ಯಶ್ ಹುಟ್ಟುಹಬ್ಬಕ್ಕೆ 'ಕೆ.ಜಿ.ಎಫ್' ಟೀಂ ಕಡೆಯಿಂದ ಉಡುಗೊರೆ

ನಟ ಯಶ್ ಅವರ ಈ ವರ್ಷದ ಹುಟ್ಟುಹಬ್ಬಕ್ಕೆ 'ಕೆ.ಜಿ.ಎಫ್' ಚಿತ್ರತಂಡದಿಂದ ಅಭಿಮಾನಿಗಳಿಗೆ ಉಡುಗೊರೆಯೊಂದು ಸಿಗಲಿದೆ. 'ಕೆ.ಜಿ.ಎಫ್' ಚಿತ್ರದ ಟೀಸರ್ ಯಶ್ ಬರ್ತ್ ಡೇ ವಿಶೇಷವಾಗಿ ರಿಲೀಸ್ ಆಗಲಿದೆ.

'ಕೆ.ಜಿ.ಎಫ್' ಸಿನಿಮಾದ ಎರಡು ಪೋಸ್ಟರ್ ಗಳು ಬಿಟ್ಟರೆ ಬೇರೆ ಯಾವುದೇ ಪೋಸ್ಟರ್ ಹಾಗೂ ಟೀಸರ್ ಗಳು ಇದುವರೆಗೂ ಹೊರಬಂದಿಲ್ಲ. ಪ್ರತಿ ಹಂತದಲ್ಲಿಯೂ ಆದಷ್ಟು ಸಿನಿಮಾದ ಗೌಪ್ಯತೆಯನ್ನು ನಿರ್ದೇಶಕ ಪ್ರಶಾಂತ್ ನೀಲ್ ಕಾಪಾಡಿಕೊಂಡು ಬಂದಿದ್ದಾರೆ. ಆದರೆ ಇದೀಗ ಜನವರಿ 8ಕ್ಕೆ, ಅಂದರೆ ಯಶ್ ಹುಟ್ಟುಹಬ್ಬಕ್ಕೆ ಅಭಿಮಾನಿಗಳಿಗೆ ಟೀಸರ್ ಗಿಫ್ಟ್ ನೀಡುವ ಪ್ಲಾನ್ ಚಿತ್ರತಂಡ ಮಾಡಿಕೊಂಡಿದೆ.

ಉಳಿದಂತೆ 'ಕೆ.ಜಿ.ಎಫ್' ಸಿನಿಮಾ ಈಗಾಗಲೇ ದೊಡ್ಡ ನಿರೀಕ್ಷೆಯನ್ನು ಹುಟ್ಟಿಸಿದೆ. ಚಿತ್ರದಲ್ಲಿ ಯಶ್ ಜೊತೆ ಶ್ರೀನಿಧಿ ಶೆಟ್ಟಿ ಜೋಡಿಯಾಗಿ ನಟಿಸಿದ್ದಾರೆ. ಸದ್ಯ ಸಿನಿಮಾದ ಚಿತ್ರೀಕರಣ ಭರ್ಜರಿಯಾಗಿ ನಡೆಯುತ್ತಿದೆ.