. ಬಾಲಿವುಡ್ ನಲ್ಲಿ ಸಿನಿಮಾ 41 ಕೋಟಿ ಕಲೆಕ್ಷನ್ ಮಾಡಿದೆ. ಕಳೆದ ವರ್ಷದ ಬಿ ಟೌನ್ ಗೆ ಹೋದ ಸೌತ್ ಸಿನಿಮಾಗಳಲ್ಲಿ 'ಕೆಜಿಎಫ್' ದೊಡ್ಡ ಹೆಸರು ಮಾಡಿದೆ.

ಸಿನಿಮಾಗೆ ಒಳ್ಳೆಯ ಟಾಕ್ ಇರುವ ಕಾರಣ 25 ದಿನಗಳ ಆದರೂ ಸಿನಿಮಾ ಕಲೆಕ್ಷನ್ ಕಡಿಮೆ ಆಗುತ್ತಿಲ್ಲ. ಜನ ಕೂಡ ಚಿತ್ರಮಂದಿರದ ಕಡೆಗೆ ಬರುವುದು ನಿಲ್ಲಿಸಿಲ್ಲ. ಈ ವಾರ ಸಂಕ್ರಾತಿ ಹಬ್ಬ ಇರುವ ಕಾರಣ ಚಿತ್ರದ ಗಳಿಕೆಯಲ್ಲಿ ಏರಿಕೆ ಆಗಬಹುದು.

ಅಂದಹಾಗೆ, 'ಕೆಜಿಎಫ್' ಪ್ರಶಾಂತ್ ನೀಲ್ ನಿರ್ದೇಶನ ಎರಡನೇ ಸಿನಿಮಾವಾಗಿದ್ದು, ವಿಜಯ್ ಕಿರಗಂದೂರು ಸಿನಿಮಾದ ನಿರ್ಮಾಣ ಮಾಡಿದ್ದರು.