Don't Miss!
- News ತುಷ್ಟೀಕರಣ ರಾಜಕೀಯಕ್ಕೆ ಮುಸ್ಲೀಮರಿಗೆ ಮೀಸಲಾತಿಗೆ ಕಾಂಗ್ರೆಸ್ ಬೆಂಬಲ: ಬಸವರಾಜ ಬೊಮ್ಮಾಯಿ ಕಿಡಿ
- Automobiles Hero: ಮಧ್ಯಮ ವರ್ಗದವರ ನೆಚ್ಚಿನ ಬೈಕ್.. ರೂ.75 ಸಾವಿರ ಬೆಲೆ.. ಮೈಲೇಜ್ನಲ್ಲಿ ಸರಿ ಸಾಟಿಯಿಲ್ಲ!
- Lifestyle 3ನೇ ಬಾರಿ ಬಾಹ್ಯಾಕಾಶಕ್ಕೆ ಹಾರಲು ಮುಂದಾದ ಸುನೀತಾ ವಿಲಿಯಮ್ಸ್..!
- Sports T20 World Cup 2024: ವೀರೇಂದ್ರ ಸೆಹ್ವಾಗ್ ಆಯ್ಕೆಯ ಭಾರತ ತಂಡದಲ್ಲಿ ಪ್ರಮುಖ ಆಟಗಾರರಿಗೆ ಸ್ಥಾನವಿಲ್ಲ!
- Technology Realme: ರಿಯಲ್ಮಿ ನಾರ್ಜೋ 70 5G, ನಾರ್ಜೋ 70x 5G ಸ್ಮಾರ್ಟ್ಫೋನ್ ಲಾಂಚ್! ಸಖತ್ ಫೀಚರ್ಸ್... ಬೆಲೆ ಎಷ್ಟು?
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಆಪ್ತ ಸಹಾಯಕನ ಹುಟ್ಟುಹಬ್ಬಕ್ಕೆ ವಿಶೇಷ ರೀತಿಯಲ್ಲಿ ಶುಭ ಕೋರಿದ ಕಿಚ್ಚ ಸುದೀಪ್
ಕಿಚ್ಚ ಸುದೀಪ್ ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ಆಲೋಚನೆ, ಅನಿಸಿಕೆಗಳನ್ನು ಹಂಚಿಕೊಳ್ಳುವುದು ವಿರಳವಾದರೂ, ಅದರಲ್ಲಿ ಸಕ್ರಿಯರಾಗಿರುತ್ತಾರೆ. ಅಭಿಮಾನಿಗಳ ಹುಟ್ಟುಹಬ್ಬ, ಮದುವೆ ಮುಂತಾದ ಸಂತಸದ ಕ್ಷಣಗಳಲ್ಲಿ ಶುಭ ಹಾರೈಸುವ ಮೂಲಕ ಅವರ ಸಂಭ್ರಮದಲ್ಲಿ ತಾವೂ ಭಾಗಿಯಾಗಿ ಖುಷಿ ಹೆಚ್ಚಿಸುತ್ತಾರೆ.
Recommended Video
ತಮ್ಮ ಆಪ್ತ ನಟ, ನಟಿಯರು, ತಂತ್ರಜ್ಞರ ಜನ್ಮದಿನದ ಸಂದರ್ಭದಲ್ಲಿ ಸುದೀಪ್ ಅವರ ಶುಭಾಶಯ ವಿಶೇಷವಾಗಿರುತ್ತದೆ. ಮಗಳು ಸಾನ್ವಿ ಹುಟ್ಟುಹಬ್ಬದಂದು ಆಕೆಯ ಚಿಕ್ಕಂದಿನಿಂದ ಬೆಳೆದ ಫೋಟೊಗಳನ್ನು ಹಂಚಿಕೊಂಡು 'ಮತ್ತೆ ಮಗುವಾಗು ನೀನು' ಎಂದು ಸುಂದರ ಪದ್ಯ ಬರೆದಿದ್ದರು. ಅವರ ಭಾವುಕ ಸಾಲುಗಳು ಮೆಚ್ಚುಗೆಗೆ ಒಳಗಾಗಿದ್ದವು. ಕುಟುಂಬದವರು ಮತ್ತು ಗಣ್ಯರಿಗೆ ಮಾತ್ರವಲ್ಲ ಸುದೀಪ್, ತಮ್ಮ ಜತೆ ಕೆಲಸ ಮಾಡುವವರನ್ನೂ ಅಷ್ಟೇ ಪ್ರೀತಿಯಿಂದ ನೋಡಿಕೊಳ್ಳುತ್ತಾರೆ ಎನ್ನುವುದು ಮತ್ತೆ ಸಾಬೀತಾಗಿದೆ. ಮುಂದೆ ಓದಿ..
ನೀವು ಎಂದೆಂದಿಗೂ ಸ್ಫೂರ್ತಿ: ಕ್ರೇಜಿ ಸ್ಟಾರ್ಗೆ ಕಿಚ್ಚ ಸುದೀಪ್ ಶುಭಾಶಯ
ಪಿಯಾನೋ ನುಡಿಸಿದ ಸುದೀಪ್
ತಮ್ಮ ಆಪ್ತ ಸಹಾಯಕ ಮಹದೇವ್ ಅವರ ಹುಟ್ಟುಹಬ್ಬಕ್ಕೆ ವಿಶೇಷವಾಗಿ ಶುಭಕೋರುವ ಮೂಲಕ ಸುದೀಪ್ ಗಮನ ಸೆಳೆದಿದ್ದಾರೆ. ಸುದೀಪ್ ಅವರ ಸಂಗೀತ ಒಲವು ಎಲ್ಲರಿಗೂ ಗೊತ್ತಿರುವುದೇ. ಗಿಟಾರ್ ಹಿಡಿದು ಅವರು ತಮ್ಮ ಕಂಚಿನ ಕಂಠದಲ್ಲಿ ಹಾಡುತ್ತಾರೆ. ಆದರೆ ಪಿಯಾನೋ ನುಡಿಸುವ ಕಲೆಯೂ ಗೊತ್ತಿದೆ ಎನ್ನುವುದು ಬಹಿರಂಗವಾಗಿದೆ.
ಮಹದೇವ್ಗೋಸ್ಕರ ಇದು
ಈಗ ಏನೋ ಪ್ಲೇ ಮಾಡುತ್ತೇನೆ. ನನಗೆ ಬೇಕಾಗಿರುವ, ನನ್ನೊಟ್ಟಿಗೆ ಇರುವ ಮಹದೇವ್ ಹುಟ್ಟುಹಬ್ಬ. ನಮ್ಮ ಮಹದೇವ್ಗೋಸ್ಕರ ಇದು ಎಂದು ಸುದೀಪ್, ಕೀಬೋರ್ಡ್ನಲ್ಲಿ ಹ್ಯಾಪಿ ಬರ್ಥಡೇ ಟೂ ಯೂ ಟ್ಯೂನ್ ನುಡಿಸಿದ್ದಾರೆ.
ವಿಷ್ಣು ದಾದಾ ಪಾಲಿನ ವಿಶೇಷ ದಿನ: ಸಾಹಸಸಿಂಹನನ್ನು ಸ್ಮರಿಸಿದ ಕಿಚ್ಚ ಸುದೀಪ್
|
ವಿಡಿಯೋ ವೈರಲ್
ಸುದೀಪ್ ಅವರ ಪಕ್ಕದಲ್ಲಿಯೇ ನಿಂತಿದ್ದ ಮಹದೇವ್ ಸಂಕೋಚದಿಂದಲೇ ಈ ಖುಷಿಯಲ್ಲಿ ಭಾಗಿಯಾಗಿದ್ದಾರೆ. ಕೀಬೋರ್ಡ್ ನುಡಿಸಿದ ಬಳಿಕ ಸುದೀಪ್, 'ಹ್ಯಾಪಿ ಬರ್ಥಡೇ ಮಹದೇವ್' ಎಂದು ಅವರನ್ನು ಆಲಂಗಿಸಿದ್ದಾರೆ. ಈ ವಿಡಿಯೋ ವೈರಲ್ ಆಗಿದೆ.
ಮತ್ತಷ್ಟು ಎಚ್ಚರಿಕೆ ವಹಿಸಿ
ಇದರ ಜತೆಗೆ ಸುದೀಪ್, ಇಂದು ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿರುವ ಎಲ್ಲರಿಗೂ ಶುಭ ಹಾರೈಸಿದ್ದಾರೆ. ಹಾಗೆಯೇ ಇಂದಿನಿಂದ ಅನೇಕ ನಿರ್ಬಂಧಗಳನ್ನು ತೆರವುಗೊಳಿಸುತ್ತಿರುವುದರಿಂದ ಕೋವಿಡ್ ಎಲ್ಲರಿಗೂ ಮತ್ತಷ್ಟು ಸಮೀಪವಾಗಲಿದೆ. ಎಲ್ಲರೂ ಇನ್ನೂ ಹೆಚ್ಚು ಎಚ್ಚರಿಕೆ ವಹಿಸಿ ಎಂದು ಕಿವಿಮಾತು ಹೇಳಿದ್ದಾರೆ.
ಮಗಳಿಗೆ ಹಾಡಿನ ಉಡುಗೊರೆ ನೀಡಿ 'ಈ' ಮೂವರಿಗೆ ಧನ್ಯವಾದ ತಿಳಿಸಿದ ಕಿಚ್ಚ ಸುದೀಪ್