ರಜನಿಯ '2.0' ಚಿತ್ರದ ಹಾದಿಯಲ್ಲಿ ಕನ್ನಡದ 'ಕೆಜಿಎಫ್'.!

ಚೆನ್ನೈನಲ್ಲಿ ಸುದ್ದಿ ಮಾಡಿದ್ದ '2.0'

ಶನಿವಾರ ಚೆನ್ನೈನಲ್ಲಿ ನಡೆದ '2.0' ಚಿತ್ರದ ಟ್ರೈಲರ್ ಲಾಂಚ್ ತುಂಬಾ ವಿಶೇಷವಾಗಿತ್ತು. ಯಾಕಂದ್ರೆ, ಈ ಕಾರ್ಯಕ್ರಮಕ್ಕೆ ಆಲ್ ಇಂಡಿಯಾ ಮೀಡಿಯಾಗಳಿಗೆ ಆಹ್ವಾನ ನೀಡಲಾಗಿತ್ತು. ಸ್ವತಃ ಚಿತ್ರತಂಡವೇ ಬೇರೆ ಬೇರೆ ರಾಜ್ಯದ ಮಾಧ್ಯಮ ವರದಿಗಾರರಿಗೆ ಪ್ರಯಾಣದ ವೆಚ್ಚವನ್ನ ಭರಿಸಿ ಚೆನ್ನೈಗೆ ಕರೆಯಿಸಿಕೊಂಡಿತ್ತು. ಕನ್ನಡ, ತೆಲುಗು, ಹಿಂದಿ, ಮಲಯಾಳಂ ಸೇರಿದಂತೆ ಎಲ್ಲಾ ಭಾಷೆಯ ಮಾಧ್ಯಮದವರು ಚೆನ್ನೈಗೆ ಹೋಗಿದ್ದರು.

ಬೆಂಗಳೂರಿನಲ್ಲಿ 'ಕೆಜಿಎಫ್'

ಚೆನ್ನೈನಲ್ಲಿ '2.0' ಸಿನಿಮಾದ ಟ್ರೈಲರ್ ಬಿಡುಗಡೆಯಾದಂತೆ ಕನ್ನಡದ ಕೆಜಿಎಫ್ ಸಿನಿಮಾದ ಟ್ರೈಲರ್ ಕೂಡ ಬಿಡುಗಡೆಯಾಗಲಿದೆ. ನವೆಂಬರ್ 9 ರಂದು ಕೆಜಿಎಫ್ ಸಿನಿಮಾ ಟ್ರೈಲರ್ ರಿಲೀಸ್ ಆಗುತ್ತಿದ್ದು, ಎಲ್ಲಾ ಭಾಷೆಯ ಮಾಧ್ಯಮದವರು ಬೆಂಗಳೂರಿಗೆ ಆಗಮಿಸಲಿದ್ದಾರಂತೆ.

ಭಾರತದಲ್ಲೇ ಅಬ್ಬರಿಸುವ ಪ್ಲಾನ್.!

ಅಂದ್ಹಾಗೆ, ಯಶ್ ಅಭಿನಯದ 'ಕೆಜಿಎಫ್' ಸಿನಿಮಾ ಕನ್ನಡದ ಮಾತ್ರವಲ್ಲ, ತೆಲುಗು, ತಮಿಳು ಮತ್ತು ಹಿಂದಿ ಭಾಷೆಯಲ್ಲೂ ತೆರೆಕಾಣುತ್ತಿದೆ. ಹೀಗಾಗಿ, ಕನ್ನಡದ ಸಿನಿಮಾವೊಂದು ಬಹುಭಾಷೆಯಲ್ಲಿ ಅಬ್ಬರಿಸುವ ಮೂಲಕ ಹೊಸ ಇತಿಹಾಸ ಸೃಷ್ಟಿಸಲು ಸಿದ್ಧವಾಗುತ್ತಿದೆ.

ಶಾರೂಖ್ ಗೆ ಶಾಕ್ ಕೊಡ್ತಾರಾ ಯಶ್.!

ಇನ್ನು ಕೆಜಿಎಫ್ ಸಿನಿಮಾ ಡಿಸೆಂಬರ್ 21 ರಂದು ಬಿಡುಗಡೆಯಾಗಲಿದೆ. ಹಿಂದಿಯಲ್ಲಿ ದೊಡ್ಡ ಮಟ್ಟದಲ್ಲಿ ರಿಲೀಸ್ ಮಾಡಲಾಗುತ್ತಿದೆ. ಅದೇ ದಿನ ಶಾರೂಖ್ ಖಾನ್ ಅಭಿನಯದ 'ಜೀರೋ' ಸಿನಿಮಾನೂ ತೆರೆಗೆ ಬರ್ತಿರುವುದು ವಿಶೇಷ. ಹೀಗಾಗಿ, ಬಾಲಿವುಡ್ ನಲ್ಲಿ ಶಾರೂಖ್ ಸಿನಿಮಾಗೆ ಯಶ್ ಸಿನಿಮಾ ಶಾಕ್ ಕೊಡುತ್ತಾ ಎಂಬ ನಿರೀಕ್ಷೆ ಹುಟ್ಟಿಕೊಂಡಿದೆ.