ದುಬಾರಿ ಕಾರು ಖರೀದಿಸಿದ 'ಕೆಜಿಎಫ್' ಗರುಡ: ಮೊದಲು ಭೇಟಿ ಮಾಡಿದ್ದು ಯಾರನ್ನ?

ದುಬಾರಿ ಕಾರು ಯಾವುದು?

'ಕೆಜಿಎಫ್' ಯಶಸ್ಸಿನ ಖುಷಿಯಲ್ಲಿರುವ ಗರುಡ ಫಾರ್ಚೂನರ್ ಕಾರು ಖರೀದಿಸಿದ್ದಾರೆ. ಬಿಳಿ ಬಣ್ಣದ ಫಾರ್ಚೂನರ್ ಕೊಂಡುಕೊಂಡ ರಾಮ್ ಕಾರಿನ ಮೇಲೆ ಅವರಿಗೆ ಇಷ್ಟವಾದ ಮತ್ತು ದೊಡ್ಡ ಮಟ್ಟಕ್ಕೆ ಖ್ಯಾತಿ ತಂದುಕೊಟ್ಟ 'ಗರುಡ' ಪ್ರತಿಮೆ ಹಾಕಿಸಿಕೊಂಡಿರುವುದು ವಿಶೇಷ.

ಯಶ್ ಭೇಟಿ ಮಾಡಿದ ಗರುಡ

ಕಾರು ಖರೀದಿಸಿದ ಖುಷಿಯನ್ನು ನಟ ಮತ್ತು ಗೆಳೆಯ ಯಶ್ ಜೊತೆ ಹಂಚಿಕೊಂಡಿದ್ದಾರೆ. ಪಾರ್ಚೂನರ್ ಕೊಂಡುಕೊಂಡು ನೇರವಾಗಿ ಯಶ್ ಮನೆಗೆ ಹೋಗಿ ಹೊಸ ಕಾರನ್ನು ಯಶ್ ಗೆ ತೋರಿಸಿದ್ದಾರೆ. ಹೊಸ ಕಾರು ನೋಡಿ ಸಂತಸ ಪಟ್ಟ ಯಶ್ ಗರುಡ ಅವರಿಗೆ ಶುಭಾಶಯ ತಿಳಿಸಿದ್ದಾರೆ. ಅಲ್ಲದೆ ಕಾರಿನ ಜೊತೆ ನಿಂತು ಫೋಟೋಗೆ ಪೋಸ್ ಕೂಡ ನೀಡಿದ್ದಾರೆ.

ರಾಕಿಂಗ್ ಸ್ಟಾರ್ ಮೇಲಿನ ಅಭಿಮಾನ

ರಾಕಿಂಗ್ ಸ್ಟಾರ್ ಮತ್ತು ರಾಮ್ ಇಬ್ಬರು ಬಹುಕಾಲದ ಗೆಳೆಯರು. ರಾಮ್ ಯಾವಾಗಲೂ ಯಶ್ ಜೊತೆಯೇ ಇರುತ್ತಿದ್ದರು. ಅಲ್ಲದೆ 'ಕೆಜಿಎಫ್' ಸಿನಿಮಾದಲ್ಲಿ ಗರುಡ ಅಂತಹ ಪಾತ್ರಕ್ಕೆ ಬಣ್ಣ ಹಚ್ಚಲು ಅವಕಾಶ ಮಾಡಿಕೊಟ್ಟ ಯಶ್ ಮೇಲೆ ರಾಮ್ ಗೆ ಅಭಿಮಾನ, ಪ್ರೀತಿ, ಗೌರವ ಹೆಚ್ಚಿದೆ. ಇದೇ ಕಾರಣಕ್ಕೆ ಕಾರು ಖರೀದಿಸಿದ ನಂತರ ನೇರವಾಗಿ ಯಶ್ ಮನೆಗೆ ಬಂದು ಯಶ್ ಗೆ ಹೊಸ ಕಾರನ್ನು ತೋರಿಸಿದ್ದಾರೆ.

ಕಾರ್ತಿ-ರಶ್ಮಿಕಾ ಚಿತ್ರದಲ್ಲಿ ವಿಲನ್

'ಕೆಜಿಎಫ್' ಸಿನಿಮಾ ದೊಡ್ಡ ಮಟ್ಟಿಗೆ ಯಶಸ್ಸು ಕಾಣುತ್ತಿದ್ದಂತೆ ರಾಮ್ ಅವರಿಗೆ ಅವಕಾಶಗಳು ಹುಡುಕಿಕೊಂಡು ಬರುತ್ತಿವೆ. ಸ್ಯಾಂಡಲ್ ವುಡ್ ಮಾತ್ರವಲ್ಲದೆ ಪರಭಾಷೆಯಿಂದಲೂ ಗರುಡಗೆ ಅವಕಾಶಗಳು ಅರಸಿಬರುತ್ತಿವೆ. ಇದೇ ಖುಷಿಯಲ್ಲಿ ತಮಿಳು ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ. ತಮಿಳಿನಲ್ಲಿ ರಶ್ಮಿಕಾ ಮಂದಣ್ಣ ಮತ್ತು ಕಾರ್ತಿಕ್ ಅಭಿನಯದ ಸಿನಿಮಾದಲ್ಲಿ ರಾಮ್ ವಿಲನ್ ಆಗಿ ಅಬ್ಬರಿಸಲಿದ್ದಾರೆ.