ಲಾರ್ಡ್ಸ್ ಮೈದಾನದಲ್ಲಿ ಮೊದಲ ಪಂದ್ಯ ಗೆದ್ದು ಬೀಗಿದ ಸುದೀಪ ತಂಡ

Recommended Video

ಸ್ಯಾಂಡಲ್ ವುಡ್ ಮಾಣಿಕ್ಯ ಕಿಚ್ಚ ಸುದೀಪ ತೆರೆ ಮೇಲೆ ಮಾತ್ರ ಅಬ್ಬರಿಸುವುದಿಲ್ಲ. ಬ್ಯಾಟ್ ಹಿಡಿದು ಮೈದಾನಕ್ಕೆ ಇಳಿದ್ರೆ ಸಿಕ್ಸ್-ಫೋರ್ ಗಳ ಸುರಿಮಳೆ ಹರಿಸಿ ಆರ್ಭಟಿಸುತ್ತಾರೆ. ಕ್ರಿಕೆಟ್ ಅಂದ್ರೆ ಕಿಚ್ಚನಿಗೆ ಪಂಚ ಪ್ರಾಣ ಎನ್ನುವುದು ಎಲ್ಲರಿಗೂ ಗೊತ್ತಿರುವುದೆ. ಹಾಗಾಗಿ ಆಗಾಗ ಚಿತ್ರೀಕರಣದಿಂದ ಕೊಂಚ ಬ್ರೇಕ್ ಪಡೆದು ಕ್ರಿಕೆಟ್ ಅಂಗಳದಲ್ಲಿ ಕಾಣಿಸಿಕೊಳ್ಳುತ್ತಿರುತ್ತಾರೆ.

ಸದ್ಯ ಕಿಚ್ಚನ ತಂಡ ಕ್ರಿಕೆಟ್ ಆಡಲು ಇಂಗ್ಲೆಂಡ್ ಕಡೆ ಪಯಣ ಬೆಳೆಸಿ ದಿನಗಳೆ ಆಗಿವೆ. ಪ್ರತಿವರ್ಷ ನಡೆಯುವ ಕಾರ್ಪೊರೇಟ್ ಕ್ರಿಕೆಟ್ ಲೀಗ್ ನಲ್ಲಿ ಸುದೀಪ ಮತ್ತು ತಂಡದವರು ಭಾಗಿಯಾಗುತ್ತಾರೆ. ಸಿನಿಮಾ ಸೆಲೆಬ್ರಿಟಿಗಳ ಜೊತೆ ವೃತ್ತಿ ನಿರತ ಆಟಗಾರರು ಸೇರಿ ನಡೆಸುವ ಕ್ರಿಕೆಟ್ ಪಂದ್ಯವಿದು.

ಕ್ರಿಕೆಟ್ ಕಾಶಿ ಲಾರ್ಡ್ಸ್ ನಲ್ಲಿ ಮೊದಲ ಪಂದ್ಯ ಆಡಿದ್ದು, ಮೊದಲ ಪಂದ್ಯದಲ್ಲೆ ಜಯಭೇರಿ ಭಾರಿಸಿ ಗೆದ್ದು ಬೀಗಿದ್ದಾರೆ. ಸುದೀಪ ತಂಡದಲ್ಲಿ ಪ್ರದೀಪ್ ಮತ್ತು ರಾಜೀವ್ ಕೂಡ ಇದ್ದಾರೆ. ಮೊದಲ ಪಂದ್ಯ ಗೆದ್ದ ಖುಷಿಯನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ ಪ್ರದೀಪ್.

ಇಂಗ್ಲೆಂಡ್ ನಲ್ಲಿ ಒಂದೆಡೆ ವಿಶ್ವಕಪ್ ಅಬ್ಬರ ಜೋರಾಗಿದೆ. ಮತ್ತೊಂದೆಡೆ ಕಿಚ್ಚ ಲಾರ್ಡ್ಸ್ ಮೈದಾನದಲ್ಲಿ ಅಬ್ಬರಿಸುತ್ತಿದ್ದಾರೆ. ಮೊನ್ನೆ ಮೊನ್ನೆಯಷ್ಟೆ ಅಭಿನಯ ಚಕ್ರವರ್ತಿ ದಿ ಓವೆಲ್ ಮೈದಾನದಲ್ಲಿ ಕುಳಿತು ಇಂಡಿಯಾ ಮತ್ತು ಆಸ್ಟ್ರೇಲಿಯಾ ಪಂದ್ಯ ನೋಡಿ ಸಖತ್ ಎಂಜಾಯ್ ಮಾಡಿದ್ರು.

ಸುದೀಪ ಈಗಾಗಲೆ ಅನೇಕ ಕ್ರಿಕೆಟ್ ಲೀಗ್ ಗಳಲ್ಲಿ ಭಾಗಿಯಾಗಿ ಮೈದಾನದಲ್ಲಿ ರನ್ ಗಳ ಸುರುಮಳೆ ಹರಿಸಿದ್ದಾರೆ. ಕೆಪಿಎಲ್, ಸಿಸಿಎಲ್, ಕೆಸಿಸಿ ಸೇರಿದಂತೆ ಹಲವು ಆವೃತ್ತಿಯ ಕ್ರಿಕೆಟ್ ಆಡಿ ಕೈಚಳಕ ತೋರಿಸಿದ್ದಾರೆ. ಈಗ ಲಾರ್ಡ್ಸ್ ನಲ್ಲಿ ಆಡುತ್ತಿದ್ದಾರೆ. ಕಳೆದ ವರ್ಷ ಕಿಚ್ಚನ ಟೀಂ ಗೆದ್ದು ಚಾಂಪಿಯನ್ ಆಗಿ ಹೊರಹೊಮ್ಮಿದ್ರು. ಈ ಬಾರಿ ಕೂಡ ಚಾಂಪಿಯನ್ ಪಟ್ಟ ಅಲಂಕರಿಸಲಿ ಎಂದು ಅಭಿಮಾನಿಗಳು ಶುಭ ಹಾರೈಸುತ್ತಿದ್ದಾರೆ.