ಬೆಳಿಗ್ಗೆ 6 ಗಂಟೆಗೂ ಮೊದಲೇ ಈ ಚಿತ್ರಮಂದಿರಗಳಲ್ಲಿ 'ಕೆಜಿಎಫ್' ನೋಡಬಹುದು.!

ಚಂದ್ರೋದಯದಲ್ಲಿ ಫಸ್ಟ್ ಶೋ

ವಿದ್ಯಾಪೀಠ ಸರ್ಕಲ್ ನಲ್ಲಿರುವ ಚಂದ್ರೋದಯ ಚಿತ್ರಮಂದಿರದಲ್ಲಿ ಬೆಳಿಗ್ಗೆ 4 ಗಂಟೆಗೆ 'ಕೆಜಿಎಫ್' ಚಿತ್ರದ ಮೊದಲ ಶೋ ಪ್ರದರ್ಶನವಾಗಲಿದೆ. ಮೊದಲ ದಿನ ಒಟ್ಟು ಏಳು ಶೋ ನಡೆಯಲಿದೆ. ಟಿಕೆಟ್ ಬೆಲೆ 200 ಮತ್ತು 150ರೂ ಇದೆ. ನಾಲ್ಕು ಹಾಗೂ ಏಳು ಗಂಟೆ ಶೊ ಸೋಲ್ಡ್ ಔಟ್ ಆಗಿದೆ.

ರೆಕ್ಸ್ ಚಿತ್ರಮಂದಿರದಲ್ಲಿ ಎಷ್ಟು ಗಂಟೆಗೆ?

ಇನ್ನು ಬ್ರಿಗೇಡ್ ರಸ್ತೆಯಲ್ಲಿರುವ ರೆಕ್ಸ್ ಚಿತ್ರಮಂದಿರದಲ್ಲೂ ಕೆಜಿಎಫ್ ಬಿಡುಗಡೆಯಾಗುತ್ತಿದ್ದು, ಒಟ್ಟು ನಾಲ್ಕು ಶೋ ಪ್ರದರ್ಶನವಾಗ್ತಿದೆ. ಮೊದಲ ಶೋ ಬೆಳಿಗ್ಗೆ 5.25ಕ್ಕೆ ಆರಂಭವಾಗಲಿದೆ. ಇಲ್ಲಿ ಟಿಕೆಟ್ ಇನ್ನು ಮಾರಾಟಕ್ಕಿದೆ. ಟಿಕೆಟ್ ಬೆಲೆ 400 ಮತ್ತು 300 ರೂಪಾಯಿ.

ತುಳಸಿ ಚಿತ್ರಮಂದಿರ?

ಮಾರತ್ ಹಳ್ಳಿಯಲ್ಲಿರುವ ತುಳಸಿ ಚಿತ್ರಮಂದಿರಲ್ಲೂ ಕೆಜಿಎಫ್ ಎಂಟ್ರಿಯಾಗುತ್ತಿದ್ದು, ಒಟ್ಟು ಏಳು ಶೋ ಪ್ರದರ್ಶನವಾಗ್ತಿದೆ. ಬೆಳಿಗ್ಗೆ ನಾಲ್ಕು ಗಂಟೆಗೆ ಮೊದಲ ಪ್ರದರ್ಶನವಾಗ್ತಿದೆ. ಇಲ್ಲಿ ಟಿಕೆಟ್ ಬೆಲೆ 250, 200, 150 ರೂಪಾಯಿ. 4 ಗಂಟೆ ಶೋ ಸೋಲ್ಡ್ ಔಟ್ ಆಗಿದೆ.

ಊರ್ವಶಿ ಚಿತ್ರಮಂದಿರ?

ಬೆಂಗಳೂರಿನ ಲಾಲ್ ಬಾಗ್ ಬಳಿಯಿರುವ ಊರ್ವಶಿ ಚಿತ್ರಮಂದಿರದಲ್ಲಿ ಕೆಜಿಎಫ್ ಸಿನಿಮಾ ರಿಲೀಸ್ ಆಗ್ತಿದ್ದು, ಬೆಳಿಗ್ಗೆ 4 ಗಂಟೆಗೆ ಫಸ್ಟ್ ಶೋ ಪ್ರದರ್ಶನವಾಗ್ತಿದೆ. ಮೊದಲ ದಿನ ಒಟ್ಟು ಆರು ಶೋಗಳಿದ್ದು, 350, 256, 200 ರೂಪಾಯಿ ಟಿಕೆಟ್ ಬೆಲೆ ಹೊಂದಿದೆ. 4 ಮತ್ತು 7 ಗಂಟೆ ಶೋ ಸೋಲ್ಡ್ ಔಟ್ ಆಗಿದೆ.

ವೈನಿಧಿ ಸಿಂಗಾಪೂರ

ಸಿಂಗಾಪೂರದಲ್ಲಿರುವ ವೈನಿಧಿ ಚಿತ್ರಮಂದಿರದಲ್ಲೂ ಕೆಜಿಎಫ್ ಸಿನಿಮಾ ಮುಂಜಾನೆಯೇ ಪ್ರದರ್ಶನವಾಗಲಿದೆ. ಒಟ್ಟು ಆರು ಶೋಗಳು ಈ ಚಿತ್ರಮಂದಿರದಲ್ಲಿದ್ದು, 200, 150 ಟಿಕೆಟ್ ಬೆಲೆ ಹೊಂದಿದೆ.

6 ಗಂಟೆ ಶೋ ಎಲ್ಲೆಲ್ಲಿದೆ?

ಹೊಸೂರು ಮುಖ್ಯರಸ್ತೆಯಲ್ಲಿರುವ ನರಸಿಂಹ ಚಿತ್ರಮಂದಿರ (7). ಪೀಣ್ಯದ ಭಾರತಿ ಚಿತ್ರಮಂದಿರ (6.30), ಬನಶಂಕರಿಯ ಈಶ್ವರಿ (6.30), ಕಾಮಾಕ್ಯ (6.15), ಬನಶಂಕರಿಯ ಮಹದೇಶ್ವರ (6.30), ರಾಧಕೃಷ್ಣ ಆರ್.ಟಿ ನಗರ್ (6.30), ಶಾರದ (6), ಶ್ರೀವೆಂಕಟೇಶ್ವರ ಕೆಂಗೇರಿ (7), ಶ್ರೀವಿನಾಯಕ ವರ್ತೂರ್ (6.05), ತಿರುಮಲ ಅಗರ (6) ಚಿತ್ರಮಂದಿರಗಳಲ್ಲಿ ಬೆಳಿಗ್ಗಿನ ಶೋ ಆರಂಭವಾಗಲಿದೆ.